Sun12152019

Last updateThu, 12 Dec 2019 9am

Latest News

அமைச்சர்களுக்கான விடயதானங்கள் தொடர்பான வர்த்தமானி வெளியிடப்பட்டுள்ளது.

அமைச்சர்களின் விடயதானங்கள் மற்றும் அதற்கான சேவைகள் உள்ளிட்டவை தொடர்பான வர்த்தமானி அறிவித்தல் வெளியிடப்பட்டுள்ளது.

ஜனாதிபதி கோட்டாபய ராஜபக்ஷ இந்த வர்த்தமானி அறிவித்தலை வெளியிட்டுள்ளார். அமைச்சர்களுக்கான விடயதானங்கள், திணைக்களங்கள், அரச கூட்டுத்தாபனங்கள் உள்ளிட்டவை இதில் அடங்குகின்றன.

சுவிஸ்சர்லாந்து தூதரக பெண் அலுவலர் இன்று மூன்றாவது நாளாகவும் குற்றப் புலனாய்வுத் திணைக்கத்திளத்தில் வாக்கு மூலம் வழங்குகிறார்

கடத்தப்பட்டதாக தெரிவிக்கப்படும் சுவிட்சர்லாந்து தூதரக பெண் அதிகாரி இன்று மூன்றாவது நாளாகவும் குற்றப்புலனாய்வு திணைக்களத்தில் வாக்குமூலம் வழங்கியுள்ளார். அவர் இன்றைய தினம் சட்ட வைத்திய அதிகாரியிடமும் முன்னிலையாக வேண்டியுள்ளது. அவர் நீதிமன்ற அனுமதியின்றி வெளிநாடு செல்வதற்கு டிசம்பர் மாதம் 12 ஆம் திகதி வரை தடை விதிக்கப்பட்டுள்ளது. கொழும்பு பிரதான நீதவான் முன்னியில் நேற்று ஆஜர்படுத்தப்பட்டபோது இந்த உத்தரவை நீதவான் பிறப்பித்தார்.

சுவிற்சர்லாந்து தூதரக அதிகாரி, குற்றப்புலனாய்வுத் திணைக்களத்தில் நேற்று வாக்குமூலம்.

கடத்தப்பட்டதாகக் கூறப்படும் சுவிற்சர்லாந்து தூதரக அதிகாரி, குற்றப்புலனாய்வுத் திணைக்களத்தில் வாக்குமூலம் அளித்துள்ளார்.

நேற்று மாலை குற்றப்புலனாய்வுத் திணைக்களத்திற்கு அவர் முகத்தை மூடிய வண்ணம் வருகை தந்து, வாக்குமூலம் வழங்கியுள்ளார்.

குறித்த பெண் கொழும்பு பிரதான சட்ட வைத்திய அதிகாரியிடம் அனுப்பப்பட்டுள்ளதாக குற்றப்புலனாய்வுத் திணைக்களத்தின் தகவல்கள் குறிப்பிடுகின்றன.

இவரைச் சிலர் கடத்தியதாகக் குறிப்பிடப்படும் குற்றச்சாட்டுத் தொடர்பில், வெளிவிவகார அமைச்சு அறிக்கையொன்றை வெளியிட்டுள்ளது.

தூதரக தகவல்களுக்கும், விசாரணையில் கிடைக்கப் பெற்ற தகவல்களுக்கும் இடையில் முரண்பாடுகள் காணப்படுவதாக அதில் குறிப்பிடபபட்டுள்ளது.

நாட்டில் முதலீடு செய்வது தொடர்பில் பல நிறுவனங்கள் அரசாங்கத்துடன் பேச்சுவார்த்தை நடத்தியுள்ளன

அதிகளவிலான முதலீட்டாளர்கள் இலங்கையில் முதலீடுகளை மேற்கொள்வதற்காக முதலீட்டு ஊக்குவிப்பு அமைச்சுடன் பேச்சுவார்த்தைகளில் ஈடுபட்டு வருவதாக இராஜாங்க அமைச்சர் கெஹலிய ரம்புக்வெல்ல தெரிவித்துள்ளார். தேசிய பாதுகாப்பு, அரசியல் ஸ்திரத்தன்மை என்பனவற்றுக்கு முக்கியத்துவம் வழங்கப்படவுள்ளது. உலக நாடுகளுக்கு மத்தியில் இலங்கையை அபகீர்த்திக்கு உள்ளாக்க வேண்டாம் என அவர் முன்னாள் அமைச்சர் ராஜித சேனாரட்னவிடம் கோரிக்கை விடுத்தார். ராஜித சேனாரட்ன நாட்டை காட்டிக்கொடுத்து அரசியல் ரீதியான நிந்தனைக்கு உள்ளாகி இருப்பதாகவும் அவர் கூறினார்.

