Sat04202019

Last updateFri, 05 Apr 2019 7pm

නවතම පුවත්

සුඵ හා මධ්‍ය පරිමාණ ව්‍යවසායකයන් හා කෘෂිකාර්මික ප්‍රවර්ධනය සදහා මූල්‍ය පහසුකම්

සුඵ හා මධ්‍ය පරිමාණ ව්‍යවසායකයන් හා කෘෂිකාර්මික ප්‍රවර්ධනය සදහා මූල්‍ය පහසුකම් වැඩිදියුණු කිරීම හා පවත්නා බදු ක්‍රමය සරල කිරීමට රජය තීරණය කරයි.  ඊට අදාලව මුදල් හා ආර්ථික කටයුතු අමාත්‍යවරයා ලෙස අග්‍රාමාත්‍ය මහින්ද රාජපක්ෂ මහතා ඉදිරිපත් කළ යෝජනාවකට අමාත්‍ය මණ්ඩල අනුමැතිය හිමිවී තිබෙ.්  මේ යටතේ තේ . කුඵබඩු . පොල් . රබර් . වී . පලතුරු ආදී ඕනෑම කෘෂිකාර්මික ආදායම් ලබන සුඵ් පරිමාණ ව්‍යවසායකයෝ් වසර 5 ක් දක්වා ආදායම් බදුවලින් නිදහස් කෙරෙති.

නැගී එන කණ්ඩායම සදහා වන ආසියානු කුසලාන ක්‍රිකට් තරගාවලිය ලබන මස 6 වැනිදා ඇරඹේ.

නැගී එන කණ්ඩායම් සදහා වන ආසියානු කුසලාන ක්‍රිකට්  තරගාවලිය 2018 ලබන මස 6 වැනිදා ආරම්භ වෙයි.  ශ්‍රිී ලංකාව සහ පකිස්ථානය තරගාවලියේ සත්කාරකත්වය දරයි.  ඒ කාණ්ඩයේ තරග ශ්‍රිී ලංකාවේදී පැවැත්වෙන අතර බී කාණ්ඩයේ තරග පකිස්ථානයේදී පැවැත්වේ.  කණ්ඩායම් 8 ක් තරගාවලිය සදහා සහභාගි වෙති.  ශ්‍රිී ලංකාව . ඉන්දියාව . ඇෆ්ගනිස්ථානය සහ ඕමානය . ඒ කාණ්ඩය යටත් තරග වදිී.  පකිස්ථානය . බංග්ලාදේශය . එක්සත් අරාබි එමීර් රාජ්‍යය සහ හොංකොං බී කාණ්ඩය යටතේ තරග වදින රටවල් වෙයි.

පකිස්ථානයේ පැවැත්වෙන සාර්ක් සමුඵවකට සහභාගි නොවන බව ඉන්දියාව පවසයි.

පකිස්ථානයේ පැවැත්වෙන සාර්ක් සමුඵව සදහා සහභාගි නොවීමට ඉන්දියාව තීරණය කරයි.  ඉන්දීය විදේශ අමාත්‍ය සුෂ්මා ස්වරාජ් මහත්මිය ප්‍රකාශ කළේ එම සමුඵවට සහභාගි වීම ඵල රහිත ක්‍රියාවක් බවයි.  ඉන්දියාව සහ පකිස්ථානය අතර මතුව තිබෙන මතභේදය ඊට හේතුවයි.   කෙසේ වෙතත් පකිස්ථාන විදේශ කටයුතු අමාත්‍යවරයා සදහන් කළේ හැකි ඉක්මණින් සාර්ක් සමුඵ්ව සාර්ථකව පැවැත්වීමට කටයුතු කරන බවයි

