Fri01182019

Last updateFri, 18 Jan 2019 8am

SP Smart Slider New

නවතම පුවත්

පාතාලය මර්දනයට දැඩි තීන්දු - ජනපතිගෙන් පොලීසියට උපදෙස්

පොලිස් දෙපාර්තමේන්තුවේ කටයුතු වර්තමානයට වඩා උසස් මට්ටමකට ගෙනඑමින් ඉහළ ප්‍රමිතියකින් යුත් කාර්යක්ෂම මහජන හිතකාමී ප්‍රසස්ථ සේවාවක් ලෙස ශක්තිමත් කලයුතුව ඇතැයි ජනාධිපති මෛත්‍රිපාල සිරිසේන මැතිතුමා පවසයි.

ශ්‍රි ලංකා පොලිසියේ ජ්‍යෙෂ්ඨ නියෝජ්‍ය පොලිස්පතිවරුන් හා නියෝජ්‍ය පොලිස්පතිවරුන් ඊයේ දහවල් ජනාධිපති කාර්යාලයේදී හමුවු අවස්ථාවේදි එතුමා මේ බව කිවේය. පොලිස් සේවයේ ගැටඑ සාකච්ඡා හා සංවාද මගින් විසඳාගැනිමට ඇති හැකියාව ජනාධිපතිතුමා පැහැදිලි කලේය. පාතාලය මර්දනය වෙනුවෙන් දැඩි තීන්දු සමග ශක්තිමත් වැඩපිලිවෙලක අවශ්‍යතාව අවධාරණය කෙරුණි.

මේ අතර අත්තිඩියේ පැවති ත්‍රිවිධ හමුදා බලලත් නිලධාරි සහ ජ්‍යෙෂ්ඨ කොමිසන් නොලත් නිලධාරින්ගේ සම්මන්ත්‍රනයේ ආරම්භක අවස්ථාවට ද ජනාධිපතිතුමා එක්විය.

පාර්ලිමේන්තුව විසුරුවීමට එරෙහිව ශ්‍රේෂ්ඨාධිකරණය වෙත ගොනුකල පෙත්සම් විභාග කිරීම සඳහා හත්දෙනෙකුගෙන් යුත් විනිසුරු මඩුල්ලක්

පාර්ලිමේන්තුව විසුරුවීමට එරෙහිව ශ්‍රේෂ්ඨාධිකරණය වෙත ගොනුකල පෙත්සම් විභාග කිරීම සඳහා හත්දෙනෙකුගෙන් යුත් විනිසුරු මඩුල්ලක් නම්කර තිබේ.  අග විනිසුරු නලින් පෙරේරා මහතා එහි ප්‍රධානියායි.  ලබන මස 04. 05 සහ 06 යන දිනවලදී පෙත්සම් විභාගයට ගැනිමට නියමිතය.  මීට පෙර එම පෙත්සම විභාග කිරීම සඳහා පත්කර තිබුනේ විනිසුරුවරුන් තිදෙනෙකු පමණි.

ළමා අපයෝජන වැලැක්වීම සඳහා නව ක්‍රියාකාරි සැලැස්මක්

ළමා අපයෝජන වැලැක්වීම සඳහා නව ක්‍රියාකාරි සැලැස්මක් සකස් කෙරේ.  ළමා අපයෝජන පිටුදැකිම සඳහා විද්වතුන්ගේ යෝජනා හා අදහස් ඉදිරිපත් කිරීම සහ අපයෝජන වැලැක්විම සඳහා වන ක්‍රියාකාරි සැලැස්මක් එළි දැක්වීම  සෞඛ්‍ය ප්‍රවර්ධන කාර්යංශයේදී හෙට සිදුකෙරේ.  ළමා ලිංගික අපයෝජනය ශ්‍රි ලංකාවේ විශේෂ අවධානය යොමුවිය යුතු සෞඛ්‍ය හා සමාජ ගැටඑවක් බවට පත්ව ඇත.  2017 වාර්තා අනුව ළමා අපයෝජන පැමිණිලි 9014 ක් වාර්තා වී ඇතැයි සෞඛ්‍ය ප්‍රවර්ධන කාර්යංශය පෙන්වා දෙයි.