தமிழ் மக்களின் பிரச்சினைகளுக்கு தீர்வை வழங்க தயார் என ஜனாதிபதி ஹிந்துஸ்தான் ரைம்ஸ் பத்திரிகைக்குக் குறிப்பிட்டுள்ளார்

தமிழ் மக்களின் உண்மையான பிரச்சினைகளுக்கு தீர்வை வழங்க நடவடிக்கை எடுப்பதாக ஜனாதிபதி கோட்டாபய ராஜபக்ஷ தெரிவித்துள்ளார். ஹிந்துஸ்தான் ரைம்ஸ் செய்தி சேவைக்கு வழங்கிய நேர்காணல் ஒன்றிலேயே ஜனாதிபதி இதனை கூறியுள்ளார்.
இலங்கை சுதந்திரமடைந்தது முதல் தமிழ் அரசியல்வாதிகள் அதிகாரப்பகிர்வு குறித்தே பேசியதாகவும் மாறாக அவர்கள் மக்களின் உண்மையான பிரச்சினைகளுக்கு தீர்வுகாணவில்லை எனவும் கூறினார்.
இலங்கை அரசியல் அமைப்பில் தற்போதும் 13 ஆவது திருத்தம் உள்ளடக்கப்பட்டுள்ளது. ஆனால் அதில் சொல்லப்பட்டுள்ள பல பிரிவுகளை எம்மால் நடைமுறைப்படுத்த முடியாது. ஆகவே, எமக்கு சில மாற்றங்கள் தேவை. இது குறித்து தமிழ் அரசியல் தலைவர்களும் விளங்கிக்கொள்ள வேண்டும் எனவும ஜனாதிபதி குறிப்பிட்டார்.
முன்னைய அரசாங்கம் புதிய அரசியல் யாப்பு சட்டமூலம் ஒன்றை உருவாக்க நடவடிக்கை எடுத்தது. பெரும்பான்மை மக்களின் இணக்கம் இன்றி எந்தவொரு தீர்வையும் வழங்க முடியாது என்பதை நீங்கள் புரிந்துக்கொள்ள வேண்டும். பெரும்பான்மை மக்களிடத்தில் ஏதேனும் சந்தேகத்திற்குரிய விடயங்களை முன்வைத்தால் அவற்றை நடைமுறைப்படுத்த முடியாது. அதுவே யதார்த்தம். பெரும்பான்மை மக்களை தெளிவுப்படுத்தினால் அதற்கு எதிர்ப்பு வெளியிடப்பட போவதில்லை ஜனாதிபதி கோட்டாபய ராஜபக்ஷ ஹிந்துஸ்தான் பத்திரிகைக்கு குறிப்பிட்டுள்ளார்.

அரச நிறுவனங்களுக்கு திறமையான அதிகாரிகளை நியமிக்க ஆறு பேர் கொண்ட குழு ஜனாதிபதியால் நியமனம்

அரச நிறுவனங்கள், அரச சார்பு நிறுவனங்கள் என்பனவற்றின் உயர் பதவிகளுக்கு தகுதி வாய்ந்தவர்களை நியமிப்பதற்காக பரிந்துரை செய்யும் ஆறு பேர் கொண்ட தொழில்வாண்iமாளர் குழு நியமிக்கப்பட்டிருக்கிறது. ஜனாதிபதி கோட்டாபய ராஜபக்ஷவின் பணிப்புரைக்கமைய இந்தக் குழு நியமிக்கப்பட்டுள்ளது. சிரேஷ்ட அரச அதிகாரியான சுமித் அபேயசிங்க குழுவின் தலைவராவார். சுசந்த ரட்னாநாயக்க, கலாநிதி நாலக கொடஹேவா, டயஸ் கோமஸ், பிரசன்ன குணசேன, ஜகத் வெல்லவத்த, ஆகியோர் குழுவின் ஏனைய உறுப்பினாக்ளாவர். அடுத்த மாதம் 18 ஆம திகதிக்கு முன்னர் இது தொடர்பான பரிந்துரைகளை அனுப்புவது அவசியமாகும்.

ஜனாதிபதியின் இந்தியாவுக்கான விஜயம் இன்று ஆரம்பம்

ஜனாதிபதி கோட்டாபய ராஜபக்ஷ தனது இந்தியாவுக்கான விஜயத்தை இன்று ஆரம்பிக்கின்றார். இரண்டு நாள் விஜயம் மேற்கொண்டு இன்று மாலை அவர் இந்தியாவுக்கு புறப்பட்டுச் செல்வார்.

