Sat07202019

Last updateTue, 18 Jun 2019 3pm

Latest News

2020ஆம் ஆண்டளவில் இலங்கையின் மீள்சக்தி பிறப்பாக்கி மூலம் மொத்த மின் உற்பத்தியை 35 வீதத்தால் அதிகரிக்கத் திட்டமிட்டுள்ளதாக அமைச்சர் ரஞ்சித் சியம்பளாபிட்டிய தெரிவித்துள்ளார்.

2020ஆம் ஆண்டளவில் இலங்கையின் மீள்சக்தி பிறப்பாக்கி மூலம் மொத்த மின் உற்பத்தியை 35 வீதத்தால் அதிகரிக்கத் திட்டமிட்டுள்ளதாக அமைச்சர் ரஞ்சித் சியம்பளாபிட்டிய தெரிவித்துள்ளார். இலங்கையில் மீள் சக்தி பிறப்பாக்கல் முயற்சிகளை துரித கதியில் முன்னெடுப்பதற்கான அவசியத்தை அமைச்சர் வலியுறுத்தினார். எதிர்ப்பார்த்த மழை பெய்யாத காலத்தில் மீள் சக்தி பிறப்பாக்கி மூலம் உற்பத்தி செய்யப்படும் மின்சாரம் மிகவும் பயனுள்ளதாக அமையும் என்று அவர் குறிப்பிட்டார். இன்று அனுராதபுரம் ஜயஸ்ரீ மஹாபோதி புனித ஸ்தலத்தில் இடம்பெற்ற விசேட நிகழ்வொன்றில் கலந்து கொண்டு உரையாற்றும் போதே அமைச்சர் இந்தத் தகவல்களை வெளியிட்டார்.

2018 சிறுபோகத்தின் போது பெரிய வெங்காயச் செய்கையை ஊக்குவிக்கும் நோக்கில் விவசாயிகளுக்கு பல நிவாரண உதவிகளை விவசாயத்துறை அமைச்சு வழங்கவுள்ளது.

2018 சிறுபோகத்தின் போது பெரிய வெங்காயச் செய்கையை ஊக்குவிக்கும் நோக்கில் விவசாயிகளுக்கு பல நிவாரண உதவிகளை விவசாயத்துறை அமைச்சு வழங்கவுள்ளது. அந்த வகையில் இம்முறை சிறுபோகத்தின் போது, விவசாயிகளுக்கு வெங்காய விதைகளை கொள்வனவு செய்வதற்கு அமைச்சு நான்கு கோடி 70 லட்சம் ரூபாவை ஒதுக்கியுள்ளது. ஒரு ஏக்கருக்கு ஒன்பதாயிரம் ரூபா தொடக்கம் 40 ஆயிரம் ரூபா வரை பெறுமதி கொண்ட விதை நிவாரண உதவிகளை அமைச்சு விவசாயிகளுக்கு வழங்கவுள்ளது.

அனர்த்தத்தை முகங்கொடுக்கத் தயாராதல் என்ற தலைப்பிலான விசேட வேலைத்திட்டம் இன்று காலை காலி மாவட்டத்தில் ஆரம்பமானது.

தென்மேற்கு பருவப்பெயர்ச்சிக் காலநிலை தீவிரம் பெறுவதால் நிகழக்கூடிய அனர்த்தங்களின் பாதிப்புக்களைத் தணிப்பதற்கு அரசாங்கம் தயாராகி வருவதாக இடர்காப்பு முகாமைத்துவத்திற்குப் பொறுப்பான அமைச்சர் துமிந்த திசாநாயக்க தெரிவித்துள்ளார்.

அனர்த்தத்தை முகங்கொடுக்கத் தயாராதல் என்ற தலைப்பிலான விசேட வேலைத்திட்டம் இன்று காலை காலி மாவட்டத்தில் ஆரம்பமானது. நாட்டின் 10 மாவட்டங்களில் அமுலாகும் இயற்கை அனர்த்த ஒத்திகைத் திட்டத்தின் இரண்டாவது நிகழ்ச்சி இன்று காலி மாவட்டத்தில் அமுலானது. இங்கு வெள்ள மற்றும் மண்சரிவு அபாயம் உள்ள 10 பிரதேச செயலகப் பிரிவுகளைச் சேர்ந்த 60 கிராமங்களில் ஒத்திகை வேலைத்திட்டம் முன்னெடுக்கப்பட்டது.