චීනය සහ ජපානය අතර ක්ෂේත්‍ර ගණනාවක් යටතේ ගිවිසුම් රැසකට අත්සන් තැබේ

චීනය සහ ජපානය අතර ක්ෂේත්‍ර ගණනාවක් යටතේ ගිවිසුම් රැසකට අත්සන් තැබේ.  බිජිං හි අද පැවැති උත්සවයකදී එම ගිවිසුම් වලට එළඹ තිබේ.  මේ යටතේ බලශක්ති. උත්පාදනය පරිසර දුෂණය අවම කිරීම ඇතුථ ව්‍යාපෘති 24 ක් සදහා සහයෝගිතා ගිවිසුම් වලට අත්සන් තැබු බව චීන රාජ්‍ය මාධ්‍ය වාර්තා කරයි.   සුහුරු නගර සංවර්ධනය සහ දේශගුණික විපර්යාෂ වැලැක්වීම සදහා ද මෙහිදි ගිවිසුම් වලට එළඹ තිබේ.

ශ්‍රි ලංකාව සමග පැවති ටෙස්ට් තරගාවලියෙන් තුනට බිංදුවක් ලෙස එංගලන්තයට ජ

එංගලන්ත පිල සහ ශ්‍රි ලංකා පිල අතර තුන්වැනි ටෙස්ට් ක්‍රිකට් තරගයෙන් ශ්‍රි ලංකා පිල පරදවා ලකුණු 42 ක ජයක් අත්කරගැනිමට එංගලන්ත පිල සමත්විය.  ජයග්‍රහණය සඳහා ලකුණු 327 ක ඉලක්කයක් හඹා ගිය ශ්‍රී ලංකා කණ්ඩායමට සියථ දෙනා දැවී ලබා ගත හැකි වුයේ ලකුණු 284 ක් පමණි.  කුසල් මෙන්ඩිස් ලකුණු 88 යි.  රොෂේන් සිල්වා ලකුණු 65 යි.  මලින්ද පුෂ්පකුමාර නොදැවී ලකුණු 42 ක් ලබාගතතේය.  පන්දු යැවීමේදි මොයින් අලි කඩුලු 4 ක් ද ජැක් ලීච් කඩුලු 4 ක් බිඳ හෙලුහ.  තරගයේ වීරයා ලෙස ජොනි බෙයාර්ස්ටෝ ද තරගාවලියේ විරයා ලෙස බෙන් ස්ටෝක් ද නම් කෙරිණි.  දෙරට අතර ටෙස්ට් ක්‍රිකට් තරගාවලියේ ජයග්‍රහනය තුනට බිංදුවක් ලෙස එංගලන්ත පිලට හිමිවිය.

 

ශ්‍රේෂ්ඨාධිකරණය ලබා දෙන ඕනෑම තීන්දුවක් පිළිගැනීමට රජය සුදානම් බව සුසිල් ප්‍රේමජයන්ත ඇමතිවරයා කියයි

 

ලබන මස 7 වැනිදා ශ්‍රේෂ්ඨාධිකරණය ලබා දෙන ඕනෑම තීන්දුවක් පිළිගැනීමට රජය සුදානම් බව ඇමති සුසිල් ප්‍රේමජයන්ත මහතා කියයි. එම තීන්දු සම්බන්ධයෙන්යම් යම් ප්‍රකාශ සිදු කිරීම අධිකරණයට කරන අපහාසයකි.

තම පක්ෂයේ සාමාජිකයන් එවැනි ප්‍රකාශ කිරීම වැලැක්වීම සදහා රනිල් වික්‍රමසිංහ මහතාට නියෝග පවා ලබාදීමට සිදුවි ඇතැයි ඇමතිවරයා පැවසුවේ ශ්‍රී ලංකා නීතිඥ සංගමය සංවිධාන කළ දෙදින වැඩමුඵ්වක සමාරම්භක අවස්ථාවට අද පෙරවරුවේ එක් වීමෙන් අනතුරුව මාධ්‍යයට අදහස් දක්වමිනි.

මැතිවරණයකින් ලබා ගන්නා ජයග්‍රහණයෙන් පසුව ජනතා අභිවෘද්ධිය උදෙසා අවශ්‍ය ස්ථාවර වැඩපිළිවෙලක් ක්‍රියාත්මක කරන බවද ඔහු සදහන් කළේය. ජනාධිපතිතුමා අගමැතිවරයා පත් කිරීමෙන් පසුව ඇමති මණ්ඩලයක් හා අමාත්‍යංශ ලේකම්වරුන් ද පත් කළේය. ඒ අනුව නව රජය නෛතිකව රට තුල ක්‍රියාත්මක වන බව සුසිල් ප්‍රේමජයන්ත ඇමතිවරයා පෙන්වා දුන්නේය.