இதன் போது, இந்திய ஜனாதிபதி ராம்நாத் கோவிந்த், இந்தியப் பிரதமர் நரேந்திர மோடி உள்ளிட்ட இந்திய பிரமுகர்களுடன் ஜனாதிபதி பேச்சுவார்த்தை நடத்தவுள்ளார். கோட்டாபய ராஜபக்ஷ, ஜனாதிபதியாக தெரிவானதன் பின்னர் மேற்கொள்ளும் முதலாவது வெளிநாட்டு விஜயம் இதுவாகும்.

ஜனாதிபதியின் செயலாளர் கலாநிதி பி.பி ஜயசுந்தர, வெளிவிவகார அமைச்சின் செயலாளர் ரவினாத்த ஆரியசிங்க, திறைசேரியின் செயலாளர் சஜித் ஆட்டிகல, ஜனாதிபதியின் ஆலோசகர் லலித் வீரதுங்க, ஜனாதிபதியின் அந்தரங்கச் செயலாளர் சுகீஸ்வர பண்டார ஆகியோரும் ஜனாதிபதியுடன் செல்லவுள்ளனர்.

மக்களின் எதிர்பார்ப்புக்களை நிறைவேற்றும் வகையிலேயே அமைச்சு பதவிகள் வகுக்கப்பட்டுள்ளதாக ஜனாதிபதி தெரிவித்துள்ளார்

இராஜாங்க மற்றும் பிரதி அமைச்சுகளுக்கான துறைகள் மக்களின் எதிர்பார்ப்பை நிறைவேற்றும் வகையில் அமைந்துள்ளதாக ஜனாதிபதி கோட்டாபய ராஜபக்ஷ தெரிவித்துள்ளார். தமது கொள்கைப் பிரகடனத்திற்கு ஏற்ப இது இடம்பெற்றுள்ளது.

பதவிகளின் சலுகைகளை கருத்திற் கொள்ளாது, பொறுப்புகளை நிறைவேற்ற வேண்டும் என அவர் சுட்டிக்காட்டியுள்ளார். இராஜாங்க மற்றும் பிரதி அமைச்சர்களுக்கான நியமனம் வழங்கும் நிகழ்வின் போதே ஜனாதிபதி இதனைத் தெரிவித்துள்ளார்.

தேர்தல் பிரசார நடவடிக்கைகள் மற்றும் பல ஆண்டு அவதானங்களின் பலனாக மக்களின் எதிர்ப்பார்ப்புகள் இனங்காணப்பட்டுள்ளன. ரயில் சேவைகளை அபிவிருத்தி செய்வது மற்றும் அவற்றை செயற்றிறன் மிக்கதாக கொண்டு நடத்துவது மக்களின் பிரதான தேவையாக உள்ளதாக இனங்காணப்பட்டுள்ளதாக ஜனாதிபதி தெரிவித்தார்.

அதேபோல் நாட்டின் வறுமைநிலையை நீக்க அவதானம் செலுத்த வேண்டும் எனவும் அவர் குறிப்பிட்டார். அரச துறைகளில் வினைத்திறன் அற்ற போக்குகள் இல்லாது செய்யப்படும். இதில் அமைச்சர்களுக்கு பாரிய பொறுப்பு உள்ளதென ஜனாதிபதி கோட்டாபய ராஜபக்ஷ குறிப்பிட்டார். இந்த வேலைத்திட்டங்களுக்கு பாராளுமன்ற உறுப்பினர்களின் ஒத்துழைப்பு அவசியம் என்றும் ஜனாதிபதி இதனைத் தெரிவித்தார்

நாட்டில் அறிவார்ந்த ஊடகக் கலாசாரம் கட்டியெழுப்பப்படும் என புதிய ஊடக அமைச்சர் உறுதி அளித்துள்ளார்

நாட்டில் அறிவார்ந்த ஊடகக் கலாசாரம் கட்டியெழுப்பப்படும் என தகவல் தொடர்பாடல் தொழில்நுட்பம், உயர்கல்வி, தொழில்நுட்ப புத்தாக்க மற்றும் ஊடக அமைச்சர் பந்துல குணவர்தன தெரிவித்துள்ளார். இன்று முற்பகல் ஊடக அமைச்சில் தனது கடமைகளை ஆரம்பித்த அவர் இதனைக் குறிப்பிட்டார்.

சகல இனங்களுக்கும், ஆத்மார்த்தமாக வாழ்வதற்கான உரிமை நாட்டில் கட்டியெழுப்புவதற்கான ஊடகக் கலாசாரத்தை நாட்டிற்கு தற்போதைய அரசாங்கம் அறிமுகப்படுத்தும் எனவும் அமைச்சர் குறிப்பிட்டார்.

ஊடக சுதந்திரம் உயர்ந்தபட்சம் பாதுகாக்கப்படும் எனவும் அமைச்சர் குறிப்பிட்டார்.