ලබන වසරේ මාස 4 ක් සඳහා අතුරු සම්මත ගිණුමක් පාර්ලිමේන්තුවට

අගමැතිතුමා ප්‍රමුඛ අමාත්‍ය මණ්ඩලය නීත්‍යනුකුල නොවන බවට කෙරෙන ප්‍රකාශ සම්පුර්ණයෙන් ප්‍රතික්ෂේප කරන බව අමාත්‍ය මහින්ද සමරසිංහ මහතා පවසයි.  අගමැතිතුමා සහ අමාත්‍ය මණ්ඩලය නීත්‍යනුකුලව පත් කර තිබේ.  දේශපාලන වාසි ලබා ගැනීමේ අරමුණින් එවැනි ප්‍රකාශ සිදු කරන බව අමාත්‍ය මණ්ඩල තීරණ දැනුම් දීමේ මාධ්‍ය හමුවේ දී සමරසිංහ මහතා පැවසීය.  ජනාධිපතිතමා.  අගමැතිතුමා සහ අමාත්‍ය මණ්ඩලය පත් කිරීම නීත්‍යනුකුල නොවන්නේ නම් ඊට එරෙහිව ශ්‍රේෂ්ඨාධිකරණය හමුවේ අභියෝග නොකරන්නේ මන්දැයි අමාත්‍යවරයා ප්‍රශ්න කළේය.  ලබන වසරේ මාස 4 ක් සදහා වන අතුරු සම්මත ගිණුමක් පාර්ලිමේන්තුවට ඉදිරිපත් කිරීමට කටයුතු කර තිබෙ.්

වී අලෙවි මණ්ඩලයේ පී. එම්. බී. රයිස් හෙට සිට වෙළෙඳපොලට

වී අලෙවි මණ්ඩලය ප්‍රථම වතාවට මෙරට සහල් වෙළෙඳපොලට එක්වෙයි. මණ්ඩලයේ සහල් පී. එම්. බී. රයිස් වෙළෙඳ නාමය යටතේ සකස් කොට නිල වශයෙන් වෙළෙඳපොලට නිකුත් කිරීම හෙට පෙරවරුවේ ඇරඹේ. පලමු ඇසුරුම හෙට ජනාධිපති මෛත්‍රිපාල සිරිසේන මැතිතුමාට භාරදෙනු ලැබේ.

පලමු අදියර යටතේ සහල් කිලෝ 15 දහසක් වෙළෙඳපොලට නිකුත් කෙරේ. දෙසැම්බර් මස අවසන්වීමට පෙර සහල් මෙට්‍රික් ටොන් හාරදහසක් වෙළෙඳපොලට නිකුත් කිරීම අපේක්ෂාවයි. සියයට 100 ක්ම දේශියයි යන තේමාව යටතේ පාරිභෝගිකයාට සහන මිලක් යටතේ හොඳම සහල් මිලදී ගැනීමේ අවස්ථාව මෙමගින් උදාවෙයි.

පාර්ලිමේන්තුවට අතුරු සම්මත ගිණුමක්

ලබන වසරේ මුල් මාස හතරට අවශ්‍ය ප්‍රතිපාදන සලසා ගැනීම පිණිස පාර්ලිමේන්තුවට අතුරු සම්මත ගිණුමක් ඉදිරිපත් කෙරේ. ලබන වසර සදහාවු අයවැයක් සකස්කර ඉදිරිපත් කරනතෙක් එම වසරේ මුල් මාස හතර තුළ රජයේ පොදු සේවාවන් පවත්වාගෙන යාමට රුපියල් බිලියන 760 ක්ද. වියදම් දැරීම සදහා රුපියල් බිලියන 970 ක්ද රජයේ අත්තිකාරම් ගිණුම් කටයුතු සදහා රුපියල් බිලියන පහක්ද ලෙස රුපියල් බිලියන 1735 ක සමස්ත වියදමක් දැරීම පිණිස වන යෝජනාවක් පාර්ලිමේන්තුව වෙත ඉදිරිපත් කිරීමට බලාපොරොත්තු වෙයි. එය මුදල් හා ආර්ථික කටයුතු අමාත්‍යවරයා ලෙස අගමැති මහින්ද රාජපක්ෂ මහතා ඇමති මණ්ඩලයට ඉදිරිපත් කළේය. ඒ සදහා ද අනුමැතිය ලැබි ඇත.