இதேவேளை, நேற்று காலி மாவட்ட செயலக அலுவலகத்தில் வெள்ள அனர்த்தத்தை சமாளிக்கக்கூடிய ஒத்திகை நிகழ்ச்சி இடம்பெற்றது. அரச அதிகாரிகளுக்கும் பொதுமக்களுக்கும் விழிப்புணர்வை ஏற்படுத்துவது இதன் நோக்கமாகும். களுத்துறை மாவட்டத்திலுள்ள 50 கிராம உத்தியோகத்தர் பிரிவுகளிலிருந்து 50 ஆயிரம் பேர் வரை கலந்து கொண்டார்கள்.

இதற்காக பேரீடருக்கு முன்னர் தயார் நிலை என்ற தொனி;ப்பொருளில் வேலைத்திட்டமொன்று வகுக்கப்பட்டுள்ளது. இந்த வேலைத்திட்டம் எதிர்வரும் 22ம் திகதி தொடக்கம் ஜுன் மாதம் 3ஆம் திகதி வரை அமுலாக்கப்படும். இதன் அங்குரார்ப்பண நிகழ்வு இன்று காலி மாவட்டத்தில் ஆரம்பமானது.

இந்தக் காலப்பகுதியில் பருவப்பெயர்ச்சி காலநிலையாக அமைவதால், பெரிதும் பாதிக்கப்படக்கூடிய பிரதேசங்களை இனங்கண்டு இதற்குரிய வேலைத்திட்டங்களை அமுலாக்கப் போவதாக அமைச்சர் குறிப்பிட்டார். அமைச்சர் துமிந்த திஸாநாயக்க நீர்ப்பாசனம், நீர்வள மற்றும் இடர்காப்பு முகாமைத்துவ அமைச்சில் நேற்று இடம்பெற்ற செய்தியாளர் மாநாட்டில் உரையாற்றினார்.


ஏதிர்வரும் 22;ஆம் திகதி தொடக்கம் தென்மேற்கு பருவப்பெயர்ச்சி காலநிலை தீவிரம் பெறுவதால் அடைமழை பெய்யக்கூடும் என வளிமண்டலவியல் திணைக்களத்தின் பணிப்பாளர் நாயகம் கே.எச்.பிரேமலால் தெரிவித்தார். இந்தக் காலப்பகுதியில் வங்காள விரிகுடாவில் தாழமுக்கம் ஏற்படலாமென்றும் அவர் குறிப்பிட்டார்.

தேசிய கட்டட ஆராய்ச்சி நிறுவனத்தின் பணிப்பாளர் நாயகம் ஆசிரி கருணாவர்தனவும் செய்தியாளர் மாநாட்டில் தகவல் அறிவித்தார். நாட்டின் மலைப்பாங்கான பிரதேசங்களில் அடை மழைபெய்யலாம். இந்தப் பிரதேசங்களில் வாழும் மக்கள் கவனமாக இருக்க வேண்டுமென அவர் குறிப்பிட்டார். மண்சரிவு அபாயம் ஏற்படக்கூடிய 10 மாவட்டங்களில் 15 ஆயிரம் குடும்பங்கள் இனங்காணப்பட்டுள்ளன. இந்தக் குடு;மபங்களை பாதுகாப்பான இடங்களுக்கு மாற்ற நடவடிக்கை எடுக்கப்பட்டுள்ளது. மக்கள் ஊடகங்களில் அறிவிக்கப்படும் மண்சரிவு
அபாய எச்சரிக்கைகளை அனுசரித்து நடவடிக்கை வேண்டுமென திரு.கருணாவர்தன கோரிக்கை விடுத்தார்.

