Thu02212019

Last updateTue, 20 Nov 2018 3pm

Latest News

நாட்டின் பல பிரதேசங்களிலும் மழை பெய்யும் என்று வளிமண்டலவியல் திணைக்களம் அறிவித்துள்ளது

மேற்கு, சப்ரகமுவ, மத்திய, வடமேல் மாகாணங்களில் மழையோ இடியுடன் கூடிய மழையோ பெய்யலாமென்று வளிமண்டலவியல் திணைக்களம் அறிவித்துள்ளது. மத்திய, சப்ரவமுவ, மேல் மாகாணங்களிலும், காலி, மாத்தறை மாவட்டங்களிலும் 100 மில்லி மீற்றர்களைத் தாண்டிய மழை பெய்யலாம். மேற்கு, தெற்கு, வடக்கு, வடமத்திய, வடமேல் மாகாணங்களிலும், மொனறாகலை மாவட்டத்திலும் மணிக்கு 60 கிலோ மீற்றர்களை தாண்டிய வேகத்தில் காற்று வீசும் என்று திணைக்களம் வெளியிட்டுள்ள அறிக்கையில் குறிப்பிடப்பட்டுள்ளது

ஊடகச் சுதந்திரம் குறித்து அரசாங்கம் அர்ப்பணிப்புடன் செயல்பட்டு வருவதாக அமைச்சர் மலிக் சமரவிக்ரம தெரிவித்தார்.

ஊடகச் சுதந்திரம் குறித்து அரசாங்கம் அர்ப்பணிப்புடன் செயல்பட்டு வருவதாக அமைச்சர் மலிக் சமரவிக்ரம தெரிவித்தார். இன்று பாராளுமன்றத்தில், பாராளுமன்ற உறுப்பினர் தினேஷ் குணவர்தன டி.என்.எல் ஒளிபரப்பு நிலையம் குறித்து கேள்வி எழுப்பிய போது அதற்;கு பதிலளித்து பேசுகையிலேயே அமைச்சர் இந்தக் கருத்துக்களை வெளியிட்டார்.

டி.என்.எல் நிலையத்தின் பொல்கஹவெல ஒளிபரப்பு கோபுரத்திற்கு சீல் வைத்தமை ஏற்றுக் கொள்ள முடியாத விடயம் என்றும் அமைச்சர் இங்கு குறிப்பிட்டார். கடந்த ஆட்சியின் போது ஊடகத்திற்கு ஏற்படுத்தப்பட்ட அச்சுறுத்தல் மற்றும் அழுத்தங்கள் குறித்து மக்கள் இன்னும் மறந்து விடவில்லை என்று அவர் குறிப்பிட்டார்.

பாராளுமன்ற உறுப்பினர் புத்திக்க பத்திரண கருத்துத் தெரிவிக்கையில், பொல்கஹவெல ஒளிபரப்பு நிலையத்தை எதுவித நிபந்தனையும் இன்றி மீண்டும் இயங்கச் செய்ய வேண்டும் என்று வலியுறுத்தினார்.

இதுவிடயம் தொடர்பில் எதிர்காலத்தில் நன்கு ஆராய்ந்து பதிலொன்றை தருவதாக அமைச்சர் கயந்த கருணாதிலக்க தெரிவித்தார்.

கடந்த ஆட்சியின் போது, நுரைச்சோலை அனல் மின் நிலையத்தில் எதுவித நடைமுறைகளும் இல்லாமல் நிலக்கரி கொள்வனவு செய்யப்பட்டுள்ளது என்று பிரதி அமைச்சர் அஜித் பி பெரேரா சாடியுள்ளார்.

கடந்த ஆட்சியின் போது, நுரைச்சோலை அனல் மின் நிலையத்தில் எதுவித நடைமுறைகளும் இல்லாமல் நிலக்கரி கொள்வனவு செய்யப்பட்டுள்ளது என்று பிரதி அமைச்சர் அஜித் பி பெரேரா சாடியுள்ளார்.