මාතර-බෙලිඅත්ත දුම්රිය ගමන් ලබන වසරේ සිට

මාතර බෙලිඅත්ත දුම්රිය මාර්ග ව්‍යාපෘතියේ ඉදිකිරීම් කටයුතු නිමාවීමට ආසන්නව පවති. ඒ යටතේ ලබන වසරේ සිට කොළඹ සිට බෙලිඅත්ත දක්වා මුඵ වෙරළබඩ දුම්රිය මාර්ගයම ආවරණය කරමින් දුම්රිය මෙහෙයුම් ක්‍රියාත්මක කිරීම අපේක්ෂාවයි. මෙම දුම්රිය මාර්ගයේ එක් පසෙකින් ජනතාව වෙසෙන නිවාස පිහිටා ඇති බැවින් ඒවාට ප්‍රවේශ පහසුකම් ලබාදීමේ අවශයතාව හදුනාගෙන තිබේ.

ඒ අනුව දුම්රිය මාර්ගයට සාමාන්තරව මාර්ග ඉදිකිරීමට බලාපොරොත්තු වෙයි. ඒ යටතේ මාර්ග 54 ක් ඉදිකිරීමට කැබිනට් අනුමැතිය ලැබි ඇත. දුෂ්කර ගම්මානවල ජනතාවට වඩාත් ප්‍රතිලාභ සැලසෙන පරිදි එම ගම්මානවල ප්‍රවාහන ජාලය වැඩිදියුණු කිරීම සදහා පාලම් හාරදහසක් ඉදිකිරීමට රජය සැලසුම් කර ඇත.

මෙම ව්‍යාපෘතිය යටතේ පලාත් නවයම ආවරණය කරමින් විවිධ ප්‍රමාණයේ පාලම් 175 ක් ඉදිකිරීමට පලමුව අපේක්ෂා කරයි. එහි කොන්ත්‍රාත්තුව පවුම් මිලියන 37 කට වැඩි මුදලකට බ්‍රිතාන්‍ය සමාගමකට ලබාදී ඇත.

සමෘද්ධි නිලධාරින් හත්දහසකට ලබන සිකුරාදා ස්ථිර පත්වීම්

ලබන සිකුරාදා සමෘද්ධි නිලදාරින් හත්දහසකට නව පත්වීම් ප්‍රදානය කරන බව අමාත්‍ය වීමල් වීරවංශ මහතා අද නිවාස අමාත්‍යංශයේ පැවති ප්‍රවෘත්ති සාකච්ඡාවේදී කීවේය. ජනාධිපති මෛත්‍රිපාල සිරිසේන මැතිතුමා සහ අගමැති මහින්ද රාජපක්ෂ මැතිතුමාගේ ප්‍රධානත්වයෙන් එය සුගතදාස ගෘහස්ථ ක්‍රිඩාගාරයේදී සිදු කෙරේ.

සමෘද්ධි අධිකාරිය දෙපාර්තමේන්තුවක් බවට පත්වු පසු අන්තර්ගහනය වු සේවකයන් 27 දහසකින් හත්දහසකට මෙම පත්වීම් ප්‍රදානය කෙරේ.

ක්‍රමානුකුලව ඉතිරි අයටද කඩිනමින් ස්ථිර රාජ්‍ය සේවයේ පත්වීම් ලබාදෙන බව ඇමතිවරයා පැවසිය. මෙම පත්වීමත් සමග ඔවුන්ට රාජ්‍යයේ අනෙකුත් සේවකයන්ට හිමි වරප්‍රසාද හිමිවන බව වීරවංශ මහතා පැවසීය. ඒ අතරම මියගිය අයෙගේ ඥාතීන්ට සහ විශ්‍රාම ලැබු අයටත් ඉදිරියේදී මීට අදාල වරප්‍රසාද ලබාදීමට ක්‍රියා කෙරේ. ඒ සදහා ඇමති මණ්ඩල සංදේශයක් ඉදිරිපත් කරන බවද ඔහු කීය.

රනිල් වික්‍රමසිංහ මහතා රට අකර්ම්‍ය කිරීමට කටයුතු කර ඇතැයි එක්සත් ජාතික නිදහස් පෙරමුණේ ප්‍රධාන ලේකම් මෛත්‍රි ගුණරත්න මහතා කියයි

රට අකර්ම්‍ය කිරීමට රනිල් වික්‍රමසිංහ මහතාගේ ක්‍රියාකලාපය හේතුවී ඇතැයි එක්සත් ජාතික නිදහස් පෙරමුණේ ප්‍රධාන ලේකම් නීතිඥ මෛත්‍රි ගුණරත්න මහතා පවසයි. ඔහුගේ තනතුර ආරක්ෂා කර ගැනීමට ලෝකයා හමුවේ බිල්ලෙක් මවාපා ඇතැයි ඒ මහතා පෙන්වා දෙයි. ජාතික ගුවන් විදුලියේ සුභාරති සංවාද මණ්ඩපයට අද පෙරවරුවේ එක්වෙමින් ඔහු මේ බව කීවේය.