இடர் நிலைமைகள் பற்றி இடர்காப்பு முகாமைத்துவ நிலையத்திற்கு தொலைபேசி மூலம் அறிவிக்க முடியும். அழைக்க வேண்டிய இலக்கம் 117 என்பதாகும். இதுதவிர, 0112-136-136, 079-117-117, 0702-117-117 ஆகிய இலக்கங்களையும் தொடர்பு கொள்ள முடியும்.

மலேசிய முன்னாள் பிரதமர் நஜீப் ரஸாக்கின் ஆடம்பர பொருட்கள் மற்றும் பெருந்தொகை பணத்தை விசேட சுற்றிவளைப்பின் போது பொலிஸார் கைப்பற்றியுள்ளனர்.

மலேசிய முன்னாள் பிரதமர் நஜீப் ரஸாக்கின் ஆடம்பர பொருட்கள் மற்றும் பெருந்தொகை பணத்தை விசேட சுற்றிவளைப்பின் போது பொலிஸார் கைப்பற்றியுள்ளனர். முன்னாள் பிரதமருடன் தொடர்புடைய சொத்துக்கள் மற்றும் பெருந்தொகையான வெளிநாட்டு நாணயத் தாள்கள் கைப்பற்றப்பட்டுள்ளன. மலேசிய தலைநகர் கோலாலம்பூரில் பொலிஸார் மேற்கொண்ட சுற்றிவளைப்பின் போதே இந்த சொத்துக்கள் கைப்பற்றப்பட்டன. ஊழல் மற்றும் மோசடி காரணமாக முன்னாள் பிரதமர் நஜீப் ரஸாக் கடந்த தேர்தலில் படுதோல்வி அடைந்தார்.

நேற்று நள்ளிரவு தொடக்கம் திட்டமிட்டிருந்த வேலைநிறுத்தத்தை நடத்தப் போவதில்லை என்று அகில இலங்கை தனியார் பஸ் உரிமையாளர் சம்மேளனம் அறிவிப்பு.

நேற்று நள்ளிரவு முதல் அமுல்படுத்தப்படவிருந்த வேலைநிறுத்தம் கைவிடப்பட்;டதாக பிரதியமைச்சர் அசோக அபேசிங்ஹ தெரிவித்துள்ளார்.

பஸ் சங்கங்களின் பிரதிநிதிகளுடன் இடம்பெற்ற பேச்சுவார்த்தையின் பின்னர் இந்தத் தீர்மானம் எடுக்கப்பட்டது. பஸ் உரிமையாளர்களின் பிரச்சினைகளை தீர்ப்பது தொடர்பான யோசனை எதிர்வரும் 22ஆம் திகதி அமைச்சரவையில் சமர்ப்பிக்கப்பட இருக்கிறது. அமைச்சரவையின் அனுமதி கிடைத்த தினத்தில் இருந்து உரிய யோசனையை அமுல்படுத்த எதிர்பார்ப்பதாகவும் பிரதியமைச்சர் அசோக அபேசிங்ஹ கூறினார்.

அரசாங்கம் 12.5 சதவீத பஸ் கட்டண அதிகரிப்பிற்கு இணக்கம் தெரிவித்ததாக அகில இலங்கை பஸ் உரிமையாளர்கள் சம்மேளனத்தின் செயலாளர் அஞ்சன பிரியஞ்சித் இலங்கை ஒலிபரப்புக் கூட்டுத்தாபனத்திற்குத் தெரிவித்தார்.
ஏற்கனவே அமுல்படுத்த திட்டமிட்டிருந்த வேலைநிறுத்தத்தைக் கைவிட்டதாகவும் அவர் கூறினார்.

எதிர்வரும் செவ்வாய்க்கிழமை முதல் புதிய கட்டண அதிகரிப்பு அமுலுக்கு வரவிருக்கிறது. பிரதியமைச்சர்களான லசந்த அழகியவன்ன, அசோக அபேசிங்ஹ ஆகியோருடன் இடம்பெற்ற பேச்சுவார்த்தையின் பின்னர் இந்தத் தீர்மானம் எடுக்கப்பட்டிருக்கிறது.