இலங்கையை முன்பை போன்று சிறந்த வேலைத்தளமாக மாற்ற அனைவரும் அர்ப்பணிப்புடன் செயற்பட வேண்டும் என பிரதமர் வலியுறுத்தல்

ஐந்து வருடங்களுக்கு முன்னர் சிறந்த வேலைத்தளமாக காணப்பட்ட இலங்கையை மீண்டும் அதே நிலைக்கு எடுத்துச் செல்ல அனைவரும் அர்ப்பணிப்புடன் செயற்பட வேண்டும் என்று பிரதமர் மஹிந்த ராஜபக்ஷ தெரிவித்துள்ளார். இதற்காக ஜனாதிபதி உட்பட அரசியல்வாதிகள், அரச ஊழியர்களுக்கு உயர்ந்தபட்ச வசதிகளை வழங்கும் என்றும் பிரதமர் கூறினார்.

நிதி மற்றும் கொள்கை அபிவிருத்தி அமைச்சராக கடமைகளை ஏற்றுக்கொண்டதன் பின்னர் பிரதமர் மஹிந்த ராஜபக்ஷ உரையாற்றினார். 2005ஆம் ஆண்டு தொடக்கம் 2014ஆம் ஆண்டு காலப்பகுதியில் ஆட்சியிலிருந்து அரசாங்கத்தின் பொருளாதார ரீதியான வெற்றிகளை பிரதமர் நினைவு கூர்ந்தார்.

நாட்டின் பொருளாதார வளர்ச்சி வேகத்தை ஆறு தசம் ஐந்து சதவீதத்தினால் பேண முடிந்தது. இந்தக் காலப்பகுதியில் 24 பில்லியன் டொலர்களாக காணப்பட்ட மொத்த தேசிய உற்பத்தி 2014ஆம் ஆண்டளவில் 79 பில்லியன் அமெரிக்க டொலர்கள் வரை அதிகரித்தது.

இரண்டு பில்லியன் டொலர்களாக காணப்பட்ட வெளிநாட்டு ஒதுக்கம் 7 தசம் இரண்டு டொலர்கள் வரை அதிகரித்தது. ஒரு டொலரின் பெறுமதி 130 ரூபாவாக காணப்பட்டது. இந்தக் காலப்பகுதியில் வாழ்க்கைச் செலவு குறைந்த மட்டத்தில் காணப்பட்டது. 2005ஆம் ஆண்டில் காணப்பட்ட 91 சதவீதமான கடன்சுமை 2014ஆம் ஆண்டில் 71 சதவீதம் வரை குறைக்கப்பட்டதாகவும் பிரதமர் மஹிந்த ராஜபக்ஷ கூறினார்.

2015ஆம் ஆண்டின் பின்னர் நாட்டின் நிதிக் கட்டமைப்பு பலமிழக்க ஆரம்பித்தது. பணவீக்கம் அதிகரித்தமையினால் நாட்டின் கடன்தொகை கடந்த நான்கு ஆண்டுகளில் ஆயிரத்து 760 பில்லியன் ரூபாவாக அதிகரித்தது. நாணயத்தின் பெறுமதியும் இந்தக் காலப்பகுதியில் வீழ்ச்சி கண்டது.

அரச அதிகாரிகளுக்கு எப்.சி.ஐ.டி முன்னிலையில் ஆஜராக வேண்டிய நிலை ஏற்பட்டது. மத்திய வங்கியில் இடம்பெற்ற கொள்ளை நாட்டின் நிதி நெருக்கடியை ஏற்படுத்தியது. வியாபாரிகளை முதலீடுகளில் ஈடுபடுத்த செய்வதற்கான நிலை ஏற்படுத்துவது அவசியமாகும் என்றும் பிரதமர் மஹிந்த ராஜபக்ஷ குறிப்பிட்டார்.

நாட்டில் சட்டம், ஒழுங்கைப் பாதுகாத்து, சகல பிரஜைகளும்; இன, மத பேதங்களுக்கு அப்பால் கௌரவமாக வாழக்கூடிய சூழல் ஏற்படுத்தப்படும் என்று பாதுகாப்புச் செயலாளர் தெரிவிப்பு