වික්‍රමසිංහ මහතාව අගමැති ධුරයෙන් ඉවත් කිරීමට ජනාධිපතිතුමා ගත් ක්‍රියාමාර්ගය නිතයානුකුල බව ගුණරත්න මහතා අවධාරණය කරයි. ජනාධිපතිතුමාගේ විධායක බලය අනුව අගමැතිවරයෙකු හා ඇමති මණ්ඩලය පත්කළ හැකය. කථානායකවරයාගේ අත්තොනෝමතික හා ප්‍රජාතන්ත්‍ර විරෝධි පක්ෂග්‍රාහි ක්‍රියාකලාපය නිසා පාර්ලිමේන්තුව තුළ ගැටඵ මතුවිය.

ආණ්ඩුවක් නිවැරදිව කටයුතු කරන්නේ නම් ඊට සහාය දැක්වීම සියලු පක්ෂ නායකයින්ගේ වගකීම විය යුතුය. මනාප ඡන්ද ක්‍රමය ඉවත් කර කොට්ඨාශ ක්‍රමයට මැතිවරණ පැවැත්විය යුතු යැයි ඔහු පෙන්වා දෙයි. එක්සත් ජාතික පක්ෂයකට ඡන්දයකට යාමට ආත්ම ශක්තියක් නැතැයි ඔහු කියා සිටි.

තරග ජයග්‍රහනය කළහැකි ක්‍රිඩකයන් කණ්ඩායමකට ඇතුලත් කිරීම ක්‍රිකට් තේරිම් කමිටුව හමුවේ ඇති ඉදිරි වගකීමක් බව විචාරකයෝ පෙන්වා දෙති

තරග ජයග්‍රහනය කළ හැකි ක්‍රිඩකයන් කණ්ඩායමකට ඇතුලත් කිරීම ක්‍රිකට් තේරීම් කමිටුව හමුවේ ඇති ඉදිරි වගකීමක් බව ක්‍රිඩා විචාරකයෝ පවසති. ඇතැම් දුර්වල ක්‍රිඩකයන් දිගින් දිගටම කන්ඩායමට එක් කිරිම මගින් නැගී එන තරුණ දක්ෂ ක්‍රිඩකයන්ට අවස්ථාව අහිමි වන බව ඔවුහු පෙන්වා දෙති. තරග මාලා රැසකදීම අසාර්ථකවු කුසල් මෙන්ඩිස් එංගලන්තයත් සමග අවසන් තරගයේ අවසන් ඉනිමේදි ලකුණු 86 ක් රැස්කළ අතර මේ නිසා ඔහුට ඉදිරි නවසීලන්ත තරගාවලියට ද අවස්ථාව ලැබිමේ වැඩි ඉඩක් පවතී. ඔහු ලකුණු අතරට පැමිණෙන තෙක්ම කණ්ඩායමේ ස්ථානයක් හිමිවු අතර ඔහුගේ දුර්වල ස්ථානය සොයා බලා පිළියම් යෙදිමට නොහැකි වීම පුහුණුකරුගේ දුර්වලතාවයක් බව එම විචාරකයෝ සඳහන් කරති.

එළවඑ. පලතුරු හා ධාන්‍ය සම්බන්ධ පසු තාක්ෂණ සම්මන්ත්‍රණය

එළවඑ. පලතුරු හා ධාන්‍ය සම්බන්ධ පසු තාක්ෂණය පිළිබඳ එක්දින සම්මන්ත්‍රණය කොළඹ ඩී. ආර්. විජේවර්ධන මාවතේ පිහිටි ජාතික වාණිජ මණ්ඩල ශ්‍රවණාගාරයේදී අද පැවැත් වේ.