கலாவௌ உடவளவ நீர்த்தேக்கங்களின் வான்கதவுகள் திறப்பு – மீனவர்களுக்கு எச்சரிக்கை - இன்றும் பல இடங்களில் அடைமழை.

நாட்டின் பல பாகங்களிலும் பெய்துவரும் அடைமழை காரணமாக உடவளவ நீர்த்தேக்கத்தின் ஐந்து வான்கதவுகளும், கலாவௌ நீர்த்தேக்கத்தின் இரண்டு வான் கதவுகளும் திறந்து வி;டப்பட்டுள்ளதாக இடர்காப்பு முகாமைத்துவ நிலையம் அறிவித்துள்ளது.

இந்த நீர்த்தேக்கங்கள் சார்ந்த நீரோட்டங்களுக்கு அருகில் வசிக்கும் மக்கள் கவனமாக இருக்க வேண்டுமென நிலையத்தின் அதிகாரிகள் ஆலோசனைகள் வழங்கியுள்ளார்கள்.

இன்றும் நாட்டின் பல பாகங்களில் மழை பெய்யலாம் என வளிமண்டலவியல் திணைக்களம் அறிவித்துள்ளது. இதுபற்றிய அறிவித்தல்களை தொடரும் வானிலை செய்திகளில் கேட்கலாம்.

மேலும் இரண்டு லட்சம் பேருக்கு சமுர்த்தி அனுகூலங்கள்.

இலங்கையில் இருந்து வறுமையை முற்றாக ஒழித்துக்கட்டும் வேலைத்திட்டத்தின் கீழ் மேலும் இரண்டு லட்சம் குடும்பங்களுக்கு சமுர்த்தி அனுகூலங்களை வழங்குவதென அரசாங்கம் தீர்மானித்துள்ளது.

அரசியல் கட்சிப் பேதமின்றி பயனாளிகளை தெரிவு செய்யப் போவதாக அமைச்சர் பி.ஹரிஸன் தெரிவித்துள்ளார். சமுர்த்தி அபிவிருத்தித் திணைக்களம் சார்ந்த 22 தொழிற்சங்க அமைப்புக்களின் பிரதிநிதிகளுடனான சந்திப்பில் அவர் உரையாற்றினார்.

சமூக வலுவூட்டல் வேலைத்திட்டத்தில் காலத்திற்குப் பொருத்தமான மாற்றங்களை அறிமுகம் செய்து வறுமையை ஒழிப்பது அரசாங்கத்தின் நோக்கமாகும். நிவாரணம் வழங்கும் திட்டத்தை சீராக்கி, அதில் அரசியல் மயமாக்கத்தை தடுக்க நடவடிக்கை எடுக்கப்படும் என அமைச்சர் ஹரிஸன் மேலும் தெரிவித்தார்.

கர்நாடகா ஆளுநர் பிஜேபியை ஆட்சி அமைக்க அழைத்தமை குறித்து சட்ட வல்லுனர்கள் மத்தியில் வாதப் பிரதிவாதங்கள்.


கர்நாடகா மாநிலத்தில் ஆட்சி அமைப்பதற்கு பாரதீய ஜனதாக் கட்சிக்கு அழைப்பு விடுத்ததன் மூலம், மாநில ஆளுநர் சட்டத்தை மீறியிருக்கிறாரா என்ற கேள்வி தலைதூக்கியுள்ளது. காங்கிரஸ், மதச்சார்பற்ற ஜனதா தளம் ஆகிய கட்சிகள் தேர்தலுக்குப் பின்னர் கூட்டணி அமைத்திருந்தன. அந்தக் கூட்டணியை விடுத்து ஆட்சி அமைக்க வருமாறு ஆளுநர் வாஜ்பாயி வாலா பிஜேபியின் மாநில தலைவர் எடியூரப்பாவுக்கு அழைப்பு விடுத்திருந்தார். இது குறித்து சட்ட வல்லுனர்கள் மாறுபட்ட கருத்துக்களை கொண்டிருப்பதாக ஹிந்து பத்திரிகை செய்தி வெளியிட்டுள்ளது. இதன் பிரகாரம் இன்று காலை 9.30ற்கு எடியூரப்பா பதவி ஏற்பாரென எதிர்ப்பார்க்கப்படுகிறது.