නීතිපති ජයන්ත ජයසුරිය මහතා මෙහිදී පැවසුවේ ජාත්‍යන්තර කම්කරු නීතිවලට අනුකුලව මෙරට කම්කරු නීතිවල තත්ත්වය උසස් කළ යුතු බවයි. අභියාචනාධිකරණ සභාපති විනිසුරු පද්මන් සුූරසේන මහතා ද එහිදී අදහස් දැක්වීය.

රටේ ආරක්ෂාව මෙන්ම සංවර්ධනයේදී ත්‍රිවිධ හමුදාවේ සුවිශේෂී දායකත්වය ජනාධිපතිතුමාගේ ඇගයීමට

ජනාධිපතිවරයා ලෙස මෙන්ම සේනාධි නායකයා ලෙසද ත්‍රිවිධ හමුදාව කෙරෙහි තමා තුල ඇත්තේ දැඩි ගෞරවයක් හා විශ්වාසයක් බව ජනාධිපති මෛත්‍රිපාල සිරිසේන මැතිතුමා කියයි. ජාතික ආරක්ෂාවේදී මෙන්ම සංවර්ධනයේදී සහ ජනතා සුභසාධන කටයුතුවල දී ත්‍රිවිධ හමුදාව ලබා දෙන සුවිශේෂී දායකත්වය එතුමාගේ ඇගයීමට ලක් වෙයි.

පැවති ත්‍රිවිධ හමුදා බලලත් නිලධාරීන් සහ ජ්‍යෙෂ්ඨ කොමිෂන් නොලත් නිලධාරීන්ගේ සම්මන්ත්‍රණයේ සමාරම්භක අවස්ථාවට අත්තිඩිය රීගල් ලේක්සයිඩ් හිදි අද පෙරවරුවේ එක් වෙමින් එතුමා එම කරුණු සදහන් කළේය.

දැනුම . අවබෝධය හා අසීමිත අත්දැකීම් සමුදායක් සමග පරිපුර්ණ මිනිසෙකු ලෙස රටට සේවය කළ හැකි ජීවිතයේ හොඳම කාලයේදී ත්‍රිවිධ හමුදා සාමාජිකයන් විශ්‍රාම ගැනීමේ ගැටඵවට විසදුමක් අවශ්‍ය බවද ජනාධිපතිතුමා පැවසීය. ත්‍රිවිධ හමුදාවෙන්ම ඉදිරිපත් වන යෝජනාවලින් ඊට විසදුම් ලබාදීමට සේනාධි නායකයා ලෙස තමා සුදානම් බව එතුමා සදහන් කළේය.

වත්මන් අර්බුදය විසදීමේ එකම මග මහා මැතිවරණයක් බව පොදුජන පෙරමුණ පවසයි

රටේ වත්මන් අර්බුදය විසදීමේ එකම මාර්ගය මහා මැතිවරණයක් පැවැත්වීම බව ශ්‍රී ලංකා පොදුජන පෙරමුණ පවසයි. පාර්ලිමේන්තුවේ කිසිදු පාර්ශ්වයකට බහුතරයක් නොමැත. එහෙත් එක්සත් ජාතික පක්ෂයට වඩා වැඩි මන්ත්‍රී ධුර සංඛ්‍යාවක් එක්සත් ජනතා නිදහස් සන්ධානය සතු වන බව එම පෙරමුණේ සභාපති මහාචාර්ය ජී එල් පීරිස් මහතා පවසයි.

ජනතාවගේ පරමාධිපත්‍ය බලය ලබාදීමෙන් වඩාත් ශක්තිමත් පාර්ලිමේන්තුවක් බිහි කිරීමේ අවස්ථාව උදා වන බව කොළඹ අද පැවති මාධ්‍ය හමුවක දී ඔහු පැවසීය.

ජයග්‍රහණය සදහා ශ්‍රී ලංකා කණ්ඩායමට ලකුණු 327 ක ඉලක්කයක්

සංචාරක එංගලන්ත ක්‍රිකට් කණ්ඩායම සහ ශ්‍රි ලංකා කණ්ඩායම අතර කොළඹ එස්. එස්. සී. පිටියේ පැවැත්වෙන තුන්වැනි ටෙස්ට් ක්‍රිකට් තරගයේ සිව්වැනි දිනය අදයි. ජයග්‍රහණය සඳහා ලකුණු 327 ක ඉලක්කයක් හඹා යන ශ්‍රී ලංකා කණ්ඩායම ඊයේ දිනය නිමාවන විට සිය දෙවැනි ඉනිම සඳහා කඩුථ 4 කට ලකුණු 53 ක් ලබා සිටියේය.

