Thu09202018

Last updateTue, 10 Jul 2018 1pm

Latest News

வாக்காளர் தினம் நாளை கொண்டாடப்படுகின்றது

வாக்காளர் தினம் நாளை கொண்டாடப்படுகின்றது. வாக்காளர் பட்டியலில் பதிவு செய்வதற்கு தகுதியுள்ள சகல பிரஜைகளினதும் வாக்குரிமைகளைப் பாதுகாப்பது இந்தத் தினத்தின் நோக்கமாகும். வாக்களிப்பதற்கான வயதெல்லை உட்பட அதனுடன் தொடர்புடைய விடயங்கள் ஜூன் மாதம் முதலாம் திகதி தீர்மானிக்கப்படுகின்றமையினால் வாக்காளர் தினம் அன்றைய தினத்தில் கொண்டாடப்படுகின்றது. இம்முறை தேசிய வாக்காளர் தின நிகழ்வு நாளை கேகாலையில் இடம்பெறவுள்ளது. வாக்குரிமையிலேயே உண்மையான ஜனநாயகம் தங்கியிருக்கிறது என்பது இதன் தொனிப்பொருளாகும்.

பாடசாலைகளின் தரம் ஒன்றுக்கு மாணவர்களை இணைத்துக் கொள்வதற்கான விண்ணப்பங்கள் நாளை முதல்

பாடசாலைகளின் தரம் ஒன்றுக்கு மாணவர்களை இணைத்துக்கொள்வதற்கான விண்ணப்பங்கள் நாளை முதல் ஏற்றுக்கொள்ளப்பட இருக்கின்றன. ஜூன் மாதம்
30 ஆம் திகதி வரை விண்ணப்பிக்கலாம். அடுத்த வருடம் தரமொன்றுக்கு மாணவர்களை இணைத்துக் கொள்வதற்கான புதிய சுற்றுநிரூபம் சகல பாடசாலை அதிபர்களுக்கும் அனுப்பப்பட்டுள்ளதாக கல்வியமைச்சின் பாடசாலைகள் தொடர்பான பணிப்பாளர் கமனி பெரேரா தெரிவித்துள்ளார்.

இலங்கையின் மனித உரிமைகள் ஆணைக்குழுவுக்குக் கிடைத்த சர்வதேச அங்கீகாரத்தை வரவேற்கும் பாராளுமன்ற சபாநாயகர்.


சர்வதேச மனித உரிமைகள் பேரவையில் இலங்கையின் மனித உரிமைகள் ஆணைக்குழுவுக்கு ஏ தரத்திலான அங்கீகாரம் கிடைத்திருப்பதை அரசியல் அமைப்பு சபையின் தலைவரும், சபாநாயகருமான கரு ஜயசூரிய வரவேற்றுள்ளார்.

இந்த அங்கீகாரம் இலங்கைக்கு நாகரீகமாக கௌரவமான தேசமாக மகுடம் சூட்டியுள்ளதென சபாநாயகர் குறிப்பிட்டார். இலங்கையின் சமூகம் சம நீதியையும், சமத்துவத்தையும் மதிக்கும் சுதந்திர சமூகமாக திகழ்கிறது என்பது சர்வதேச சமூகத்தில் ஊர்ஜிதமாகியுள்ளது. இது தேசம் என்ற ரீதியில் இலங்கைக்குக் கிடைத்த பெரும் வெற்றியென திரு கரு ஜயசூரிய குறிப்பிட்டுள்ளார்.

சர்வதேச மனித உரிமைகள் பேரவையில் இலங்கையின் மனித உரிமைகள் ஆணைக்குழு ஏ தரத்திலான அங்கீகாரம் பெற்றமை குறித்து ஆணைக்குழுவின் தலைவி பேராசிரியை தீபிக்கா உடுகமவும் வரவேற்று பேசினார். ரைட்ஸ்நௌ என்ற மனித உரிமைகள் நிறுவனத்தைச் சேர்ந்த சட்டத்தரணி பிரபோத ரட்நாயக்க கடந்த காலத்தில் இலங்கை பி தரத்திலான அங்கீகாரத்தையே பெற்றிருந்தது என்றார்.

உலக சுகாதார ஸ்தாபனத்தின் உயர் பதவியை உள்நாட்டு சுகாதார அபிவிருத்திக்காக பயன்படுத்தப் போவதாக அமைச்சர் ராஜித்த தெரிவிப்பு.