ஐபிஎல் சுற்றுத்தொடரின் நேற்றைய போட்டியில் மும்பை அணிக்கு வெற்றி.

இந்தியன் பிரிமியர் லீக் சுற்றுத்தொடரின் 50ஆவது போட்டி நேற்று மும்பையில் இடம்பெற்றது. இதில் மும்பை இந்தியன்ஸ் அணியும். கிங்ஸ் லெபன் பஞ்சாப் அணியும் மோதின. மும்பை வீரர்கள் 3 ஓட்டங்களால் வெ;ற்றியீட்டினார்கள். முதலில் துடுப்பெடுத்தாடிய மும்பை அணி 8 விக்கட் இழப்பிற்கு 186 ஓட்டங்களை எடுத்தது. பஞ்சாப் அணி 5 விக்கட்டுக்களை இழந்து 183 ஓட்டங்களை மாத்திரமே பெற்றது.

இதுவரை நடந்த போட்டிகளின் அடிப்படையில், சன்ரைஸர்ஸ் ஹைதராபாத் அணி 18 புள்ளிகளுடன் முதலிடத்தில் உள்ளது. சென்னை சுப்பர் கிங்ஸ் 16 புள்ளிகளுடன் இரண்டாவது இடத்தையும், கொல்கத்தா நைட் ரைடர்ஸ் அணி 14 புள்ளிகளுடன் மூன்றாவது இடத்தையும் பிடித்துள்ளன.

கிளிநொச்சி மாவட்டப் பாடசாலைகளை அபிவிருத்தி செய்ய கொரியா உதவுகிறது.


கிளிநொச்சி மாவட்ட பாடசாலைகளை கட்டியெழுப்பும் வேலைத் திட்டத்திற்கு தென்கொரியா உதவுகிறது. நிதி உதவியின் பெறுமதி ஆயிரத்து 200 மில்லியன் ரூபாவாகும். மாவட்டத்தில் தெரிவு செய்யப்பட்ட பாடசாலைக் கட்டடங்கள் அபிவிருத்தி செய்யப்படுவதோடு, விசேட வகுப்பறையும் நிர்மாணிக்கப்பட இருக்கின்றன

தென்பகுதியில் பரவும் வைரஸ் காய்ச்சலை கட்டுப்படுத்த நடவடிக்கை.

தென்;மாகாணத்தில் பரவி வரும் வைரஸ் காய்;சiலைக் கட்டுப்படுத்த தேவையான நடவடிக்கைகள் எடுக்கப்பட்டுள்ளதாக அமைச்சர் ராஜித சேனாரத்ன தெரிவித்துள்ளார். இதற்குத் தேவையான நடவடிக்கைகளை விசேட வைத்தியர்கள் குழு மேற்கொண்டு வருகிறது. சிறு பிள்ளைகளை நோய்த் தொற்றுக்களில் இருந்து பாதுகாக்க தேவையான நடவடிக்கைகளை எடுப்பது அவசியமாகும். நோய்க்கான அறிகுறிகள் காணப்படுமாயின் நோயாளர்களை உடனடியாக வைத்தியசாலையில் அனுமதிக்குமாறு அமைச்சர் கேட்டுள்ளார்.

தனியார் பஸ் வேலை நிறுத்தம் இடம்பெறுமாயின் அதற்கு முகம் கொடுக்க தயார் என இலங்கை போக்குவரத்து சபையும், ரெயில்வே திணைக்களமும் அறிவித்துள்ளன.

தனியார் பஸ் வேலை நிறுத்தம் இடம்பெறுமாயின் அதற்கு முகம் கொடுக்க தயார் என இலங்கை போக்குவரத்து சபையும், ரெயில்வே திணைக்களமும் அறிவித்துள்ளன. பஸ் கட்டண அதிகரிப்பு போதுமானதாக இல்லை என்று கூறி சில பஸ் சங்கங்கள் வேலை நிறுத்தத்தில் ஈடுபடப் போவதாக எச்சரிக்கை விடுத்துள்ள நிலையில் இந்த அறிவிப்பு வெளியாகி இருக்கிறது.


