Sat11172018

Last updateTue, 13 Nov 2018 1pm

Latest News

கொழும்பு நகரில் வெள்ளநீரை கட்டுப்படுத்துவதற்காக இரண்டு சுரங்கப் பாதைகள் அமைக்கப்படவுள்ளன

கொழும்பு நகரில் வெள்ள நீர் கட்டுப்பாட்டிற்காக இரண்டு சுரங்கப் பாதைகள் அமைக்கப்படவிருக்கின்றன. பெருநகரங்கள் மற்றும் மேல் மாகாண அபிவிருத்தி அமைச்சு, சைனா பெற்றோலியம் பைப்லைன்ஸ் தனியார் நிறுவனத்துடன் இது தொடர்பான ஒப்பந்தத்தில் இன்று கைச்சாத்திட்டது. முதலாவது சுரங்கப்பாதை கொழும்பு புதிய முத்துவெல்ல பிரதேசத்தில் அமைக்கப்படவிருக்கிறது. இது 170 மீற்றர் நீளமானதாகும்

Read more...

சில ரயில்வே தொழிற்சங்கங்கள் வேலைநிறுத்தத்தை அறிவித்திருந்தாலும், இதன் மூலம் ரயில் போக்குவரத்திற்கு பாதிப்பு இல்லை என்று பிரதிப் போக்குவரத்து அமைச்சர் தெரிவித்துள்ளார்.

ரயில்வே திணைக்களத்துடன் இணைந்த சில தொழிற்சங்கங்கள் வேலைநிறுத்தத்தை அறிவித்திருந்தாலும், இதன் மூலம் ரயில் போக்குவரத்திற்கு பாரியளவிலான பாதிப்புக்கள் இல்லை என்று பிரதி அமைச்சர் அசோக்க அபேசிங்க தெரிவித்துள்ளார். நாளைய தினத்தில் 300 தடவைகள் ரயில்கள் சேவையில் ஈடுபடுத்தப்படவிருப்பதாகவும் அவர் கூறினார்.

இனவாதத்தை பரப்பி, இராணுவ வீரர்களை காட்டிக் கொடுத்து ஆட்சிக்கு வர சிலர் முயற்சிப்பதாக குற்றம் சாட்டப்பட்டுள்ளது.


இனவாதத்தை பரப்பி, இராணுவ வீரர்களை காட்டிக் கொடுத்து அதிகாரத்திற்கு வர சிலர் முயன்று வருகிறார்கள் என்று அமைச்சர் ரஞ்சித் மத்தும பண்டார தெரிவித்துள்ளார். அரசாங்கத்திற்கு எதிராக எந்தவொரு போலிப் பிரசார நடவடிக்கையும் முன்னெடுக்கப்பட்டாலும், அரசாங்கம் தொடர்ந்தும் முன்னோக்கிச் செல்லும் என்று அவர் கூறினார். கண்டியில் அரச ஊழியர்களுக்காக நிர்மாணிக்கப்படவிருக்கும் வீடமைப்புத் திட்டத்தின் அடிக்கல் நாட்டும் நிகழ்வில் அவர் உரையாற்றினார்.

உயர்தர மற்றும் சாதாரண தரப் பரீட்சைகளின் விடைத்தாள் மதிப்பீட்டுப் பணிகளை விடுமுறை காலத்திற்குள் மேற்கொள்வதற்கான யோசனை முன்மொழியப்பட்டுள்ளது.

கல்விக் பொதுத் தராதரப் பத்திர சாதாரண தரம், உயர்தரம் ஆகிய பரீட்சைகளில் விடைத்தாள் மதிப்பீட்டுப் பணிகளை விடுமுறை காலத்திற்குள் பூர்த்தி செய்வது பற்றி யோசனை முன்மொழியப்பட்டுள்ளதாக அமைச்சர் அகிலவிராஜ் காரியவசம் தெரிவித்துள்ளார்.

பெறுபேறுகளை வெளியிடுவதில் ஏற்படும் அநாவசிய தாமதங்களை தடுப்பது இதன் நோக்கமாகும். விடைத்தாள் மதிப்பீட்டுக்காக பயன்படுத்தப்படும் பாடசாலைகள் மூடப்படும் காலப்பகுதியை குறைப்பதே இதன் நோக்கமாகும் என்றும் அவர் கூறினார்.