தமக்குக் கிடைத்த உலக சுகாதார ஸ்தாபனத்தின் உப தலைவர் பதவியை தனிப்பட்ட புகழுக்காக அன்றி, மக்களுக்கு சேவையாற்றவே பயன்படுத்தப் போவதாக சுகாதார அமைச்சர் டொக்டர் ராஜித்த சேனாரட்ன தெரிவித்துள்ளார்.

உலக சுகாதார ஸ்தாபனத்தின் வருடாந்த கூட்டத்தைத் தொடர்ந்து நாடு திரும்பிய அமைச்சருக்கு கட்டுநாயக்க சர்வதேச விமான நிலையத்தில் வரவேற்பு அளிக்கப்பட்டது. இந்த நிகழ்வில் அமைச்சர் கருத்து வெளியிட்டார்.

தாய்ப்பாலூட்டலை அத்தியாவசிய சுகாதார பழக்கவழக்கமாக பேணுவது தொடர்பிலும், சீனியின் பயன்பாட்டை குறைப்பது தொடர்பிலும் தாம் வலுவான நாடுகளுடன் போராடியதாக அமைச்சர் குறிப்பிட்டார். தென்னிலங்கையில் பரவிவரும் சுவாசத் தொற்று நோயை கட்டுப்படுத்துவதற்கு ஜெனீவாவிலிருந்து நடவடிக்கை எடுத்ததாகவும் அவர் மேலும் தெரிவித்தார்.

உலக சுகாதார ஸ்தாபனத்தின் 71ஆவது வருடாந்த அமர்வும், நிறைவேற்றுக் குழுக் கூட்டமும் சுவிட்சர்லாந்தின் ஜெனீவா நகரில் இடம்பெற்றருந்தன. நிறைவேற்றுக் குழுக் கூட்டத்தில் உலக சுகாதார ஸ்தாபனத்தின் உப தலைவர் பதவிக்கு அமைச்சர் ராஜித்த சேனாரட்ன போட்டியின்றி தெரிவாகியிருந்தார்.

ரயில்வே தொழிற்சங்க நடவடிக்கை தோல்வி கண்டதாக பிரதி அமைச்சர் அசோக்க அபேசிங்க அறிவிப்பு.

சில ரயில்வே தொழிற்சங்கங்கள் ஆரம்பித்த வேலைநிறுத்தம் தோல்வி கண்டதாக பிரதி அமைச்சர் அசோக்க ஆபேசிங்க தெரிவித்துள்ளார்.

வழமையாக ஒவ்வொரு நாளும் 375 ரயில் சேவைகள் இடம்பெறுவது வழக்கம்;. நேற்றைய தினம் வேலைநிறுத்தத்திற்கு மத்தியில் இரண்டு ரயில் சேவைகள் மாத்திரமே ரத்து செய்யப்பட்டதாக பிரதி அமைச்சர் குறிப்பிட்டார். நேற்று கொழும்பில் இடம்பெற்ற செய்தியாளர் மாநாட்டில் அவர் உரையாற்றினார்.

வேலைநிறுத்தத்தில் ஈடுபடும் நபர்கள் ரயில் வண்டிகளுக்கு சேதம் ஏற்படுத்தியதாக குற்றம் சாட்டப்படுகிறது. இதுபற்றி குற்றப் புலனாய்வுத் திணைக்களத்தின் மூலம் விசாரணை செய்து, குற்றமிழைத்தவர்களுக்கு எதிராக சட்ட நடவடிக்கை எடுக்கப் போவதாக பிரதி அமைச்சர் உறுதி அளித்துள்ளார்.

அதேவேளை, தமது கோரிக்கைகள் நிறைவேறும் வரையில் தொழிற்சங்க நடவடிக்கையை கைவிடப் போவதில்லை என ரயில்வே தொழிற்சங்கக் கூட்டமைப்பின் இணை அமைப்பாளர் எஸ்.பி.விதானகே குறிப்பிட்டார்.

மடிக்கணினியை இயக்கத் தெரியாத அமைச்சர்களை பதவி நீக்கப் போவதாக நேபாள பிரதமர் எச்சரிக்கை.