සිංහල සහ ඉංග්‍රීසි මාධ්‍ය දෙකෙන්ම පැවැත්වෙන සම්මන්ත්‍රණයෙන් පශ්චාත් අස්වනු කාලයේදී අනුගමනය කළ හැකි නවතම ක්‍රමවේද හා තාක්ෂණය පිළිබඳව පලපුරුද්ද ලබාගත හැකිය. ශ්‍රී ලංකා ජාතික වාණිජ මණ්ඩලය සහ ශ්‍රී ලංකා පසු අස්වනු තාක්ෂණ ආයතනය එක්ව මෙය සංවිධාන කරයි.

රුසියානු සහ ඇමරිකානු රාජ්‍ය නායක හමුවක් මෙම සති අන්තයේදී

ජී 20 රාජ්‍ය නායක හමුව මේ මස 29 වෙනි දින සිට දෙසැම්බර් පළමුවෙනිදා තෙක් ආර්ජන්ටිනාවේ බුවනෝර්ස්අයර්ස් හිදී පැවැත් වේ. එහිදී රුසියානු ජනාධිපති ව්ලදිමීර් පූතින් හමුවීමට ඇමරිකානු ජනාධිපති ඩොනල්ඩ් ට්‍රම්ප් සැරසෙන බව ධවල මන්දිර ප්‍රකාශිකා සාරා සැන්ඩර්ස් පවසයි.

රුසියානු ජනාධිපතිවරයාට අමතරව ආර්ජන්ටිනාව. ජපානය. ජර්මනිය සහ චීනය ආදී රටවල නායකයන් හමුවී සාකච්ඡා කිරීමටද ඇමරිකානු නායකයා අපේක්ෂා කරන බව ඇය සඳහන් කරයි. මෙහිදී දෙරටට අදාල සියලු ගැටඑ කෙරෙහි අවධානය යොමු කෙරෙනු ඇත.

පසුගිය රජය ප්‍රජාත්නත්‍ර විරෝධි අයුරින් ජනතා විරෝධි පනත් ගෙනඒමට ක්‍රියා කළ බව ඇමති විමල් වීරවංශ මහතා කියා සිටි.

විදෙස් බලවේගවල උවමනාවට කථානායකවරයා රට අස්ථාවර කිරීමට ක්‍රියාකොට ඇතැයි ඇමති විමල් වීරවංශ මහතා කිවේය. රනිල් වික්‍රමසිංහ මහතාව පාක්ෂිකයන් පවා ප්‍රතික්ෂේප කර තිබේ. පසුගිය රජය ප්‍රජාතන්ත්‍ර විරෝධිව කටයුතු කලේය. ජනතා විරෝධී පනත් ගෙනඒමට ඔවුන් ක්‍රියාකළ බව ද වීරවංශ මහතා කිවේය. දැන් දේශීය ආර්ථිකය නැංවීමට පියවර ගෙන තිබේ. සමෘද්ධි නිලධාරිහු ස්ථිර කෙරෙති. රටට අවශ්‍යව ඇත්තේ මහා මැතිවරනයකි. විකෘති පාර්ලිමේන්තුව ප්‍රකෘති කළ හැක්කේ ජනතාවට බව ඔහු පෙන්වා දුන්නේය.

ජනපතිගේ ප්‍රකාශ සම්බන්ධයෙන් එක්සත් ජාතික පක්‍ෂ මන්ත්‍රිවරු සාවද්‍ය ප්‍රචාර ගෙනයන බවට අමාත්‍ය මහින්ද සමරසිංහ මහතාට චෝදනා

ජනාධිපති මෛත්‍රිපාල සිරිසේන මහතා විදේශ මාධ්‍යවේදීන් හමුවේ කළ ප්‍රකාශයේ ඇතැම් කොටස් උපුටා දක්වමින් එක්සත් ජාතික පක්ෂයේ කබීර් හෂීම් සහ සාගල රත්නායක යන මහත්වරුන් සාවද්‍ය ප්‍රචාර සිදුකර ඇති බව අමාත්‍ය මහින්ද සමරසිංහ මහතා පවසයි. රනිල් වික්‍රමසිංහ මහතා සමග කටයුතු කරන අවස්ථාවේදී මුහුණපෑමට සිදුවු අභියෝග සහ ප්‍රශ්න පිළිබඳ පසුබිම ජනාධිපතිතුමා සිය ප්‍රකාශයෙන් පැහැදිලි කර ඇත.