நெல்லை தொடர்ந்தும் கொள்வனவு செய்ய நெல் சந்தைப்படுத்தும் சபை நடவடிக்கை.

நெல் சந்தைப்படுத்தல் சபை விவசாயிகளிடமிருந்து தொடர்ந்தும் கொள்வனவு செய்யும் என்று அமைச்சர் மஹிந்த அமரவீர தெரிவித்துள்ளார். இதற்கு தேவையான களஞ்சிய வசதிகளை வழங்கவும் நடவடிக்கை எடுக்கப்பட்டுள்ளது. அரசாங்கத்தின் களஞ்சிய வசதிகள் இல்லாத சந்தர்ப்பங்களில் தனியார் களஞ்சியசாலைகளும் பயன்படுத்தப்படவிருக்கின்றன.

பொசொன் வாரம் அடுத்த மாதம் 24ஆம் திகதி ஆரம்பமாகிறது

அடுத்த மாதம் 24ஆம் திகதி முதல் 30ஆம் திகதி வரை பொசொன் வாரம் பிரகடனப்படுத்தப்பட்டுள்ளதாக அனுராதபுரம் மாவட்ட செயலாளரும், பொசொன் ஏற்பாட்டுக் குழுவின் தலைவருமான ஆர்.எம்.வன்னிநாயக்க தெரிவித்துள்ளார். பொசொன் போயா தின நிகழ்வு அடுத்த மாதம் 27ஆம் திகதி கொண்டாடப்படவுள்ளது.

Read more...

2018ஆம், 2019ஆம் ஆண்டு காலப் பகுதியில் எட்டாயிரத்து 900 வீடுகளை பொதுமக்களுக்காக கையளிக்க நடவடிக்கை

2018ஆம் 2019ஆம் ஆண்டுகளில் எண்ணாயிரத்து 903 வீடுகளை மக்களுக்கு வழங்கத் திட்டமிட்டுள்ளதாக பெருநகரங்கள் மற்றும் மேல் மாகாண அபிவிருத்தி அமைச்சு அறிவித்துள்ளது.

Read more...

வடக்கு, கிழக்கு மாகாணங்களில் நிலவும் தாதியர் பற்றாக்குறைக்கு தீர்வுகாண நடவடிக்கை

வடக்கு, கிழக்கு மாகாண வைத்தியசாலைகளில் நிலவும் தாதியர் பற்றாக்குறைக்கு தீர்வுகாணும் நோக்கில் உயர்தரப் பரீட்சையில் எந்தவொரு பிரிவிலும் சித்தியடைந்தவர்களை இரண்டு மாகாணங்களிலிருந்து இணைத்துக் கொள்ள அமைச்சர் ராஜி;த்த சேனாரட்ன தீர்மானித்துள்ளார்.

Read more...

சீரற்ற காலநிலையினால் பாதிக்கப்பட்டவர்களுக்கு நிவாரணம் வழங்கும் நடவடிக்கை முன்னெடுக்கப்படுகிறது

சீரற்ற காலநிலையினால் பாதிக்கப்பட்ட மக்களுக்கு நிவாரணம் வழங்கும் நடவடிக்கைகள் தொடர்ந்தும் இடம்பெறுகின்றன. வீடுகளையும், கிணறுகளையும் சுத்தப்படுத்தும் நடவடிக்கைகள் ஆரம்பிக்கப்பட்டுள்ளதாக அனர்த்த முகாமைத்துவ மத்திய நிலையத்தின் உதவிப் பணிப்பாளர் பிரதீப் கொடிப்பிலி தெரிவித்துள்ளார்.

Read more...

உச்சிமாநாட்டிற்கு முன்னதாக வடகொரியத் தலைவருடன் கூடுதல் பேச்சுவார்த்தை கோரும் தென்கொரிய ஜனாதிபதி

வடகொரியத் தலைவருடன் கூடுதல் பேச்சுவார்த்தைகளை நடத்த வேண்டும் என தென்கொரிய ஜனாதிபதி மூன் ஜே-இன் கோரிக்கை விடுத்துள்ளார்.