දෙවැනි ඉනිම වෙනුවෙන් එංගලන්තය සියලුදෙනා දැවී ලකුණු 230 ක් ලබා ගත් අතර පළමු ඉණිම සඳහා රැස් කළ ලකුණු සංඛ්‍යාව 336 කි. ශ්‍රී ලංකාවට පළමු ඉණිම වෙනුවෙන් ලබා ගත හැකිවුයේ ලකුණු 240 ක් පමණි. පැවති තරග දෙකම ජයගත් එංගලන්තය මේ වන විට ටෙස්ට් තරගාවලිය ජය ගෙන තිබේ.

කැලිෆෝනියා ලැව්ගින්න සම්පුර්නයෙන් පාලනය කෙරේ

ඇමරිකා එක්සත් ජනපදයේ කැලිෆෝනියා ජනපදයෙහි හටගත් විශාල ලැව්ගින්න සම්පර්ණයෙන් නිවා දැමේ. ඒ සම්බන්ධයෙන් කටයුතු කළ එරට එදිසි සේවා නිලධාරීන් විසින් මේ බව රජයට දැනුම් දී තිබේ.

පසුගිය අට වෙනිදා ආරම්භ වූ මෙම ලැව් ගින්නෙන් නිවාස දා හතරදහසක් විනාශයට පත් විය. මරණයට පත් පුද්ගලයන්ගේ සංඛ්‍යාව 85 කි. තවත් පන්දහයකට අධික පිරිසක් අතුරුදන්ව ඇති බව විදෙස් මාධ්‍ය සඳහන් කරයි.

තුන්වෙනි පාසල් වාරය ලබන සිකුරාදා (30) අවසන්

රජයේ සහ රජයේ අනුමත පෞද්ගලික පාසල් වල තුන් වෙනි වාරය ලබන 30 වෙනි සිකුරාදා අවසන් වේ.

ඒ අනුව , 2019 පළමු පාසල් වාරය ජනවාරි 2 වෙනිදා ඇරඹෙන බව අධ්‍යාපන අමාත්‍යාංශය නිවේදනය කරයි.

වසර අවසන් විමට පෙර සමෘද්ධි සංවර්ධන නිලධාරින්ට ස්ථිර පත්විම්

මේ වසර අවසන් විමට පෙර සමෘද්ධි සංවර්ධන නිලධාරින්ට ස්ථිර පත්විම් ලබා දීමට පියවර ගන්නැයි අමාත්‍ය විමල් වීරවංශ මහතා අදාල නිලධාරීන්ට උපදෙස් දෙයි. මේ අනුව දිර්ඝකාලයක් පුරා විධිමත් පත්විම් නොමැතිව සේවය කළ නිලධාරින් දාහතර දහසකට වැඩි පිරිසකට ස්ථිර පත්විම් ලබාදිමට නියමිතයි.

සමෘද්ධි අමාත්‍යංශ ශ්‍රවණාගාරයේ පසුගියදා පැවති සාකච්ඡාවකදි මෙම තීරණයට එළඹිණි. අමාත්‍යංශයේ පැවති දුර්වලතා හේතුවෙන් හටගෙන ඇති ගැටඵ කෙරෙහි ද මෙහිදී අමාත්‍යවරයාගේ අවධානය යොමු විය. සාධාරණ පරීක්ෂණ වලින් තොරව වැඩතහනමට ලක්ව සිටින සේවකයන්ගේ අදාල පරීක්ෂණ කඩිනම් කිරිමට ද අමාත්‍යවරයා එහිදී උපදෙස් දී ඇත.

දෙමළ ජාතික සංධානයේ පාර්ලිමේන්තු මන්ත්‍රි එම් සුමන්තිරන් මහතා එක්සත් ජාතික පක්ෂය පාලනය කරන බව දැන් මනාව රටට හෙලි ඇතැයි අමාත්‍ය විමල් විරවංශ මහතා කියයි. පාර්ලිමේන්තුවේදි පසුගිය දා ඒ මහතා හැසුරුනු ආකාරයෙන් ඒ බව සක්සුදක්සේ තහවුරු වු බව විරවංශ මහතා පෙන්වා දෙයි. දෙමළ සංධානයේ මන්ත්‍රිවරු කිහිපදෙනෙකු පසුගිය දා පාර්ලිමේන්තුවේ පැවැති ඡන්ද විමසිමේදි ඡන්දය භාවිත නොකල බව පෙන්වා දෙන විරවංශ මහතා ඔවුන්ගේ ඡන්දය ද ප්‍රකාශිත ඡන්ද ලෙස ගණන් ගෙන ඇති බව කියා සිටි