සිදුවී ඇති දූෂණ ක්‍රියාවලට ජනාධිපතිතුමා එකග නැති බැවින් ඒ සඳහා විමර්ශනයට ජනාධිපති කොමිසමක් පත්කරන බවට අවධාරණය කර තිබේ. එම කොමිසම විසින් විමර්ශනය කිරිමට නියමිත ප්‍රධාන කරුණු කිහිපයක් ගැන ද ජනාධිපතිතුමා සඳහන් කළ බව මහින්ද සමරසිංහ මහතා සඳහන් කලේ ශ්‍රි ලංකා නිදහස් පක්ෂ මුලස්ථානයේ ඊයේ පැවති මාධ්‍ය හමුවකදීය.

මෙහිදී වැඩිදුරටත් අදහස් දැක්වු සමරසිංහ මහතා අපරාධ පරික්ෂණ දෙපාර්තමේන්තුවේ පොලිස් පරික්ෂක නිශාන්ත සිල්වා මහතා මාරු කිරිම ජනාධිපතිතුමාගේ බලපෑම මත සිදුවුයේය යන ප්‍රචාරය ද බැහැර කළේය.

ඉදිරි මැතිවරණවලදී දූෂිතයන්ට පොදු ජන පෙරමුණේ අපේක්ෂකත්වය නොලැබෙන ලකුණූ

මුදලට තනතුරු පාවාදෙන සහ දූෂිත මුදල් ගණුදෙනු මත කටයුතු කරන කිසිදු පුද්ගලයෙකුට ශ්‍රී ලංකා පොදුජන පෙරමුණ ඉදිරි කිසිඳු මැතිවරණයකදී නාමයෝජනා ලබා නොදෙන බව එහි පාලන ලේකම් රේනුක පෙරේරා මහතා පවසයි. ම

හසෝන් බලකායේ අමිත් විරසිංහ සහ දූෂණ විරෝධි බලකායේ නාමල් කුමාරගේ යන අයට ඉදිරි මැතිවරණවලදී ශ්‍රි ලංකා පොදුජන පෙරමුණෙන් නාම යෝජනා ලබාදෙන්නේදැයි ඊයේ පැවති මාධ්‍ය හමුවකදී මාධ්‍යවේදියෙකු නැගූ ප්‍රශ්නයකට පිළිතුරු දෙමින් රේනුක පෙරේරා මහතා මේ බව සඳහන් කලේය.

මුදල් මත විකිණෙන සහ ප්‍රතිපත්ති පාවාදෙන්නන්ට නාමයෝජනා ලබාදිම පොදු ජන පෙරමුණේ ප්‍රතිපත්තිය නොවේ. විනයගරුක සදාචාර සම්පන්න රටක් ගොඩනැගීම උදෙසා උගතුන් බුද්ධිමතුන් සියලු මහජන නියෝජිත ආයතනවලට තෝරාපත්කර ගැනිම සඳහා සුදුසු පුද්ගලයන් මැතිවරණවලට ඉදිරිපත් කිරිම ශ්‍රි ලංකා පොදුජන පෙරමුණේ ප්‍රතිපත්තිය බව ද රේනුක පෙරේරා මහතා සඳහන් කලේය.

බැඳුම්කර වංචාවට සම්බන්ධ තවත් නම් ලයිස්තුවක් ලබන සතියේ එළියට

මේ අතර කොළඹ ඊයේ පැවති මාධ්‍ය හමුවකදී අදහස් දැක්වූ එක්සත් ජනතා නිදහස් සංධාන පාර්ලිමේන්තු මන්ත්‍රී ලක්ෂ්මන් යාපා අබේවර්ධන මහතා කියා සිටියේ බැඳුම්කර වංචාවට සම්බන්ධ තවත් නම් ලයිස්තුවක් ඉදිරි සතිය තුළදී ප්‍රසිද්ධියට පත් කරන බවයි. එහිදී ඊට වගකිව යුතු තවත් බොහෝ දෙනෙකු පිළිබඳව හෙලිදරව් වනු ඇතැයි ද අබේවර්ධන මහතා සඳහන් කළේය.