வடகொரியத் தலைவர் கிம் ஜொங்-உன், அமெரிக்க ஜனாதிபதி டொனல்ட் ட்ரம்ப் ஆகியோருக்கு இடையிலான உச்சிமாநாட்டுக்கு முன்னதாக, பல விடயங்களைப் பேச வேண்டியுள்ளது என தென்கொரிய ஜனாதிபதி தெரிவித்தார்.

Read more...

ஆடுகள நிர்ணய சூதாட்டம்: மூவர் இடைநிறுத்தம்

ஆடுகள நிர்ணய சூதாட்டத்தில் சம்பந்தப்பட்டதாக குற்றஞ்சாட்டப்பட்ட மூன்று பணியாளர்களை தற்காலிகமாக இடைநிறுத்தியுள்ளதாக ஸ்ரீலங்கா கிரிக்கெட் நிறுவனம் அறிவித்துள்ளது.

Read more...

இன்று இந்துக்களுக்கு வைகாசி விசாக நோன்மதி – பௌத்தர்களுக்கு பொசொன் பௌர்ணமி

இன்று இந்துக்களுக்கும் பௌத்தவர்களுக்கும் முக்கியத்துவம் வாய்ந்த தினமாகும்.

இந்துக்கள் இன்று வைகாசி விசாக பூரணையாகக் கொண்டாடுகின்றார்கள். இன்றைய தினம் தீமைகளை அழிப்பதற்காக முருகப்பெருமான் சிவனின் நெற்றிக் கண்ணில் இருந்து அக்னி ரூபமாக அவதரித்த தினமாகக் கருதப்படுகிறது. இன்றைய தினம் முருகன் ஆலயங்களில் விசேட வழிபாடுகள் இடம்பெறும்.

Read more...

காலநிலை சீர்கேட்டால் பாதிக்கப்பட்ட பெருந்தோட்ட மக்களுக்கு புதிய வீடுகள் - அமைச்சர் பழனி திகாம்பரம்

சீரற்ற காலநிலையின் விளைவுகளால் நிர்க்கதியான பெருந்தோட்ட மக்களுக்கு கூடிய விரைவில் வீடுகளை அமைத்துக் கொடுக்கப் போவதாக மலைநாட்டு, புதிய கிராமங்கள், தோட்ட உட்கட்டமைப்பு மற்றும் சமுதாய அபிவிருத்தி அமைச்சர் பழனி திகாம்பரம் தெரிவித்துள்ளார்.

Read more...

நாமல்-உயன பூங்காவை மத்திய கலாசார நிதியத்தின் கீழ் கொண்டுவர நடவடிக்கை

தேசிய ரீதியிலும், சர்வதேச ரீதியிலும் பிரசித்தி பெற்றுள்ள நாமல்-உயன பூங்காவை மத்திய கலாசார நிதியத்தின் கீழ் கொண்டுவர நடவடிக்கை எடுக்கப்பட்டுள்ளது.

இந்தப் பூங்காவில் உள்ள இளஞ்சிவப்பு நிற பளிங்குப் படிகங்கள் சகலரையும் கவர்ந்திழுப்பவை. இதனை எதிர்கால சந்ததிக்காக பேணிப்பாதுகாப்பதற்கும், சுற்றுலா முக்கியத்துவம் வாய்ந்த தலமாக அபிவிருத்தி செய்வதற்குமாக மத்திய கலாசார நிலையத்தின் கீழ் கொண்டுவர நடவடிக்கை எடுத்தாக பூங்காவின் ஸ்தாபகர் சங்கைக்குரிய வனவாசி ராகுல தேரர் தெரிவித்தார்.

Read more...

வடக்கு பிரதேசத்தில் முன்னெடுக்கப்பட்ட அபிவிருத்தி திட்டங்களின் முன்னேற்றத்தை கண்டறிவதற்காக பிரதமர் நாளை மறுதினம் யாழ்ப்பாணம் மற்றும் கிளிநொச்சிக்கு விஜயம் செய்யவுள்ளார்.