ஜனாதிபதியின் விசேட வர்த்தமானி அறிவித்தல் ஊடாக, இராணுவத்தை ஈடுபடுத்தி, பொதுமக்களின் பாதுகாப்பு மேலும் உறுதிப்படுத்தப்படும் என்று பாதுகாப்புச் செயலாளர் மேஜர் ஜெனரல் கமல் குணரத்ன தெரிவித்துள்ளார்.  இராணுவ ஆட்சியை நாட்டில் முன்னெடுக்க எந்தவொரு அபிப்பிராயமும் இல்லை என்று அவர் சுட்டிக்காட்டினார். மிஹிந்தலை புனித பூமிக்கு நேற்றுச் சென்ற பாதுகாப்புச் செயலாளர், விஹாராதிபதி சங்கைக்குரிய வலவா ஹெங்குன வௌ; தம்மரத்ன தேரரைச் சந்தித்தார். அதன் போதே அவர் இதனைக் குறிப்பிட்டார். நாட்டில் இராணுவ நிர்வாகத்தை ஏற்படுத்துவதாக மக்கள் மத்தியில் அவசியமற்ற பீதியை ஏற்படுத்த சிலர் முயற்சிக்கின்றனர். அவ்வாறு எதுவும் இடம்பெறாது என பாதுகாப்புச் செயலாளர் என்ற வகையில் தான் பொறுப்புடன் தெரிவிப்பதாக அவர் குறிப்பிட்டார். நாட்டில் சட்டம், ஒழுங்கைப் பாதுகாத்து, சகல பிரஜைகளும்; இன, மத பேதங்களுக்கு அப்பால் கௌரவமாக வாழக்கூடிய சூழலை ஏற்படுத்தப் போவதாக அவர் குறிப்பிட்டார். இதற்குத் தேவையான நடவடிக்கைகளை மேற்கொள்வதற்கு பொலிசாருக்கு ஆலோசனை வழங்கப்பட்டுள்ளதாக பாதுகாப்புச் செயலாளர் தெரிவித்தார். போதைப்பொருள் வர்த்தகத்தை முடக்குவதற்குத் தேவையான வேலைத்திட்டங்கள் முன்னெடுக்கப்பட்டுள்ளன. இதற்காக சகலரினதும் ஒத்துழைப்பும் அவசியம் என்று அவர் சுட்டிக்காட்டினார்.

இதேவேளை, பாதுகாப்பு அமைச்சின் செயலாளர் மேஜர் ஜெனரல் கமல் குணரத்னவிற்கும், பொலிஸ் போதைப்பொருள் ஒழிப்புப் பிரிவு அதிகாரிகளுக்கும் இடையிலான விசேட பேச்சுவார்த்தை பாதுகாப்பு அமைச்சில் இடம்பெற்றது. இதன்போது போதைப்பொருள் வர்த்தகத்திற்கு எதிராக நடவடிக்கை எடுத்தல், பொதுமக்களைத் தெளிவூட்டல், போதைப்பொருளுக்கு அடிமையானவர்களை அதிலிருந்து மீட்டெடுத்தல் தொடர்பில் இதன் போது கவனம் செலுத்தப்பட்டது.

எதிர்க்கட்சித் தலைவர் மஹிந்த ராஜபக்ஷ இன்று பிரதமராக பதவியேற்கின்றார்

எதிர்க்கட்சித் தலைவர் மஹிந்த ராஜபக்ஷ இன்று பிற்பகல் 1.00 மணிக்கு பிரதம மந்திரியாக பதவியேற்க உள்ளார். ஜனாதிபதி செயலகத்தில் ஜனாதிபதி கோட்டாபய ராஜபக்ஷ முன்னிலையில் அவர் பிரதமராகப் பதவியேற்பார். அதனைத் தொடர்ந்து பிற்பகல் 3.00 மணிக்கு பிரதமர் அலுவலகத்தில் திரு.மஹிந்த ராஜபக்ஷ தமது கடமைகளை உத்தியோகபூர்வமாக பொறுப்பேற்க உள்ளார். நாளை பிற்பகல் அல்லது வெள்ளிக்கிழமை முற்பகல் புதிய அமைச்சரவையும் பதவியேற்க உள்ளது.

இதேவேளை, பாராளுமன்றத்தின் கட்சித் தலைவர்கள் கூட்டம் இன்று காலை நடைபெறும். இன்று காலை 11.00 மணிக்கு கட்சித் தலைவர்கள் சந்திப்பை கூட்டுமாறு சபாநாயகரினால் பாராளுமன்ற செயலாளர் தம்மிக தசநாயக்கவுக்கு பணிப்புரை வழங்கப்பட்டுள்ளதாக இலங்கை பாராளுமன்றத்தினால் வெளியிடப்பட்டுள்ள செய்திக் குறிப்பில் தெரிவிக்கப்பட்டுள்ளது.

ஜனாதிபதியின் தனிப்பட்ட பணியாளர்களின் எண்ணிக்கையை இரண்டாயிரத்து 500 முதல் 250 வரை குறைக்கத் தீர்மானம்

ஜனாதிபதியின் தனிப்பட்ட பணியாளர்களை இரண்டாயிரத்து 500 இலிருந்து 250 வரை குறைப்பதற்கு ஜனாதிபதி கோட்டாபய ராஜபக்ஷ தீர்மானித்திருப்பதாக தெரிவிக்கப்பட்டுள்ளது. ஜனாதிபதியுடன் பயணிக்கும் வாகன தொடரணியின் எண்ணிக்கையையும் குறைப்பதற்கு தீர்மானிக்கப்பட்டுள்ளது. தற்போது ஜனாதிபதியுடன் 15 முதல் 20 வாகனங்கள் பயணிக்கின்றன. ஜனாதிபதி பயணிக்கும் போது எதிர்காலத்தில் பாதைகளும் மூடப்படக் கூடாதென ஜனாதிபதி தீர்மானித்துள்ளார்.