புதிய அமைச்சர்கள் ஆறு மாத காலத்திற்குள் மடிக்கணினிகளை இயக்கக் கற்றுக் கொள்ளாத பட்சத்தில், அவர்கள் பதவி நீக்கப்படுவார்கள் என நேபாள பிரதமர் கே.பி.சர்மா ஒலி தெரிவித்துள்ளார். குறுகிய காலப்பகுதிக்குள் நேபாளத்தை தகவல் தொழில்நுட்ப ஸ்நேக தேசமாக மாற்றுவது அரசாங்கத்தின் நோக்கம் என பிரதமர் குறிப்பிட்டார். இந்தத் திட்டத்தின் கீழ் ஆறு மாத காலத்திற்குள் பிரதமரின் அலுவலகம் கடதாசிகள் இல்லாமல் செயற்படும் அமைப்பாக மாற்றப்படும் எனவும் அவர் கூறினார். நேற்று காத்மண்டுவில் இடம்பெற்ற தேசிய ஆசிரியர் கழகத்தின் 12ஆவது மாநாட்டில் அவர் உரையாற்;றினார்.

ஆசிய வெற்றிக் கிண்ண மகளிர் ரி-20 சுற்றுத்தொடருக்காக இலங்கை மகளிர் அணி மலேசியா பயணம்.


ஆசிய வெற்றிக் கிண்ண மகளிர் கிரிக்கட் சுற்றுத்தொடரில் இலங்கை மகளிர் அணி சவாலாக திகழும் என அதன் பயிற்றுவிப்பாளர் ஹேமந்த தேவப்பிரிய தெரிவித்துள்ளார். இலங்கை வீராங்கனைகள் திறமையானவர்கள் என திரு தேவப்பிரிய குறிப்பிட்டார். அவர் நேற்று நடந்த செய்தியாளர் மாநாட்டில் கருத்து வெளியிட்டார். ஆசிய வெற்றிக் கிண்ண மகளிர் ரி-ருவன்ரி சுற்றுத்தொடரில் கலந்து கொள்வதற்காக இலங்கை மகளிர் அணி இன்று மலேசியா செல்கிறது. இந்தச் சுற்றுத்தொடர் நாளை மறுதினம் ஆரம்பமாகிறது. இதில் இலங்கை, பங்களாதேஷ், மலேசியா, தாய்லாந்து, இந்தியா ஆகிய நாடுகள் பங்கேற்கின்றன.

ரயில் போக்குவரத்து வழமையான முறையில் இடம்பெறுகிறது – பயணிகள் சிரமத்திற்கு உள்ளாகும் அபாயம் இல்லை என்று ரயில்வே பொது முகாமையாளர் அறிவித்துள்ளார்

ரயில்வே ஒன்றிணைந்த தொழிற்சங்கம் வேலைநிறுத்தத்தில் ஈடுபட்டிருந்தாலும், இன்று வழமையான முறையில் ரயில் போக்குவரத்து மேற்கொள்ள முடிந்துள்ளதாக ரயில்வே பொது முகாமையாளர் எஸ்.எம்.அபேவிக்ரம தெரிவித்துள்ளார்.

Read more...

கொழும்பு நகரில் வெள்ளநீரை கட்டுப்படுத்துவதற்காக இரண்டு சுரங்கப் பாதைகள் அமைக்கப்படவுள்ளன

கொழும்பு நகரில் வெள்ள நீர் கட்டுப்பாட்டிற்காக இரண்டு சுரங்கப் பாதைகள் அமைக்கப்படவிருக்கின்றன. பெருநகரங்கள் மற்றும் மேல் மாகாண அபிவிருத்தி அமைச்சு, சைனா பெற்றோலியம் பைப்லைன்ஸ் தனியார் நிறுவனத்துடன் இது தொடர்பான ஒப்பந்தத்தில் இன்று கைச்சாத்திட்டது. முதலாவது சுரங்கப்பாதை கொழும்பு புதிய முத்துவெல்ல பிரதேசத்தில் அமைக்கப்படவிருக்கிறது. இது 170 மீற்றர் நீளமானதாகும்

Read more...

சில ரயில்வே தொழிற்சங்கங்கள் வேலைநிறுத்தத்தை அறிவித்திருந்தாலும், இதன் மூலம் ரயில் போக்குவரத்திற்கு பாதிப்பு இல்லை என்று பிரதிப் போக்குவரத்து அமைச்சர் தெரிவித்துள்ளார்.

ரயில்வே திணைக்களத்துடன் இணைந்த சில தொழிற்சங்கங்கள் வேலைநிறுத்தத்தை அறிவித்திருந்தாலும், இதன் மூலம் ரயில் போக்குவரத்திற்கு பாரியளவிலான பாதிப்புக்கள் இல்லை என்று பிரதி அமைச்சர் அசோக்க அபேசிங்க தெரிவித்துள்ளார். நாளைய தினத்தில் 300 தடவைகள் ரயில்கள் சேவையில் ஈடுபடுத்தப்படவிருப்பதாகவும் அவர் கூறினார்.