போக்குவரத்து சபையின் சாரதிகளினதும், நடத்துனர்களினதும், விடுமுறை இரத்துச் செய்யப்பட்டுள்ளது.

இதேவேளை போக்குவரத்து சபையின் சாரதிகளினதும், நடத்துனர்களினதும், விடுமுறை இரத்துச் செய்யப்பட்டுள்ளது. பயனிகளின் தேவைக்கு அமைவாக வழமையான நாட்களை விட கூடுதலான பஸ் வண்டிகள் சேவையில் ஈடுபடுத்தப்படும் என்று இலங்கை போக்குவரத்துசபை அறிவித்திருக்கிறது.

மலேசியாவின் முன்னாள் பிரதிப் பிரதமர் அன்வர் இப்ராஹிம் சிறையிலிருந்து விடுவிக்கப்பட்டுள்ளார்

மலேசியாவின் முன்னாள் பிரதிப் பிரதமர் அன்வர் இப்ராஹிம் சிறையிலிருந்து விடுவிக்கப்பட்டுள்ளார். மலேசியாவின் மன்னர் அவருக்கு பொது மன்னிப்பு வழங்கி சில நாட்களுக்குப் பின்னர் இந்த விடுதலை இடம்பெற்றிருக்கிறது. மஹ்திர் முஹம்மதின் நெருங்கிய ஆதரவாளராக இருந்த அன்வர் இப்ராஹிம் ஊழல் மற்றும் பாலியல் குற்றச்சாட்டுக்களுக்காக 20 ஆண்டுகள் சிறைவாசம் அனுபவித்தார். பொதுமன்னிப்பு வழங்கப்பட்டதன் மூலம் அவருக்கு மீண்டும் அரசியலில் நுழைவதற்கான வாய்ப்பு கிடைக்கும் என்று அரசியல் விமர்சகர்கள் நம்பிக்கை வெளியிட்டுள்ளார்கள்.

தனியார் பஸ் சங்கம் வேலைநிறுத்தத்தில் ஈடுபட்டால், அந்த நிலைமையை வெற்றிகரமாக எதிர்கொள்வதற்கு சுமார் ஆயிரத்து 500 பஸ் வண்டிகளும், மேலதிக புகையிரத சேவைகளும் தயார் நிலையில் உள்ளதாக அரசாங்கம் தெரிவித்துள்ளது.

இன்று முதல் நடைமுறைக்கு வரும் வகையில் ஆகக்குறைந்த பஸ் கட்டணம் 10 ரூபாவாக இருப்பதுடன் 6 தசம் ஐந்து சதவீதத்தினால் கட்டணத்தை மறுசீரமைப்பதற்கு அமைச்சரவை அங்கீகாரம் அளித்துள்ளது.

எரிபொருள் விலை அதிகரிப்பைத் தொடர்ந்து, அதற்கு சமமான வகையில் பஸ் கட்டணத்தை மறுசீரமைப்பதற்கான அமைச்சரவை ஆவணம் அமைச்சர் நிமல் சிறிபால டி சில்வாவினால் நேற்று அமைச்சரவையில் சமர்ப்பிக்கப்பட்டது.

Read more...

கண்டி மாவட்டத்தில் அண்மையில் இடம்பெற்ற இன வன்முறை சம்பவங்கள் காரணமாக சேதமடைந்த வியாபார நிலையங்களை மீள கட்டியமைப்பதற்கு இரண்டு வீத குறைந்த வட்டியுடன் கூடிய கடன் வசதிகளை பெற்றுக் கொடுக்க அரசாங்கம் தீர்மானித்துள்ளது

ஆசிய அபிவிருத்தி வங்கியின் நிதியுதவித் திட்டத்தின் கீழ் மன்னாரில் காற்றாலை மூலம் 100 மெகாவோட் மின்சாரத்தை உற்பத்தி செய்யும் விசேட திட்டம் குறித்த அமைச்சரவைப் பத்திரத்திற்கு அனுமதி கிடைத்துள்ளது.