මහ බැංකු බිඳුම්කර වංචාව පිළිබඳ ජනාධිපති කොමිසන් සභා වාර්තාවේ සිංහල සහ දෙමළ පිටපත් සති දෙකක් තුල නිකුත් කිරීමට පියවර ගන්නැයි ජනාධිපති මෛත්‍රිපාල සිරිසේන මහතා අදාල අංශවලට උපදෙස් දෙයි. පාර්ලිමේන්තු සංකීර්ණයේ ඊයේ පැවති මාධ්‍ය හමුවකදී පාර්ලිමේන්තු මන්ත්‍රි ඩලස් අලහප්පෙරුම මහතා මේ බව සඳහන් කළේය.

විදේශීය මුදල් පිට කිරීමට මුදල් අමාත්‍යවරයා රේගුවට බලපෑම් කළේය යන පුවත මුදල් අමාත්‍යංශය ප්‍රතික්ෂේප කරයි

අමෙරිකානු ඩොලර් පනස් තුන්දහස් 455 ක මුදලක් මෙරටින් පිට කිරීම සඳහා මුදල් අමාත්‍යවරයා රේගුවට බලපෑම් කරන ලද බවට ප්‍රචාරයවන පුවත මුදල් හා ආර්ථික කටයුතු අමාත්‍යාංශය ප්‍රතික්ෂේප කරයි. මෙරටින් බැහැර යන ඉරාන ජාතිකයෙකු සතුව තිබූ අමෙරිකානු ඩොලර් 53455 ක මුදලක් කටුනායක ගුවන් තොටුපලේදි රේගු නිලධාරින්ගේ අත්අඩංගුවට පත්විය.

ඉරානයේ මුල්‍යාධාර යටතේ ක්‍රියාත්මක උමා ඔය ව්‍යාපෘතියේ සේවය කරන ඉරාන ජාතිකයන් සිය මාසික වැටුප ඉරානයට ගෙනයන අවස්ථාවේදී මෙම වැටලිම සිදුකර තිබේ. දෙරට අතර බැංකු හරහා මුල්‍ය ගණුදෙනු සිදුනොකෙරෙන බැවින් සානුකම්පිතව සලකා බලා මෙම මුදල් නිදහස් කරන්නැයි මෙරට ඉරාන තානාපතිවරයා පසුගිය ඔක්තෝබර් 03 වැනි දින මුදල් අමාත්‍යවරයාගෙන් ඉල්ලීමක් කර තිබේ.

ඒ අනුව විෂය භාර අමාත්‍යවරයා වෙත පැවරී ඇති බලතල අනුව එම ඉල්ලීම පිළිබඳව සානුකම්පිතව සලකා බලා මුදල ආපසු භාරදෙන ලෙස මුදල් අමාත්‍ය මහින්ද රාජපක්ෂ මහතා ශ්‍රි ලංකා රේගුවට නියෝග කර ඇත. මෙරට සේවය කරන ඉරාන ජාතිකයන් මේ අයුරින් මුදල් රැගෙන ගිය ප්‍රථම අවස්ථාව මෙය නොවන බව ද මුදල් අමාත්‍යාංශය පෙන්වා දෙයි පසුගිය ජුනි මාසයේදි ද සානුකම්පිත පදනම මත ඉරාන ජාතිකයෙකු රැගෙන ගිය විදේශ මුදල් නිදහස් කෙරුණු බව අමාත්‍යාංශය වැඩිදුරටත් සඳහන් කරයි.

40 වැනි ජාතික යෞවන සම්මාන උළෙල අද ජනපති ප්‍රධානත්වයෙන්

40 වැනි ජාතික යෞවන සම්මාන උළෙල ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් කොළඹ නෙඵම්පොකුණ මහින්ද රාජපක්ෂ රගහලේදි අද පස්වරු 05.00 ට ආරම්භ වෙයි. ශ්‍රි ලාංකික තරුණ තරුණියන්ගේ සෞන්දර්යාත්මක කුසලතා ජාතික මට්ටමට හදුන්වාදෙමින් ඔවුන් ඇගයිමට ලක් කිරීම මෙහි අරමුණයි.

මෙම ජාතික සම්මාන උළෙලේදි සෞන්දර්යාත්මක ඉසව් 110 ක් ආවරණය කරමින් තරුණ නිර්මාණකරුවෝ 180 දෙනෙක් ඇගයිමට ලක් කෙරෙති. බුද්ධ ශාසන හා ආගමික කටයුතු අමාත්‍යංශය ජාතික තරුණ සේවා සභාව හා එක්ව මෙය සංවිධාන කරයි.