இதனால், தற்சமயம் அரசாங்கத்திற்கு ஆயிரத்து 200 கோடி ரூபா நட்டம் ஏற்பட்டுள்ளது. இந்த அனல் மின் நிலையம் ஆரம்பிக்கப்பட்டு 2014ஆம் ஆண்டு வரை உள்ள ஐந்து வருட காலப்பகுதியில் நிலக்கரி ஒரே நிறுவனத்திடமிருந்தே கொள்வனவு செய்யப்பட்டுள்ளது. உலக சந்தையில் நிலக்கரியின் விலைகளில் ஏற்பட்ட மாற்றங்களை கருத்தில் கொள்ளாமல், 35 கோடி டொலருக்கும் அதிகமான பெறுமதியை கொடுத்து நிலக்கரி கொள்வனவு செய்யப்பட்டதாக பிரதி அமைச்சர் எமது நிலையத்திற்கு தெரிவித்தார்.

இதனால், அரசாங்கத்திற்கு பத்து கோடி டொலர் நட்டம் ஏற்பட்டுள்ளது. இருந்த போதிலும், சமகால அரசாங்கம் முறையாக கேள்விப் பத்திர நடைமுறை மூலம் நிலக்கரி கொள்வனவுகளை மேற்கொண்டு நட்டத்தின் அளவை குறைத்துள்ளது. சமகால அரசாங்கம் மேற்கொண்ட நிலக்கரி கொள்வனவுகளில் எதுவித நட்டமும் ஏற்படவில்லை. உலக சந்தையில் நிலக்கரி கொள்வனவு தொடர்பில் 20 போட்டியாளர்கள் உள்ளனர் என்பதும் குறிப்பிடத்தக்கது.

வெளிநாட்டு வேலைவாய்ப்பு பணியகத்தின் ஊவா அலுவலகமும் புலம்பெயர் வள நிலையமும் இன்று ஜனாதிபதி தலைமையில் அங்குரார்ப்பணம்

வெளிநாட்டு வேலைவாய்ப்பு பணியகத்தின் ஊவா அலுவலகமும் புலம்பெயர் வள நிலையமும் இன்று ஜனாதிபதி தலைமையில் அங்குரார்ப்பணம்

இலங்கை வெளிநாட்டு வேலைவாய்ப்பு பணியகத்தின் ஊவா மாகாண அலுவலகமும் புலம்பெயர்ந்தோருக்கான வளநிலையமும் ஜனாதிபதி மைத்திரிபால சிறிசேன தலைமையில் இன்று பிற்பகல் மூன்று மணிக்கு திறந்து வைக்கப்படவுள்ளன.

இவ்விரு கட்டடங்களும் ஹாலிஎல, பதுளை வீதியில் 202ம் இலக்க முகவரியில் நிர்மாணிக்கப்பட்டுள்ளன. இவற்றை அமைப்பதற்கு 54 கோடி ரூபாவை அரசாங்கம் செலவிட்டுள்ளது. இங்கு இரண்டு-ஆறு மாடிக் கட்டடங்களும், இரண்டு மாடிக் கட்டடமும் நிர்மாணிக்கப்பட்டுள்ளன. இவை வெளிநாட்டு வேலைவாய்ப்பு பணியகத்திற்கு சொந்தமான காணியில் அமைந்துள்ளன.

வெளிநாட்டு வேலைவாய்ப்பை எதிர்பார்த்து காத்திருக்கும் 200 பேருக்கு ஒரே தடவையில் வதிவிட பயிற்சி வழங்கும் வசதி புலம்பெயர் வளநிலையத்தில் இருக்கின்றது. இது கொரியா செல்லும் இலங்கையர்களுக்கான பிரதான பயிற்சி நிலையமாகவும் இயங்கும். பணிப்பெண் அல்லாத வேலைவாய்ப்புகளுக்காக ஐந்து நாள் பயிற்சியையும், ஜப்பான் மொழித் தேர்;ச்சி கற்கை நெறிகளையும் வழங்கக் கூடிய வசதிகள் வள நிலையத்தில் இருக்கின்றன.

அவிசாவளை – அஸ்வத்தை இரும்பு பாலம் பிரதமர் தலைமையில் மக்கள் பாவனைக்கு


அவிசாவளை அஸ்வத்த இரும்பு பாலத்தை பிரதம மந்திரி ரணில் விக்ரமசிங்க இன்று திறந்து வைப்பார். இதன் திறப்பு விழா இன்று மாலை நான்கு மணிக்கு இடம்பெறும்.