පොලිස්පති පුජිත් ජයසුන්දර මහතා අපරාධ පරික්ෂණ දෙපාර්තමේන්තුවට

ජනාධිපති මෛත්‍රිපාල සිරිසේන මහතා සහ හිටපු ආරක්ෂක ලේකම් ගෝඨාභය රාජපක්ෂ මහතා ඝාතන කුමන්ත්‍රණය සම්බන්ධයෙන් විමර්ශන සිදුකරන අපරාධ පරික්ෂණ දෙපාර්තමේන්තුව පොලිස්පති පුජිත් ජයසුන්දර මහතාගෙන් ප්‍රකාශ සටහන් කර ගනි.

එම දෙපාර්තමේන්තුව කල දැනුම් දිමකට අනුව ඊයේ එහි ගිය ජයසුන්දර මහතාගෙන් පැය 4 කට ආසන්න කාලයක් ප්‍රකාශ සටහන් කරගෙන තිබේ. දුෂණ විරෝධි බලකායේ මෙහෙයුම් අධ්‍යක්ෂ නාමල් කුමාර මහතා විසින් සිදුකරන ලද අනාවරණයකට අනුව මෙම පරික්ෂණ ක්‍රියාත්මකයි. මේ අතර මාධ්‍ය හමුවකට සහභාගි වු නාමල් කුමාර මහතා තවත් හඩපටයක් ඉදිරිපත් කරමින් අදහස් දැක්විය.

එංගලන්ත පළමු ඉනිමේ කඩුලු 2 ක් බිඳ වැටෙයි

සංචාරක එංගලන්ත පිල සහ ශ්‍රීි ලංකා පිල අතර තුන්වන ටෙස්ට් ක්‍රිකට් තරගය කොළඹ එස් එස් සී ක්‍රීඩාංගණයේ දී අද ආරම්භ විය. තරගයේ කාසියේ වාසිය දිනු එංගලන්ත කණ්ඩායම පළමුවෙන් පන්දුවට පහරදීමට තීරණය කළේය. දිවා ආහාරය සදහා තරගය නතර කරන විට එංගලන්ත කණ්ඩායම කඩුලු 2 ක් දැවී ලකුණු 102 ක් ලබා ගෙන සිටියේය

වායුගෝලයේ හරිතාගාර වායු මට්ටම වාර්තාගත අන්දමින් ඉහලට

වායුගෝලයේ හරිතාගාර වායු මට්ටම පසුගිය වසරේ දී වාර්තාගත මට්ටමකින් ඉහළ ගොස් ඇති බව ලෝක කාලගුණ විද්‍යා සංගමය අනතුරු අගවමින් පවසයි. ලොවපුරා පිහිටි පර්යේෂණායතනවලින් සහ කාලගුණ බලධාරීන්ගෙන් ලබා ගත් දත්ත විශ්ලේෂණය කිරීමෙන් මෙම තොරතුරු අනාවරණ කර ගෙන ඇත. එම සංවිධානය පවසන්නේ පසුගිය වසරේ දී කාබන්ඩයොක්සයිඩ් ප්‍රමාණය මිලියනයකට කොටස් 405 යි දශම 5 ක් ලෙස ඉහළ ගොස් ඇති බවයි. මීතේන් ප්‍රමාණය බිලියනයකට කොටස් 2859 ක් බවට පත්ව ඇත. මෙම අගයන් 1984 වසරේ දිී මේ සම්බන්ධයෙන් නිරීක්ෂණ ආරම්භ වුදා සිට වාර්තා වු ඉහළම අගයන් වේ.

විදේශීය බලවේග රටට හානිදායක තීරණ ගන්නා යුගයක ශ්‍රීි ලාංකික සමාජය එක්සත් විය යුතු බව පුජ්‍ය හෑගොඩ විපස්සි ස්වාමින් වහන්සේ පවසති.