சர்வதேச தேரவாத பௌத்த பல்கலைக்கழக சங்கத்தின் ஐந்தாவது சர்வதேச மாநாடு எதிர்வரும் நவம்பர் மாதத்தில் இலங்கையில் நடத்துவதற்கு தீர்மானிக்கப்பட்டுள்ளது.

கண்டி மாவட்டத்தில் அண்மையில் இடம்பெற்ற இன வன்முறை சம்பவங்கள் காரணமாக சேதமடைந்த வியாபார நிலையங்களை மீள கட்டியமைப்பதற்கு இரண்டு வீத குறைந்த வட்டியுடன் கூடிய கடன் வசதிகளை பெற்றுக் கொடுக்க அரசாங்கம் தீர்மானித்துள்ளது. இந்த கடன் வசதிகளின் உச்சவரம்புத் தொகை ஒரு மில்லியன் ரூபாவாகும்;.

அமைச்சரவை தீர்மானங்களை அறிவிக்கும் ஊடகவியலாளர் சந்திப்பில் அமைச்சர் கயந்த கருணாதிலக்க இந்தத் தகவல்களை வெளியிட்டார்.

சமுர்த்தி பயனாளிகளை பலப்படுத்த வேண்டுமாயின், முதலில் சமுர்த்தி உத்தியோகத்தர்களை வலுப்படுத்த வேண்டும் என்று அமைச்சர் பி ஹரிஸன் தெரிவித்தார்

சமுர்த்தி பயனாளிகளை பலப்படுத்த வேண்டுமாயின், முதலில் சமுர்த்தி உத்தியோகத்தர்களை வலுப்படுத்த வேண்டும் என்று அமைச்சர் பி ஹரிஸன் தெரிவித்தார். சமுர்த்தி உத்தியோகத்தர்கள் எதிர்நோக்கும் பிரச்சினைகளை தீர்ப்பதற்கு உடன் நடவடிக்கை எடுக்க வேண்டும் என்று அவர் குறிப்பிட்டார். இன்று காலை இலங்கை ஒலிபரப்புக் கூட்டுத்தாபனத்தின் சுபாரதி நேரடி நிகழ்ச்சியில் கலந்து கொண்டு உரையாற்றும் போதே அவர் இந்தக் கருத்துக்களை வெளியிட்டார்.

Read more...

உருளைக்கிழங்கு, வெங்காய உற்பத்தியாளர்களை பாதுகாப்பதற்கான வழிமுறைகள் பற்றி ஆராய்வதற்கான குழு நியமனம்

வெங்காயம் மற்றும் உருளைக்கிழங்கு உற்பத்தியாளர்களை பாதுகாக்கும் வேலைத்திட்டம் தயாரிக்கப்படவுள்ளது. இதற்கென இராஜாங்க அமைச்சர் வசந்த அலுவிஹார தலைமையிலான குழுவும் அமைக்கப்பட்டுள்ளது.

Read more...

மீனவர்களுக்கான எரிபொருள் மானியம் எதிர்வரும் வெள்ளிக்கிழமை முதல் அமுலாகிறது

மீனவர்களுக்கான எரிபொருள் மானியம் இம்மாதம் 18ஆம் திகதி முதல் அமுலாகும் என்று அமைச்சர் விஜித் விஜயமுனி சொய்சா தெரிவித்துள்ளார். இது தொடர்பான அமைச்சரவைப் பத்திரம் இன்று தாக்கல் செய்யப்பட்டதாகவும் அவர் கூறினார்.

Read more...

தரம் 13 வரை உறுதிப்படுத்தப்பட்ட கல்வி வேலைத்திட்டத்தின் இரண்டாம் கட்டம் அடுத்த மாதம் ஆரம்பம்

தரம் 13 வரை உறுதிப்படுத்தப்பட்ட கல்வித் திட்டத்தின் இரண்டாம் கட்டம் அடுத்த மாதம் ஆரம்பிக்கப்படவுள்ளது.