இந்தப் பாலம் அஸ்வத்த 178 மீற்றர் நீளமானதாக நிர்மாணிக்கப்பட்டுள்ளது. இது ஏழு தசம் மூன்று-மீற்றர் அகலமானதாகும். இதில் இரண்டு ஒழுங்கைகள் உள்ளன.

அஸ்வத்த – ரன்வெல கிராமங்களை இணைக்கும் வகையில் பிரிட்டனின் மாபே பிரிஜ் நிறுவனத்தின் தொழில்நுட்ப உதவியோடு பாலம் அமைக்கப்பட்டுள்ளது.

இந்திய சிறுமிகள் பொது இடங்களில் நடமாடுவதற்கு அச்சம் கொண்டுள்ளதாக ஆய்வொன்றில் கண்டுபிடிப்பு


தாம் பொது இடங்களில் நடமாடுகையில் இம்சைப்படுத்தலுக்கு உள்ளாவது பற்றி இந்திய சிறுமிகள் மத்தியில் அச்சம் நிலவுவதாக ஆய்வு ஒன்றில் தெரியவந்துள்ளது.

இந்த ஆய்வை மகளிர் உரிமைகளுக்காக போராடும் சேவ் தெ சிலரன் அமைப்பு நடத்தியுள்ளது. சிறகுகள் 2018 - இந்திய சிறுமிகளின் உலகம் என்ற பெயரில் ஆய்வு தொகுக்கப்பட்டுள்ளது.

நகரமாக இருந்தால் என்ன, கிராமமாக இருந்தால் என்ன, தாம் குறுகலான ஒழுங்கைகளில் நடந்து செல்வதற்கு பெரிதும் அச்சம் கொண்டுள்ளதாக 33 சதவீதமான சிறுமிகள் தெரிவித்துள்ளனர்.

ஸ்பெயினின் பெண்ணிலைவாத பிரதமரது புதிய அமைச்சரவையில் ஆகக் கூடுதலான பெண்கள்

ஸ்பெயினில் சோஷலிசக் கொள்கைகளை அனுசரிக்கும் பிரதம மந்திரி பெட்ரோ சான்செஸ் அமைச்சரவையின் கூடுதலாக பெண்களுக்கு இடம் அளித்துள்ளார். அவரது புதிய அமைச்சரவையில் 17 பேர் அங்கம் வகிக்கிறார்கள். இவர்களில் 11 பேர் பெண்களாவர். பாதுகாப்பு, பொருளாதாரம், நிதி, கல்வி முதலான அமைச்சு பொறுப்புக்களும் பெண்களுக்கு வழங்கப்பட்டுள்ளன. முன்னாள் பிரதமர் மரியானோ ரஜோயின் அமைச்சரவையில் கூடுதலாக ஆண்களே ஆதிக்கம் செலுத்தினார்கள். புதிய பிரதமர் தம்மை பெண்ணிலைவாதியாக அடையாளப்படுத்துகிறார்.

மேல் மாகாணத்தில் மேலும் 494 பட்டதாரிகளுக்கு ஆசிரியர் நியமனம்

மேல் மாகாணத்தில் நிலவும் ஆசிரியர் வெற்றிடங்களை நிரப்புவதற்காக மேலும் 494 பட்டதாரிகளுக்கு ஆசிரியர் நியமனங்கள் வழங்கப்படவுள்ளன.

இது தொடர்பான வைபவம் இன்று முற்பகல் கொழும்பு தாமரைத் தடாக அரங்கில் நடைபெறும். ஜனாதிபதி மைத்ரிபால சிறிசேன பிரதம அதிதியாக கலந்து கொள்வார்.

2014ஆம், 2016ஆம், 2017ஆம் ஆண்டுகளில் இடம்பெற்ற போட்டிப் பரீட்சைகளில் ஆகக் கூடுதலான புள்ளிகளை பெற்ற பட்டதாரிகளுக்கு ஆசிரியர் நியமனங்கள் வழங்கப்படுகின்றன. அதன் ஒரு கட்டமாக இன்று நியமனக் கடிதங்கள் கையளிக்கப்படுகின்றன.