புதிய ஜனாதிபதி முன்னிலையில் பல சவால்கள் காணப்படுவதாக புத்திஜீவிகள் சுட்டிக்காட்டியுள்ளனர்.

அரச நிர்வாகத்தை மறுசீரமைப்பதே ஜனாதிபதி கோத்தாபய ராஜபக்ஷவின் முன்னிலையில் உள்ள பிரதான சவால் என கலாநிதி ஷமில லியனகே தெரிவித்துள்ளார்.

ஜனாதிபதியின் இலக்குகளையும் வேலைத்திட்டங்களையும் நடைமுறைப்படுத்த நிர்வாகம் மட்டத்தில் புதியவர்கள் அமர்த்த வேண்டும் என அவர் கூறினார். மக்களைப் பாதுகாப்பது அரச தலைவரின் பிரதான பொறுப்பாகும். உயிர்த்த ஞாயிறு தினத்தன்று இடம்பெற்ற தாக்குதல் போன்ற சம்பவங்களின் பின்னர்  மக்கள் மீதான பொறுப்புக்கள் நிறைவேற்றப்பட்டுள்ளதா என்பது பற்றி கவனம் செலுத்த வேண்டும் என கலாநிதி லியனகே சுட்டிக்காட்டியுள்ளார்.

கடந்த சில வருடங்களாக நிலவிய பேரளவிலான ஜனநாயகம்புதிய ஜனாதிபதியின் தெரிவின் மூலம் யாதார்த்த நிலையை அடையும் என அவர் கூறினார்.

இதேவேளைகடந்த சில வருடங்களாக அபாயத்தை எதிர்கொண்டு தேசிய பாதுகாப்புபொருளாதாரம்சமூக மற்றும் கலாசாரத் தொடர்புகளை யாதார்த்த நிலைக்குக் கொண்டு வருவதே புதிய ஜனாதிபதியின் முன்னுள்ள சவால்கள் என சட்டத்தரணி மனோஜ் கமகே குறிப்பிட்டுள்ளார். இதற்காக அமைச்சரவை மற்றும் பாராளுமன்றத்தின் ஒத்துழைப்பு ஜனாதிபதிக்கு அவசியமாகும்.

இதனை அடைய பொதுத் தேர்தலை நடத்துவதற்கான ஒத்துழைப்புக்களை தற்போதைய அரசாங்கம் ஜனாதிபதிக்கு வழங்க வேண்டும் என அவர் வேண்டுகோள் விடு;த்தார். நாட்டில் சகல மக்களினதும் எதிர்பார்ப்புக்களை நிறைவேற்றுவதற்கு புதிய ஜனாதிபதி நியமிக்கப்பட்டுள்ளதாக அவர் சுட்டிக்காட்டினார்.

பொதுத் தேர்தல் இடம்பெறும் வரை, காபந்து அரசாங்கத்தை அமைக்க நடவடிக்கை.

அரசாங்கத்தின் எதிர்கால நடவடிக்கைகளை முன்னெடுப்பதற்காக இன்றைய தினம் பெரும்பாலும் காபந்து அரசாங்கம் அமைப்பதற்கு இடமிருப்பதாக அரசியல் தகவல்கள் தெரிவிக்கின்றன.

அதன்படிபிரதமர் ரணில் விக்ரமசிங்க தமது பதவியில் இருந்து விலகுவார் என தெரிவிக்கப்படுகிறது. 15 அமைச்சர்களைக் கொண்டதாக அமைச்சரவைக் கொண்டதாக இந்த காபந்து அரசாங்கம் அமைய உள்ளதாகத் தெரிவிக்கப்படுகின்றது.

பொதுத் தேர்தல் இடம்பெற்று புதிய அரசாங்கம் அமைக்கப்படும் வரையில் இந்த இடைக்கால அரசாங்கத்தை அமைக்க ஜனாதிபதி கோட்டாபய ராஜபக்ஷ தீர்மானித்திருப்பதாக தகவல்கள் தெரிவிக்கின்றன.

 

ஜனாதிபதி கோட்டாபய ராஜபக்ஷ, தமது முதலாவது அரச முறைப் பயணமாக இந்தியா செல்கிறார்

ஜனாதிபதி கோட்டாபய ராஜபக்ஷதனது முதல் அரச முறைப் பயணமாக எதிர்வரும் 29ஆம் திகதி இந்தியாவுக்கு பயணமாகவுள்ளார்.