இதற்கமைய, 150 பாடசாலைகளை சேர்ந்த 14 ஆயிரம் மாணவர்களுக்கு தொழில்சார் பாடவிதானத்தில் இணைந்து கொள்வதற்கான வாய்ப்பு கிடைக்கும். கடந்த வருடம் மே மாதத்தில் ஆரம்பிக்கப்பட்ட முதற்கட்ட வேலைத்திட்டத்தின் கீழ் 42 பாடசாலைகளை சேர்ந்த இரண்டாயிரத்து 400 மாணவர்கள் தொழில்சார் பாடங்களை கற்றுவருகிறார்கள். இதற்குத் தேவையான இரண்டாயிரத்து 400 ஆசிரியர்களும் இணைத்துக்

Read more...

நாட்டின் பல பகுதிகளிலும் துண்டிக்கப்பட்டுள்ள மின்சார விநியோகத்தை வழமைக்குக் கொண்டுவர நடவடிக்கை

நாட்டின் பல பகுதிகளிலும் தடைப்பட்டுள்ள மின்சார விநியோகத்தை வழமைக்குக் கொண்டுவர நடவடிக்கை எடுக்கப்பட்டுள்ளதாக மின்வலு மற்றும் புதுப்பிக்கக்கூடிய வலுசக்திகள் அமைச்சு அறிவித்துள்ளது. பியகமவிலிருந்து பன்னிப்பிட்டிய வரையிலான மின்பிறப்பாக்கி பாதையில் ஏற்பட்டுள்ள தொழில்நுட்ப கோளாறினால் ஸ்ரீ ஜயவர்தனபுரக் கோட்டை, தெஹிவளை, இரத்மலானை, பன்னிப்பிட்டிய ஆகிய இடங்களுக்கான மின்சார விநியோகம் துண்டிக்கப்பட்டுள்ளது.

புதிதாக நான்கு வர்த்தக வலயங்களும் மூன்று சுற்றுலா வலயங்களும் அமைக்கப்படவுள்ளதாக பிரதமர் தெரிவிப்பு

நாட்டில் அடுத்த வருடம் நான்கு சுற்றுலா சுதந்திர வர்த்தக வலயங்களும் மூன்று சுற்றுலா வலயங்களும் ஸ்தாபிக்கப்படும் என்று பிரதமர் ரணில் விக்ரமசிங்க தெரிவித்துள்ளார்.

வெலிகம, களுத்துறை, பிங்கிரிய, ஹம்பாந்தோட்டை ஆகிய பிரதேசங்களில் சுதந்திர வர்த்தக வலயங்கள் அமைக்கப்படவுள்ளதாகவும் அவர் கூறினார்.

அலரி மாளிகையில் இன்று இடம்பெற்ற அரச முகாமைத்துவ உதவியாளர் சேவைக்கு தெரிவு செய்யப்பட்டுள்ள நான்காயிரத்து 511 பேருக்கான நியமன கடிதம் வழங்கும் நிகழ்வில் அவர் உரையாற்றினார். அரச சேவையில்; இணைந்து கொள்வோர் நிர்வாக செயற்பாடுகளில் அன்றி மக்கள் சேவைக்காகவே சேர்ந்து கொள்கின்றார்கள் என்று பிரதமர் கூறினார்.

அரசாங்கத்திற்கும் மக்களுக்கும் இடையிலான சிறந்த இணைப்பை ஏற்படுத்துவது அரச அதிகாரிகளின் பொறுப்பாகும். அரச துறையை போன்று தனியார் துறையிலும் விவசாயம், கடற்றொழில், சுயதொழில் ஆகிய துறைகளிலும் தொழில் வாய்ப்புக்களை ஏற்படுத்துவது அரசாங்கத்தின் இலக்காகும் என்றும் பிரதமர் கூறினார்.

மக்களிடமிருந்து திரட்டப்படும் வரியில் இருந்து 15 இலட்சம் அரச ஊழியர்களுக்கும் ஓய்வூதியம் பெற்ற ஆறு இலட்சம் பேருக்கு சம்பளம் வழங்கப்படுவதாக நிகழ்வில் உரையாற்றிய அமைச்சர் ரஞ்சித் மத்தும பண்டார தெரிவித்தார்.