රට ආරක්ෂා කිරීම සදහා බුද්ධිමත්ව තීරණ ගත යුතු යුගයක් එළැඹ ඇතැයි පුජ්‍ය හෑගොඩ විපස්සි ස්වාමීන් වහන්සේ පවසති. විදේශීය බලවේග රටට හානිදායක තීන්දු තීරණ ගන්නා යුගයක ශ්‍රීි ලාංකික සමාජය පක්ෂ භේදයෙන් තොරව එක් විය යුතු බව උන්වහන්සේ පැවසුවේ ජාතික ගුවන් විදුලියේ සුභාරතී වැඩසටහනට අද පෙරවරුවේ එක් වෙමිනි.
විදේශීය බලවේග මේ අවස්ථාවේ රටට අහිතකර බලවේග සමග එක්වී ඇතැයි වැඩසටහනට එක්වු ආචාර්ය චමිල ලියනගේ මහතා පැවසීය. එම බලවේග පරාජය කිරීමට ජනතාව කැපවී ක්‍රියා කිරීම අත්‍යවශ්‍ය වෙයි.
කැප්පෙටිපොල සමරු කමිටුවේ අනුරාධ තෙන්නකෝන් මහතා පැවසුවේ ප්‍රජාතන්ත්‍රවාදය පිළිබදව ඉහලින් අදහස් දක්වන බටහිර ඇතැම් කණ්ඩායම් ශ්‍රිී ලංකාව බෙදා වෙන් කිරීමේ කුමන්ත්‍රණයක නිරතව සිටින බවයි.

උසාවි තීරණ සම්බන්ධයෙන් පුර්ව ප්‍රකාශ සිදු නොකරන ලෙස රනිල් වික්‍රමසිංහ මහතා සිය මන්ත්‍රී කණ්ඩායම දැනුවත් කරයි.

ශ්‍රේෂ්ඨාධිකරණය හෝ වෙනත් අධිකරණවල නඩු සම්බන්ධයෙන් අදහස් ප්‍රකාශ කිරිම හෝ ඒ පිළිබඳ පුර්ව නිගමනවලට එළැඹීමට නොහැකි බව එක්සත් ජාතික පක්ෂ නායක රනිල් වික්‍රමසිංහ මහතා පවසයි. අද පාර්ලිමේන්තු සංකීර්ණයේ පැවති එක්සත් ජාතික පෙරමුණේ පාර්ලිමේන්තු මන්ත්‍රී කණ්ඩායමේ රැස්වීමේදි මේ බව පළ කළ ඔහු එවැනි අදහස් ප්‍රකාශ කිරීමට යාම ඵල රහිත බැවින් එවැනි අදහස් ප්‍රකාශ කිරීමෙන් වලකින්නැයි ඉල්ලා සිටියේය. රටේ ඇති ව්‍යවස්ථා අර්බුදය සම්බන්ධයෙන් ශ්‍රේෂ්ඨාධිකරණයට ඉදිරිපත් කර ඇති පෙත්සමේ තීරණය සම්බන්ධයෙන් කිසිවක් ප්‍රකාශ කළ නොහැකි බව කීවේය.

කථානායකවරයා ව්‍යවස්ථාවට හා ස්ථාවර නියෝගවලට පටහැනිව ක්‍රියා කරන බවට ආණ්ඩු පක්ෂයෙන් චෝදනා