புதுடில்லி செல்லும் ஜனாதிபதி கோட்டாபய ராஜபக்ஷஇந்தியப் பிரதமர் நரேந்திர மோடியுடன் சந்தித்துப் பேச்சு நடத்துவார் என தெரிவிக்கப்படுகிறது.

இலங்கை வந்துள்ள இந்திய வெளியுறவு அமைச்சர் எஸ். ஜெய்சங்கர் நேற்று புதிய ஜனாதிபதி கோட்டாபய ராஜபக்ஷவைச் சந்தித்து கலந்துரையாடினார்.

இந்தச் சந்திப்பின் போது இந்தியப் பிரதமர் நரேந்திர மோடியின் சிறப்புச் செய்தியைத் தெரிவித்த இந்திய வெளியுறவு அமைச்சர்ஜனாதிபதி கோட்டாபய ராஜபக்ஷவை அரச முறைப் பயணமாக இந்தியா வருகை தருமாறு அழைப்பு விடுத்தமை குறிப்பிடத்தக்கது.               

 

ஜனாதிபதி இன்று தமது கடமைகளைப் பொறுப்பேற்கின்றார்.

ஜனாதிபதிகோட்டாபயராஜபக்ஷஇன்றுமுற்பகல்10.30ற்குஜனாதிபதிசெயலகத்தில்தமதுகடமைகளைப்பொறுப்பேற்கின்றார். இலங்கையின்7ஆவதுநிறைவேற்றுஅதிகாரம்கொண்டஜனாதிபதியாகஅவர்நேற்றுசத்தியப்பிரமாணம்செய்துகொண்டார்.

இதனிடையே, ஜனாதிபதியின்செயலாளர்P.டீ.ஜயசுந்தரஇன்றையதினம்நியமிக்கப்படவுள்ளார். புதியபாதுகாப்புச்செயலாளர்மேஜர்ஜெனரல்கமல்குணரத்னநியமிக்கப்படவுள்ளார். இதனிடையே, நேற்றையறுவான்வெலிசாயவில்பதவிப்பிரமாணம்நிகழ்வினைத்தொடர்ந்துநாட்டுமக்களுக்காகஜனாதிபதிகோட்டாபயராஜபக்ஷஆற்றியஉரையின்போதுநிறைவேற்றுஅதிகாரத்தைப்பயன்படுத்துவதற்குதான்ஒருபோதும்பின்நிற்கபபோவதில்லைஎனக்குறிப்பிட்டார்.

வரலாற்றுரீதியானமக்கள்ஆணையைப்பயன்படுத்திதமதுகொள்கைக்குஅமையசெயற்படக்கூடியபுதியஅரசாங்கம்உருவாக்கப்படும்எனவும்ஜனாதிபதிகுறிப்பிட்டார். ஊழல்அற்றஅரசசேவை, புதியஅரசியல்கலாசாரம், அதுபோல்அரசபாதுகாப்புபொறிமுறைஎன்பனஉருவாக்கப்படும்எனஜனாதிபதிகோட்டாபயராஜபக்ஷகுறிப்பிட்டார்.

கோட்டாபய ராஜபக்ஷ இலங்கையின் 7வது நிறைவேற்று அதிகாரம் கொண்ட ஜனாதிபதியாக இன்று சத்தியப்பிரமாணம் செய்ய உள்ளார்.

இலங்கை சோசலிச குடியரசின் ஏழாவது ஜனாதிபதியாகத் தெரிவு செய்யப்பட்ட கோட்டாபய ராஜபக்ஷ இன்றைய தினம் சத்தியப்பிரமாணம் செய்து கொள்ளவுள்ளார்.

சத்தியப்பிரமாண வைபவம் ருவன்வெலிசாயவில் இன்று முற்பகல் இடம்பெறும் என ஸ்ரீலங்கா பொதுஜன பெரமுன அறிவித்துள்ளது.

இந்த சத்தியப்பிரமாண நிகழ்வைத் தொடர்ந்து அவர் நாட்டு மக்களுக்கு விசேட உரையொன்றையும் ஆற்றவுள்ளார்.

நிகழ்வில் ஸ்ரீலங்கா பொதுஜன பெரமுனவின் தலைவரும் எதிர்கட்சி தலைவருமான மகிந்த ராஜபக்ஸ உள்ளிட்ட பாராளுமன்ற உறுப்பினர்கள் பலர் கலந்துகொள்ளவுள்ளனர்.

உயிர்த்த ஞாயிறு தாக்குதல் தொடர்பான பாராளுமன்ற விசேட தெரிவுக்குழு இன்று மீண்டும் கூடுகிறது.