இனவாதத்தை பரப்பி, இராணுவ வீரர்களை காட்டிக் கொடுத்து ஆட்சிக்கு வர சிலர் முயற்சிப்பதாக குற்றம் சாட்டப்பட்டுள்ளது.


இனவாதத்தை பரப்பி, இராணுவ வீரர்களை காட்டிக் கொடுத்து அதிகாரத்திற்கு வர சிலர் முயன்று வருகிறார்கள் என்று அமைச்சர் ரஞ்சித் மத்தும பண்டார தெரிவித்துள்ளார். அரசாங்கத்திற்கு எதிராக எந்தவொரு போலிப் பிரசார நடவடிக்கையும் முன்னெடுக்கப்பட்டாலும், அரசாங்கம் தொடர்ந்தும் முன்னோக்கிச் செல்லும் என்று அவர் கூறினார். கண்டியில் அரச ஊழியர்களுக்காக நிர்மாணிக்கப்படவிருக்கும் வீடமைப்புத் திட்டத்தின் அடிக்கல் நாட்டும் நிகழ்வில் அவர் உரையாற்றினார்.

உயர்தர மற்றும் சாதாரண தரப் பரீட்சைகளின் விடைத்தாள் மதிப்பீட்டுப் பணிகளை விடுமுறை காலத்திற்குள் மேற்கொள்வதற்கான யோசனை முன்மொழியப்பட்டுள்ளது.

கல்விக் பொதுத் தராதரப் பத்திர சாதாரண தரம், உயர்தரம் ஆகிய பரீட்சைகளில் விடைத்தாள் மதிப்பீட்டுப் பணிகளை விடுமுறை காலத்திற்குள் பூர்த்தி செய்வது பற்றி யோசனை முன்மொழியப்பட்டுள்ளதாக அமைச்சர் அகிலவிராஜ் காரியவசம் தெரிவித்துள்ளார்.

பெறுபேறுகளை வெளியிடுவதில் ஏற்படும் அநாவசிய தாமதங்களை தடுப்பது இதன் நோக்கமாகும். விடைத்தாள் மதிப்பீட்டுக்காக பயன்படுத்தப்படும் பாடசாலைகள் மூடப்படும் காலப்பகுதியை குறைப்பதே இதன் நோக்கமாகும் என்றும் அவர் கூறினார்.

நெல்லை தொடர்ந்தும் கொள்வனவு செய்ய நெல் சந்தைப்படுத்தும் சபை நடவடிக்கை.

நெல் சந்தைப்படுத்தல் சபை விவசாயிகளிடமிருந்து தொடர்ந்தும் கொள்வனவு செய்யும் என்று அமைச்சர் மஹிந்த அமரவீர தெரிவித்துள்ளார். இதற்கு தேவையான களஞ்சிய வசதிகளை வழங்கவும் நடவடிக்கை எடுக்கப்பட்டுள்ளது. அரசாங்கத்தின் களஞ்சிய வசதிகள் இல்லாத சந்தர்ப்பங்களில் தனியார் களஞ்சியசாலைகளும் பயன்படுத்தப்படவிருக்கின்றன.

பொசொன் வாரம் அடுத்த மாதம் 24ஆம் திகதி ஆரம்பமாகிறது

அடுத்த மாதம் 24ஆம் திகதி முதல் 30ஆம் திகதி வரை பொசொன் வாரம் பிரகடனப்படுத்தப்பட்டுள்ளதாக அனுராதபுரம் மாவட்ட செயலாளரும், பொசொன் ஏற்பாட்டுக் குழுவின் தலைவருமான ஆர்.எம்.வன்னிநாயக்க தெரிவித்துள்ளார். பொசொன் போயா தின நிகழ்வு அடுத்த மாதம் 27ஆம் திகதி கொண்டாடப்படவுள்ளது.

Read more...

2018ஆம், 2019ஆம் ஆண்டு காலப் பகுதியில் எட்டாயிரத்து 900 வீடுகளை பொதுமக்களுக்காக கையளிக்க நடவடிக்கை

2018ஆம் 2019ஆம் ஆண்டுகளில் எண்ணாயிரத்து 903 வீடுகளை மக்களுக்கு வழங்கத் திட்டமிட்டுள்ளதாக பெருநகரங்கள் மற்றும் மேல் மாகாண அபிவிருத்தி அமைச்சு அறிவித்துள்ளது.