පාර්ලිමේන්තුව පෙරවරු 10.30 ට කථානායක කරු ජයසුරිය මහතාගේ ප්‍රධානත්වයෙන් රැස්විය. රැස්වීම ආරම්භයේදි ප්‍රකාශයක් කළ කථානායකතුමා තේරීම් කාරක සභාවට සාමාජිකයන් පත් කිරීම සම්බන්ධයෙන් පක්ෂ නායකයින්ගේ රැස්වීමේදී එකගත්වයකට එළැඹීමට නොහැකි වු බව පැවසීය. ඒ අනුව තමාට ඇති බලය අනුව එම කාරක සභාවට සාමාජිකයන් 12 දෙනෙකු නම් කර ඇති බව කී ඔහු එම නම් නිවේදනය කළේය. එක්ස්ත ජනතා නිදහස් සන්ධානයට සාමාජිකයන් 5 දෙනෙකු ද එක්සත් ජාතික පක්ෂයට සාමාජිකයන් 5 දෙනෙකු ද ද්‍රවිඩ ජාතික සන්ධානයට එක් සාමාජිකයෙකු සහ ජනතා විමුක්ති පෙරමුණට එක් සාමාජිකයෙකු කථානායකවරයා නම් කර තිබෙ.් එහිදී අදහස් දැක්වු සභානායක අමාත්‍ය දිනේෂ් ගුණවර්ධන මහතා පාර්ලිමේන්තු සම්ප්‍රදාය හා ව්‍යවස්ථානුකුලව තේරීම් කාරක සභාවේ බහුතරය රජයට හිමි විය යුතු බව සදහන් කළේය. එම නිසා කථානායකවරයාගේ තීරණය පිළිනොගන්නා බව ඔහු පැවසීය. වත්මන් රජය ජනතා ගැටඵවලට විසදුම් ලබා දෙමින් අඛන්ඩව ඉදිරියට ගමන් කරයි. කථානායකවරයා හා පාර්ලිමේන්තු මහ ලේකම්වරයා ව්‍යවස්ථාව හා ස්ථාවර නියෝග කඩ කරන බවටද දිනේෂ් ගුණවර්ධන ඇමතිවරයා චෝදනා කළේය.
පාර්ලිමේන්තු මන්ත්‍රී ලක්ෂ්මන් කිරිඇල්ල මහතා එහිදී පැවසුවේ මාසයක් ගතවී ඇතත් තමන්ට බහුතරයක් ඇති බව පෙන්වීමට රජය අසමත් වී ඇති බවයි. බහුතරය පෙන්වන්නේ නම් ඔවුන්ට බලය ලබාදීමට සුදානම් බව මන්ත්‍රීවරයා පැවසීය. තම පක්ෂයට ද තේරීම් කාරක සභාවේ සාමාජිකත්වය ලබාදිය යුතු බව ඇමති ඩග්ලස් දේවානන්දා මහතා පැවසීය. ජනාධිපතිතුමාට පැවරී ඇති බලතලවලට කිසිවෙකුටත් අභියෝග කළ නොහැකි බව බන්දුල ගුණවර්ධන ඇමතිවරයා පෙන්වා දුන්නේය. තේරීම් කාරක සභාවට සාමාජිකයන් නම් කිරීම සම්බන්ධයෙන් නම් වශයෙන් ඡන්දය විමසන්නැයි පාර්ලිමේන්තු මන්ත්‍රී අනුර කුමාර දිසානායක මහතා කථානායකවරයාගෙන් ඉල්ලා සිටියේය. ඇමති විමල් වීරවංශ මහතා එහිදී පැවසුවේ කථානායකවරයා ආණ්ඩුක්‍රම ව්‍යවස්ථාවට හා ස්ථාවර නියෝගවලට පටහැනිව ක්‍රියා කරන නිසා ආණ්ඩු පක්ෂය සභා ගැබෙන් ඉවත්ව යන බවයි. .
තේරීම් කාරක සභාවට කථානායකවරයා නම් කළ සාමාජිකයන් සම්බන්ධයෙන් පාර්ලිමේන්තුවේ දී ඡන්ද විමසීමක් පැවැත්විණි. එහිදී කථානායකවරයාගේ තීරණයට පක්ෂව ඡන්ද 121 ක් ලැබිණි. එක්සත් ජාතික පක්ෂය . ද්‍රවිඩ ජාතික සන්ධානය . ජනතා විමුක්ති පෙරමුණ . යන පක්ෂ ඊට පක්ෂව ඡන්දය ප්‍රකාශ කළේය. ඡන්දය විමසන අවස්ථාවේ ආණ්ඩු පක්ෂයේ මැති ඇමතිවරු සභා ගැබ තුල නොසිටියහ.

ඇමති විමල් වීරවංශ මහතා මාධ්‍ය හමුවට එක් වෙමින් ව්‍යවස්ථාව හා අධිකරණය අභියෝගයට ලක් කර ඇතැයි පැවසීය. රන්ජන් රාමනායක මන්ත්‍රීවරයා ශ්‍රේෂ්ඨාධිකරණ තින්දු සම්බන්ධව කර ඇති ප්‍රකාශයට එරෙහිව නෛතික ක්‍රියාමාර්ග ගන්නා බවද ඔහු සදහන් කළේය.
අද දිනයේ පාර්ලිමේන්තුවේ ක්‍රියාදාමය ස්ථාවර නියෝගවලට හා නීති ප්‍රතිපාදනවලට එරෙහි බව පැවසු ඇමතිවරයා ආණ්ඩු පක්ෂය එය ප්‍රතික්ෂේප කරන බව සදහන් කළේය. විධිමත් ආකාරයට විශ්වාස භංග යෝජනාවක් ගෙන එන්නේ නම් ඊට මුහුණදිමට රජය සුදානම් බව ඔහු පැවසීය. .
ඇමති උදය ගම්මන්පිල මහතා පැවසුවේ ස්ථාවර නියෝගවලට අනුව කථානායකවරයාගේ ක්‍රියාදායම අනුමතකළ නොහැකි බවයි.
පාර්ලිමේන්තු මන්ත්‍රි රෝහිත අබේගූණවර්ධන මහතා පැවසුවේ ඒකාබද්ධ විපක්ෂය නියෝජනය කරමින් පාර්ලිමේන්තුවේ මන්ත්‍රිවරුන් 52 දෙනෙකු සිටින අවස්ථාවේදී විපක්ෂ නායක ධුර එම කණ්ඩායමට ලබාදෙන ලෙස කථානායකවරයාගෙන් නිරතුරු ඉල්ලිම් කළත් ඔහු ඊට කිසිදු ප්‍රතිචාරයක් නොදක්වු බවයි. කථානායකවරයා අඩු මන්ත්‍රි සංඛ්‍යාවක් සිටි ද්‍රවිඩ ජාතික සන්ධානයට විපක්ෂ නායක ධුරයද ජනතා විමුක්ති පෙරමුණට අඩු මන්ත්‍රී ිසංඛ්‍යාවක් සිටියදි විපක්ෂයේ ප්‍රධාන සංවිධායක ධුරය ද ලබාදුන් බව ඔහු පැවසිය. එදා එසේ කටයුතු කළ කථානායකවරයාට වර්තමානයේ පාර්ලිමේන්තුවේ බහුතරය සම්බන්ධව කටයුතු කිරීම විමතියට හේතුවක් බව මන්ත්‍රීවරයා පෙන්වා දුන්නේය.