உயிர்த்த ஞாயிறு தாக்குதல் தொடர்பில் ஆராய்வதற்காக நியமிக்கப்பட்ட பாராளுமன்ற விசேட தெரிவுக்குழு இன்று மாலை மீண்டும் கூடுகிறது. குழுவின் தலைவர் பிரதி சபாநாயகர் ஆனந்த குமாரசிறி தலைமையில் இந்தக் கூட்டம் இடம்பெறவுள்ளது. காத்தான்குடி பொலிஸ் நிலைய முன்னாள் பிரதான நிலைய பொறுப்பதிகாரி மற்றும் காத்தான்குடி சுபி முலிம் குழுவின் பிரதிநிதிகள் இன்று தெரிவுக் குழுவிற்கு அழைக்கப்பட்டுள்ளனர். உயிர்த்த ஞாயிறு தாக்குதலுக்கு பொறுப்பானவர்களை வெளிப்படுத்துவது மற்றும் இவ்வாறான தாக்குதல்கள் எதிர்வரும் காலங்களில் இடம்பெறுவதை தவிர்ப்பதற்குத் தேவையான நடவடிக்;கைகளை மேற்கொள்வது இந்தத் தெரிவுக் குழுவின் பொறுப்பாகும். அமைச்சர் ராஜித்த சேனாரட்ன, ரவி கருணாநாயக்க மற்றும் முன்னாள் அமைச்சர்களான ரவூப் ஹக்கீம், பாராளுமன்ற உறுப்பினர்களான ஜயம்பத்தி விக்ரமரட்ன, எம்.ஏ.சுமந்திரன் மற்றும் நளின் டி ஜயதிஸ்ஸ ஆகியோரும் இந்தக் குழுவில் இடம்பெற்றுள்ளனர். 

 

தேசிய ஒற்றுமையை கட்டியெழுப்ப அரசாங்கத்தின் முக்கிய பங்கு அவசியம்

தேசிய ஒற்றுமையை கட்டியெழுப்புவதற்கு அரசாங்கம் முக்கிய பங்கு வகிக்க வேண்டுமென சட்டத்தரணி சுதர்ஷன குணவர்தன தெரிவித்துள்ளார். இதற்காக சிவில் அமைப்புக்களும் பங்களிப்பு செய்ய வேண்டுமென அவர் குறிப்பிட்டுள்ளார். இலங்கை ஒலிபரப்புக் கூட்டுத்தாபனத்தின் சுபாரதி நிகழ்ச்சியில் கலந்து கொண்ட போது அவர் இதனைத் தெரிவித்தார். 

 

உலகக் கிண்ணக் கிரிக்கட் தொடரில் ஆப்கானிஸ்தான், இங்கிலாந்து அணிகள் இன்று மோதுகின்றன.

உலகக் கிண்ணக் கிரிக்கட் போட்டித் தொடரின் 24ஆவது போட்டி இன்று ஆப்கானிஸ்தான் - இங்கிலாந்து அணிகளுக்கு இடையில் இடம்;பெறவுள்ளது. இந்தப் போட்டி மாலை 3 மணிக்கு மேன்சஸ்டர் நகரில் இடம்பெறவுள்ளது. காயம் காரணமாக இன்றைய போட்டியில் இங்கிலாந்து அணியின் ஜேஸன் ரோய் பங்கேற்க மாட்டாரென தெரிவிக்கப்படுகின்றது. 
 
இதனிடையே, உலகக் கிண்ணக் கிரிக்கட் போட்டித் தொடரின் புள்ளிப் பட்டியலின் அடிப்படையில் அவுஸ்திரேலிய அணி 8 புள்ளிகளுடன் முதலிடத்தில் காணப்படுகிறது. நியூசிலாந்து மற்றும் இங்கிலாந்து அணிகள் 7 புள்ளிகளுடன் முறையே இரண்டாம், மூன்றாம் இடங்களில் காணப்படுகின்றன. 6 புள்ளிகளை பெற்றுள்ள இங்கிலாந்து அணி நான்காவது இடத்தில் காணப்படுகிறது. மேற்கிந்திய தீவுகள் அணியுடனான நேற்றைய போட்டியில் வெற்றி பெற்ற பங்களாதேஷ் அணி புள்ளிப் பட்டியலில் ஐந்தாவது இடத்திற்கு முன்னேறியுள்ளது. ஆறாம் இடத்தில் இலங்கை அணியும், ஏழாமிடத்தில் மேற்கிந்திய தீவுகள் அணியும் காணப்படுகின்றன. எட்டாமிடத்தில் தென்னாபிரிக்க அணியும், ஒன்பதாவது இடத்தில் பாகிஸ்தான் அணியும், பத்தாவது இடத்தில் ஆப்கானிஸ்தான் அணியும் காணப்படுகின்றன.