Read more...

வடக்கு, கிழக்கு மாகாணங்களில் நிலவும் தாதியர் பற்றாக்குறைக்கு தீர்வுகாண நடவடிக்கை

வடக்கு, கிழக்கு மாகாண வைத்தியசாலைகளில் நிலவும் தாதியர் பற்றாக்குறைக்கு தீர்வுகாணும் நோக்கில் உயர்தரப் பரீட்சையில் எந்தவொரு பிரிவிலும் சித்தியடைந்தவர்களை இரண்டு மாகாணங்களிலிருந்து இணைத்துக் கொள்ள அமைச்சர் ராஜி;த்த சேனாரட்ன தீர்மானித்துள்ளார்.

Read more...

சீரற்ற காலநிலையினால் பாதிக்கப்பட்டவர்களுக்கு நிவாரணம் வழங்கும் நடவடிக்கை முன்னெடுக்கப்படுகிறது

சீரற்ற காலநிலையினால் பாதிக்கப்பட்ட மக்களுக்கு நிவாரணம் வழங்கும் நடவடிக்கைகள் தொடர்ந்தும் இடம்பெறுகின்றன. வீடுகளையும், கிணறுகளையும் சுத்தப்படுத்தும் நடவடிக்கைகள் ஆரம்பிக்கப்பட்டுள்ளதாக அனர்த்த முகாமைத்துவ மத்திய நிலையத்தின் உதவிப் பணிப்பாளர் பிரதீப் கொடிப்பிலி தெரிவித்துள்ளார்.

Read more...

உச்சிமாநாட்டிற்கு முன்னதாக வடகொரியத் தலைவருடன் கூடுதல் பேச்சுவார்த்தை கோரும் தென்கொரிய ஜனாதிபதி

வடகொரியத் தலைவருடன் கூடுதல் பேச்சுவார்த்தைகளை நடத்த வேண்டும் என தென்கொரிய ஜனாதிபதி மூன் ஜே-இன் கோரிக்கை விடுத்துள்ளார்.

வடகொரியத் தலைவர் கிம் ஜொங்-உன், அமெரிக்க ஜனாதிபதி டொனல்ட் ட்ரம்ப் ஆகியோருக்கு இடையிலான உச்சிமாநாட்டுக்கு முன்னதாக, பல விடயங்களைப் பேச வேண்டியுள்ளது என தென்கொரிய ஜனாதிபதி தெரிவித்தார்.

Read more...

ஆடுகள நிர்ணய சூதாட்டம்: மூவர் இடைநிறுத்தம்

ஆடுகள நிர்ணய சூதாட்டத்தில் சம்பந்தப்பட்டதாக குற்றஞ்சாட்டப்பட்ட மூன்று பணியாளர்களை தற்காலிகமாக இடைநிறுத்தியுள்ளதாக ஸ்ரீலங்கா கிரிக்கெட் நிறுவனம் அறிவித்துள்ளது.

Read more...

இன்று இந்துக்களுக்கு வைகாசி விசாக நோன்மதி – பௌத்தர்களுக்கு பொசொன் பௌர்ணமி

இன்று இந்துக்களுக்கும் பௌத்தவர்களுக்கும் முக்கியத்துவம் வாய்ந்த தினமாகும்.

இந்துக்கள் இன்று வைகாசி விசாக பூரணையாகக் கொண்டாடுகின்றார்கள். இன்றைய தினம் தீமைகளை அழிப்பதற்காக முருகப்பெருமான் சிவனின் நெற்றிக் கண்ணில் இருந்து அக்னி ரூபமாக அவதரித்த தினமாகக் கருதப்படுகிறது. இன்றைய தினம் முருகன் ஆலயங்களில் விசேட வழிபாடுகள் இடம்பெறும்.

Read more...

காலநிலை சீர்கேட்டால் பாதிக்கப்பட்ட பெருந்தோட்ட மக்களுக்கு புதிய வீடுகள் - அமைச்சர் பழனி திகாம்பரம்

சீரற்ற காலநிலையின் விளைவுகளால் நிர்க்கதியான பெருந்தோட்ட மக்களுக்கு கூடிய விரைவில் வீடுகளை அமைத்துக் கொடுக்கப் போவதாக மலைநாட்டு, புதிய கிராமங்கள், தோட்ட உட்கட்டமைப்பு மற்றும் சமுதாய அபிவிருத்தி அமைச்சர் பழனி திகாம்பரம் தெரிவித்துள்ளார்.

Read more...