2015ஆம் ஆண்டு தொடக்கம் இதுவரை மேல் மாகாணத்தில் இரண்டாயிரத்து 822 ஆசிரியர்கள் நியமனம் பெற்றுள்ளார்கள்.

காணாமல் போனவர்கள் தொடர்பான பட்டியல் உள்ளதாக வெளியான ஊடக செய்திகளுக்கு காணாமல் போனவர்கள் தொடர்பான அலுவலகம் மறுப்பு

காணாமல் போனோருக்கான அலுவலகத்தின் தவிசாளரை மேற்கோள் காட்டி சமீபத்தில் வெளியான சில செய்திகள் குறித்து அலுவலகம் கவனம் செலுத்தியுள்ளது.

இறுதிக் கட்ட யுத்தத்தில் காணாமல் போனவர்கள் மற்றும் ஆயுதப் படைகளிடம் சரணடைந்தவர்களின் விபரங்கள் அடங்கிய பெயர் பட்டியலை தாம் வெளியிடத் தயாரென தவிசாளர் சாலிய பீரிஸ் கூறியிருந்ததாக செய்திகள் வெளியாகியிருந்தன.

Read more...

மாகாண சபை தேர்தல் முறையை கண்காணிக்க நியமித்த குழு தேர்தல்கள் ஆணைக்குழுவின் தலைவருடன் பேச்சுவார்த்தை

மாகாண சபை தேர்தல் முறையை பரிசீலிப்பதாக சிவில் அமைப்புக்கள் பிரேரித்த குழுவின் பிரதிநிதிகள் நேற்று தேர்தல்கள் ஆணைக்குழுவின் தலைவர் மஹிந்த தேசப்பிரியவை நேற்று சந்தித்தது.

இந்த உத்தியோகபூர்வ சந்திப்பில் மாகாண சபை தேர்தலை நடத்துவதில் உள்ள சிக்கல்கள் பற்றி ஆராய்ந்ததாக பெப்ரல் அமைப்பின் நிறைவேற்றுப் பணிப்பாளர் ரோஹண ஹெட்டியாராச்சி தெரிவித்தார்.

Read more...

எப்பாவல பொஸ்பேட் உற்பத்தி நடவடிக்கைகளை துரிதமாக மீள ஆரம்பிப்பது பற்றி அரசாங்கம் கவனம் செலுத்தியுள்ளது

முன்னைய அரசாங்கம் 90 கோடி ரூபாவை வழங்கியிருந்தால், எப்பாவல பொஸ்பேட் கனிமத்திலிருந்து உலகின் மிகச் சிறந்த பொஸ்பேட் உரத்தை தயாரித்திருக்கலாம் என கல்விமான் குழுவொன்று அறிவித்துள்ளது.

Read more...

நாடக விற்பனைக்கான 14 சதவீத வரியை அறவிடுவது தொடர்பாக காணப்படும் முறைமையை திருத்தியமைத்து இந்த வரியை அறவிட வேண்டாமென்று ஜனாதிபதி பணிப்புரை

புதிய வரிக் கொள்கையில் இடம்பெற்றுள்ள விடயங்களுக்கு தவறாக விளக்கம் அளித்துள்ளமையினால் நாடக விற்பனைக்கான 14 சதவீத வரியை அறவிடுவது தொடர்பாக காணப்படும் முறைமையை திருத்தியமைத்து இந்த வரியை அறவிட வேண்டாமென்று உரிய நிறுவனங்களுக்கு எழுத்து மூலம் அறிவிக்குமாறு ஜனாதிபதி மைத்திரிபால சிறிசேன நிதி அமைச்சுக்கு பணிப்புரை வழங்கியுள்ளார். புதிய நிதிக் கொள்கையினால் உள்நாட்டு சினிமா துறை, நாடகத்துறை என்பனவற்றின் முன்னேற்றத்திற்கு பாதிப்பு ஏற்பட்டடிருக்குமாயின் உரிய நிறுவனங்களுடன் கலந்துரையாடி நியாயமான தீர்வை வழங்குமாறும் ஜனாதிபதி மைத்திரிபால சிறிசேன கோரிக்கை விடுத்துள்ளார்.