வடமாகாணத்தில் மேற்கொள்ளப்பட்டுள்ள அபிவிருத்தி திட்டங்களின் முன்னேற்றங்களை கண்டறிவதற்காக பிரதமர் ரணில் விக்ரமசிங்க நாளை மறுதினம் யாழ்ப்பாணம் மற்றும் கிளிநொச்சிக்கு விஜயம் செய்யவுள்ளார். இ;நத அபிவிருத்தி திட்டங்களின் முன்னேற்றம் தொடர்பான மதிப்பீட்டு கூட்டம் பிரதமரி;ன் தலைமையில் அன்றைய தினம் யாழ்ப்பாணம், கிளிநொச்சி மாவட்ட செயலகங்களில் நடைபெறவுள்ளது.

இ;ன்றும் நாளையும் மழை குவைடையும்.

இன்றும் நாளையும், கடும் மழை பெய்யக்கூடிய சாத்தியக் கூறுகள் இல்லையென்று வளிமண்டலவியல் திணைக்களம் தெரிவித்துள்ளது. தென்மேற்கு பருவப்பெயர்ச்சி காலநிலை வலுவடைய இருப்பதாகவும், திணைக்களத்தின் பணிப்பாளர் நாயகம் ஆர்.எச்.எம்.பிரேமலால் தெரிவித்துள்ளார். மேற்கு, தெற்கு சப்ரகமுவ, மத்திய மற்றும் வடமேல் மாகாணங்களில் அடிக்கடி மழை அல்லது இடியுடன் கூடிய மழை பெய்யக்கூடும். இந்த பிரதேசங்களிலும், மாத்தறை மற்றும் காலி மாவட்டங்களிலும் சில இடங்களில் 100 மில்லி மீற்றரைத் தாண்டடிய மழை வீழ்ச்சி பதிவாகக் கூடும். ஏனைய பிரதேசங்களில் பிற்பகல் 2 மணிக்கு பின்னர் இடியுடன் கூடிய மழை பெய்யும்.

அனர்த்தம் மற்றும் தொற்று நோய்கள் காரணமாக சிறுவர்களை வெள்ளம் உள்ள பகுதிகளுக்கு செல்வதற்கு அனுமதிக்க வேண்டாமென கோரிக்கை.

தற்பொழுது நிலவும் மழை மற்றும் வெள்ள நிலைமையுடன், திடீர் விபத்துக்களும், நோய்களும் பரவக்கூடிய அனர்த்தம் இருப்பதாக சுகாதார மேம்பாட்டு அலுவலகம் சுட்டிக்காட்டியுள்ளது. இதனால் சிறுவர்;கள் வெள்ளம் நிலவும் பிரதேசங்களுக்கு செல்ல அனுமதிக்க வேண்டாமென்று சுகாதாரப் பிரிவு கேட்டுக் கொண்டுள்ளது. காய்ச்சல், இருமல் மற்றும் உடம்பில் கொப்பளங்கள் போன்ற நோய் குணங்கள் காணப்படும் சந்தர்ப்பத்தில் அருகில் உள்ள அரசாங்க வைத்தியசாலைகளுக்கு சென்று சிகிச்சைகளை பெற்றுக் கொள்ளுமாறு சுகாதார பிரிவின் பணிப்பாளர் விசேட வைத்தியர் திருமதி பபா பலிஹவதன தெரிவித்துள்ளார். கழிவுப் பொருட்;களை உரிய முறையில் அகற்றுதல் மற்றும் பிளாஸ்டிக் பொருட்களையும், பொலத்தீன் வகைகளையும், சுற்றாடல் பகுதியில் வீசி எறிவதைத் தவிர்த்துக் கொள்ள வேண்டும். எத்தகைய சுகாதார பிரச்சினைகளுக்கும் உடனடி நடவடிக்கைளை மேற்கொள்ள சுகாதார அமைச்சு தயாராகவுள்ளது. பிரச்சினைகளை தெரிவிப்பதற்கு 24 மணித்தியாலமும் இதற்கென சுகாதார அமைச்சுடன் தொலைபேசியின் ஊடாக தொடர்பு கொள்ள முடியும். தொடர்பு கொள்ள வேண்டிய இலக்கம் 071- 01 07 107 ஆகும்.