පාර්ලිමේන්තුවේ අද පැවැත්වුනු ඡන්ද විමසුම නිත්‍යානුකුල එකක් නොවන බව පාර්ලිමේන්තු සංකීර්ණයේ පැවති මාධ්‍ය හමුවකදී ඇමති නිමල් සිරිපාල ද සිල්වා මහතා පැවසිය. එය කථානායකවරයාගේ හිතු මනාපයට පැවැත්වුවකි. එම ඡන්ද විමසුම රනිල් වික්‍රසිංහ මහතාගේ බලය පෙන්වීමට පැවැත්වුවක් නොවන බව පැවසු ඇමතිවරයා එහි ප්‍රතිඵල පදනම් කරගෙන නව රජයක් හෝ අගමැතිවරයෙක් පත් කිරිමට හැකියාවක් නැතැයි සදහන් කළේය. ජනාධිපතිතුමා තුන් වරක්ම එම මතය ප්‍රතික්ෂේප කර තිබේ. මේ නිසා මෙම ඡන්ද විමසුම විපක්ෂයේ බලය පෙන්විමට සිදු කල එකක් නොවන බවත් එමගින් පවතින අගමැතිවරයාගේ ස්ථාවරයට හෝ නව රජයට ඇමති මන්ඩලයට බල පෑමක් නොවන බව ඇමතිවරයා අවධානය කලේය.
රජයට එරෙහිව විශ්වාස භංග යෝජනාවක් ඉදිරිපත් කරන්නේ නම් නිත්‍යනුකුල කාරක සභාවක් පත්කරගෙන ඊට අදාල නිත්‍යනුකුල පදනමකින් කථානායකවරයා පාර්ලිමේන්තුව තුල ක්‍රියා කළ යුතුය.
අද සිදු කෙරුණු ඡන්ද විමසුම රජයට එරෙහිව ගෙන ආ විශ්වාස භංග යෝජනාව ලෙසම පිලිනොගන්නා බවද ඇමතිවරයා පැවසීය.

ඇමරිකානු-මෙක්සිකෝ දේශසීමාව සම්පුර්ණයෙන්ම වසා දමන බවට ඇමරිකානු ජනපති පවසයි

සංක්‍රමණිකයන්ගේ පැමිණීම වැලැක්වීමට මධ්‍යම ඇමරිකානු රටවල් ක්‍රියා නොකරන්නේ නම් ඇමරිකානු-මෙක්සිකෝ දේශසීමාව සම්පුර්ණයෙන්ම වසා දමන බවට ඇමරිකානු ජනාධිපති ඩොනල්ඩ් ට්‍රම්ප් මහතා පවසයි. එමෙන්ම මෙක්සිකෝව සමග වෙළද ගණුදෙණු ද අත්හිටුවන බවට ජනාධිපතිවරයා ප්‍රකාශ කරයි. ජනාධිපතිවරයා වැඩිදුරටත් පෙන්වා දෙන්නේ දේශසීමාවේ සිටින ආරක්ෂක හමුදාවට අවශ්‍ය වුවහොත් මාරාන්තික බලඇණි හෝ යොදා ගන්නා ලෙසට උපදෙස් දෙන බවයි. මේ වන විට කිලෝමීටර් හාරදහසක් පමණ දුර ගෙවා සංක්‍රමණිකයෝ දහස් ගණනක් ඇමරිකානු - මෙක්සිකෝ දේශසීමාවට පැමිණ සිටිති.