பிரதான இரண்டு கட்சிகளும் இணைந்து செயற்படுவதை தவிர மாற்று வழிகள் இல்லையென்று அமைச்சர் ராஜித சேனாரத்ன சுட்;டிக்காட்டியுள்ளார்.

பிரதான இரண்டு கட்சிகளும் இணைந்து  முன்னோக்கிச் செல்லும் வேலைத் திட்டத்தை தவிர மாற்று வழிகள் இல்லையென்று அமைச்சர் ராஜித சேனாரத்ன தெரிவித்துள்ளார். அரசியல் கட்சிகளின் தேவைக்காவே அரசாங்கத்தின் 100 நாள் வேலைத்திட்டம் தயாரிக்கப்பட்டதாகும் என்றும் அவர் கூறினார். அமைச்சரவை முடிவுகளை அறிவிக்கும் செய்தியாளர் மாநாட்டில் அமைச்சர் கருத்து வெளியிட்டார்.

என்டர்பிரைஸஸ் ஸ்ரீலங்கா வேலைத்திட்டத்தின் கீழ் 50 ஆயிரம் தொழில்வாய்ப்புக்கள் உருவாக்கப்படவிருக்கின்றன

அரசாங்கம் நடைமுறைப்படுத்தும் என்டர்பிரைஸஸ் ஸ்ரீலங்கா வேலைத்திட்டத்தின் கீழ் 50 ஆயிரம் தொழில்வாய்ப்புக்களை உருவாக்க இலக்கு நிர்ணயிக்கப்பட்டுள்ளது.

2025ஆம் ஆண்டை இலக்காகக் கொண்டு மாவட்;ட மட்டங்களில் கண்காட்சிகளை நடத்த அமைச்சரவை அங்கீகாரம் அளித்துள்ளது. மஹரகம அபேக்ஷா வைத்தியசாலைக்கு எம்.ஆர்.ஐ இயந்திரத்தையும், கண்டி போதனா வைத்தியசாலைக்கு பெட் ஸ்கேனர் இயந்திரத்தையும் துரிதமாக வழங்க அமைச்சரவை அங்கீகாரம் அளித்திருப்பதாக அமைச்சர் கயந்த கருணாதிலக்க தெரிவித்துள்ளார்.

Read more...

ஹம்பாந்தோட்டை மற்றும் பொலன்னறுவை மாவட்டங்களின் விவசாய செயற்றிட்டங்களுக்கு உலக வங்கியின் நிதியுதவி

ஹம்பாந்தோட்டை மற்றும் பொலன்னறுவை மாவட்டங்களின் விவசாய செயற்றிட்டங்களுக்கு உலக வங்கியின் நிதியுதவி வழங்குகிறது. உலக வங்கியின் நிலைபேறான அபிவிருத்தி தொடர்பான செயற்றிட்ட முகாமையாளருக்கும், அமைச்சர் மஹிந்த அமரவீரவுக்கும் இடையில் இடம்பெற்ற பேச்சுவார்த்தையின் போது இந்த இணக்கப்பாடு எடுக்கப்பட்டது. இதற்குத் தேவையான நிதியுதவியை வழங்கவும் அவர் இணக்கம் தெரிவித்தார்.

பல்கலைக்கழகங்களின் பகிடிவதையை கட்டுப்படுத்துவதற்காக புதிய கைத்தொலைபேசி எப் அறிமுகம்.

பல்கலைக்கழகங்களில் இடம்பெறும் பகிடிவதையை கட்டுப்படுத்துவதற்காக கைத்தொலைபேசி எப் வகையை பல்கலைக்கழக மானியங்கள் ஆணைக்குழு அறிமுகம் செய்துள்ளது.

பகிடிவதையை கட்டுபடுத்தும் பொறுப்பு உபவேந்தர்கள், பீடாதிபதிகள், விரிவுரையாளர்கள் ஆகியோரை சாரும் என்று அமைச்சர் விஜயதாஸ ராஜபக்ஷ தெரிவித்துள்ளார். புதிய தொலைபேசி எப்பை அறிமுகம் செய்யும் நிகழ்வில் அவர் உரையாற்றினார்.

Read more...