நாட்டில் நிலவும் சீரற்ற காலநிலையினால் 17 உயிரிழந்துள்ளார்கள்

நாட்டில் நிலவும் சீரற்ற காலநிலையினால், கடந்த 16 ஆம் திகதி முதல் 17 பேர் உயிரிழந்துள்ளார்கள் என்று பொலிசார் அறிவித்துள்ளார்கள். ஒருவர் காணாமல் போயிருப்பதாக பொலிசார் விடுத்த அறிக்கையில் குறிப்பிடப்பட்டுள்ளது.

தரம் ஒன்றுக்கு அடுத்த வருடம் மாணவர்களை இணைத்துக் கொள்வதற்கான விண்ணப்பங்கள் எதிர்வரும் ஜூனன் மாதம் முதல் ஏற்றுக்கொள்ளப்பட இருக்கின்றன

2019 ஆம் ஆண்டில் தரம் ஒன்றுக்கு மாணவர்களை இணைத்துக் கொள்வதற்கான சுற்று நிருபம் தயாரிக்கப்பட்டுள்ளதாக கல்வி இராஜாங்க அமைச்சின் செயலாளர் திஸ்ஸ ஹேவாவிதாரன தெரிவித்துள்ளார். 2018ஆம் ஆண்டு;ககாக வெளியிடப்பட்ட சுற்று நிருபத்துடன் சில மாற்றங்கள் மேற்கொள்ளப்பட்டுள்ளன. தரம் ஒன்றிக்கு மாணவர்களை இணைத்துக் கொள்வதற்கான விண்ணப்பங்கள் எதிர்வருமு; ஜூன் மாதம் முதல் ஏற்றுக் கொள்ளப்பட இருக்கின்றன.

இன்று வெளியான இரண்டு பத்திரிகை செய்திகள் பற்றி விசாரணை நடத்துமாறு ஜனாதிபதி பொலிஸ் மா அதிபருக்கு உத்தரவிட்டுள்ளார்

சிவில் போராட்டத்திற்கான பின்னணியை உருவாக்கும் எந்த செயற்பாட்டுக்கும் இடமளிக்க வேண்டாம';. 'நாட்டை பிளவுபடுத்தும் வேலைத் திட்டம் தொடர்பில் பாதுகாப்பு பிரிவினர் உசார்நிலையில்'.   ஆகிய தலைப்புக்களில் இரண்டு பத்திரிகையில் இன்று வெளியான செய்திகள் உண்மைக்கு புறம்பானவை என்று ஜனாதிபதி ஊடகப் பிரிவு அறிவித்துள்ளது. இவ்வாறான போலியான செய்திகளை ஊடகங்களுக்கு வழங்கியது யார் என்பது பற்றி விசாரணை நடத்தி அறிக்கை சமர்ப்பிக்குமாறு ஜனாதிபதி மைத்திரிபால சிறிசேன பொலிஸ் மா அதிபருக்கு பணிப்புரை வழங்கியுள்ளார்.

ரெயிலை பயன்படுத்துவோரின் எண்ணிக்கை அதிகரித்துள்ளது

பஸ் கட்டணம் அதிகரிக்கப்பட்டமையினால் ரெயிலை பயன்படுத்துவோரின் எண்ணிக்கை அதிகரித்துள்ளது. இதனால் பயணிகளுக்கு பொருத்தமான சேவையை வழங்குவதில் ரெயில்வே திணைக்களம் பல்வேறு சிரமங்களை எதிர்நோக்குவதாக ரெயில்வே வர்த்தக அத்தியட்சகர் என்;;.ஜே.இதிகொல்ல தெரிவித்துள்ளார். ரெயில்வே திணைக்களம் நாளாந்தம் 340 தடவைகள் ரெயில் சேவைகளை நடத்துகிறது. நாளாந்தம் மூன்று இலட்சத்து 50 ஆயிரம் பயணிகள் ரெயில்களில் பயணிக்கிறார்கள் என்றும் அவர் கூறினார்.