ஐக்கிய தேசியக் கட்சியின் உப தவிசாளராக அமைச்சர் மங்கள சமரவீர நியமிக்கப்பட்டுள்ளார்.

ஐக்கிய தேசியக் கட்சியின் உப தவிசாளராக நிதி மற்றும் ஊடகத்துறை அமைச்சர் மங்கள சமரவீர நியமிக்கப்பட்டுள்ளார். கடந்த ஏப்ரல் மாதம் 26ஆம் திகதி முதல் அமுலுக்கு வரும் வகையில் இந்த நியமனம் வழங்கப்பட்டிருக்கிறது.

தொழில் வாய்ப்பு தொடர்பான புதிய சட்டம் அறிமுகப்படுத்தப்படவுள்ளது.


இலங்கையின் தனி தொழிவாய்ப்பு சட்டத்தை அறிமுகப்படுத்தும் நடவடிக்கை ஆரம்பிக்கப்பட்டுள்ளதாக தொழில் மற்றும் தொழில் உறவுகள் அமைச்சர் ரவீந்திர சமரவீர தெரிவித்துள்ளார்.

அமுலில் உள்ள சட்டத்தை இணைத்து இது அறிமுகப்படுத்தப்படும் என்று அவர் கூறினார். ஜெனீவாவில் இடம்பெற்ற உலக தொழிலாளர் அமைப்பின் 107ஆவது கூட்டத்தொடரில் அவர் உரையாற்றினார்.

ஜனாதிபதி பணிக்குழுவின் முன்னாள் பணிப்பாளருக்கு எதிர்வரும் 19ஆம் திகதி வரை மீண்டும் விளக்கமறியல்.

இரண்டு கோடி ரூபா லஞ்சம் பெற்ற குற்றச்சாட்டின் கீழ் ஜனாதிபதி பணிக்குழுவின் முன்னாள் தலைவர் கே.மஹாநாம, அரச மரக் கூட்டுத்தாபனத்தின் முன்னாள் தலைவர் பி.திஸாநாயக்க ஆகியோர் எதிர்வரும் 19ஆம் திகதி வரை மீண்டும் விளக்கமறியலில் வைக்க்பபட்டுள்ளார்கள். கொழும்பு பிரதம நீதவான் ரங்க திஸாநாயக்க முன்னிலையில் ஆஜர்படுத்தப்பட்ட போது இந்த உத்தரவு வழங்கப்பட்டது.

உலக சுகாதார தினத்திற்கு அமைவாக யாழ் நகரில் பல்வேறு வேலைத்திட்டங்கள்.


உலக சுற்றாடல் தினத்தை முன்னிட்டு வட மாகாணத்தில் யாழ் நகரை மையமாகக் கொண்டு பல்வேறு வேலைத்திட்டங்கள் அமுலாகின்றன.

இதற்கமைவாக ஒழுங்கு செய்யப்பட்டிருந்த மரநடுகை வேலைத்திட்டம் யாழ்ப்பாணம் கோட்டைக்கு அருகில் இன்று இடம்பெற்றது. பல்வேறு வகையான ஆறாயிரம் மரக்கன்றுகள் இதன் போது நாட்டி வைக்கப்பட்டன.

இராணுவம், பொலிஸார், யாழ் மாநகரசபை என்பனவற்றின் அதிகாரிகள் இதில் கலந்து கொண்டார்கள். யாழ்ப்பாணத்தில் 16 பாடசாலைகளு இந்த வேலைத்திட்டத்தில் இணைக்கப்பட்டிருந்தமை குறிப்பிடத்தக்கது.

பாராளுமன்றத்தின் பிரதி சபாநாயகர் இன்று தெரிவு செய்யப்படவுள்ளார்

பாராளுமன்றத்தின் புதிய பிரதி சபாநாயகரை தெரிவு செய்வதற்கான இரகசிய வாக்கெடுப்பு இன்று பிற்பகல் பாராளுமன்றத்தில் இடம்பெறவுள்ளது.

பிரதி சபாநாயகர் பதவிக்கு ஐக்கிய தேசியக் கட்சி சார்பாக பாராளுமன்ற உறுப்பினர் ஆனந்த குமாரசிறியின் பெயர் பரிந்துரைக்கப்பட்டுள்ளது.

Read more...