ධීවරයන් ආදායම් බද්දෙන් නිදහස් කිරීමට අගමැති උපදෙසින් පියවර

ධීවර ක්‍ෂේත්‍රයේ ගැටඵවලට කඩිනම් ලබාදීමට අවශ්‍ය පියවර ගන්නැයි අග්‍රාමාත්‍ය මහින්ද රාජපක්‍ෂ මහතා අදාළ අංශවලට උපදෙස් දෙයි. උතුරු සහ නැගෙනහිර ධීවර සංවිධාන. ඇතුඵ සියඵ ධීවර සංවිධානවල නියෝජිතයන් සහ අගමැතිවරයා අතර සාකච්ඡාවක් ඊයේ පස්වරුවේ පැවැත්වින.

නිෂ්පාදන වියදම අධික වීම. නිෂ්පාදන සඳහා මිලක් ලබාගැනිම. ධීවර ආම්පන්න. ෆයිබර් ග්ලාස් බෝට්ටු ආදියෙහි මිල. වරාය සහ කලපු සංවර්ධනය ආදි ක්ෂේත්‍ර රැසක ගැටඑ කෙරෙහි මෙහිදි අවධානය යොමු කෙරිණ. දැනට ධීවර සංස්ථාව ඇතුඵ ශිතාගාර නවීකරණය කිරිමටද ධීවරයන් ආදායම් බද්දෙන් නිදහස් කිරීමට සහ අයිස් මිල පාලනයක් ඇතිකිරීමටද අවශ්‍ය පියවර ගන්නැයි රාජපක්‍ෂ මහතා මෙහිදී අදාළ අංශවලට උපදෙස් දුන්නේය.

අපරාධ පාතාලය සහ මත්ද්‍රව්‍ය මර්දනය සඳහා කඩිනම් වැඩපිළිවෙලකට ජනපතිගෙන් උපදෙස්

ප්‍රබල සමාජ අභියෝග වන අපරාධ පාතාලය සහ මත්ද්‍රව්‍ය පාලනය සහ මර්දනය සදහා දැඩි නිතීරීති සමග කඩිනම් වැඩපිළිවෙලක් සදහා ජනාධිපති මෛත්‍රිපාල සිරිසේන මහතා අදාළ අංශවලට උපදෙස් දෙයි. ඒ සදහා අවශ්‍ය නීතිමය සංශෝධන කඩිනම් කරමින් අදාළ නිලධාරීන්ට කඩිනමින් බලතල පවරාදීමේ අවශ්‍යතාවද ජනාධිපතිතුමා අවධාරණය කරයි.

මත්ද්‍රව්‍ය පාලනය. අපරාධ සහ රථවාහන අනතුරු අවම කිරීම පිළීබඳ පණත් කෙටුම්පත සංශෝධනයට අදාළ ඊයේ ජනාධිපති කාර්යාලයේ පැවැති විශේෂ සාකච්ඡාවකදී ජනාධිපතතුමා මේ බව පැවසීය. මත්ද්‍රව්‍ය වැටලීම්වලට අදාළව ත්‍රිවිධ හමුදාවේ සහාය ඇතිව පොලිසිය ක්‍රියාත්මක කර ඇති විශේෂ වැඩපිළිවෙලට අවශ්‍ය නීති සම්පාදන කටයුතුවල ප්‍රගතියද ජනාධිපතිතුමාගේ අවධානයට ලක්විය.

මාර්ග අනතුරු අවම කරගැනීම පිළිබඳවද මෙහිදී විශේෂයෙන් සාකච්ඡා කෙරුණු අතර ඉලෙක්ට්‍රොනික ගෙවීම් ක්‍රම මගින් දඩමුදල් ගෙවීමේ ක්‍රමය හදුන්වාදීමට ඇති හැකියාව පිළීබඳව සොයා බැලීමටද ජනාධිපතිතුමාගෙන් මෙහිදී උපදෙස් ලැබිනි.

මෙරට විශාලතම දියර ගෑස් පර්යන්තය හම්බන්තොට වරාය ආශ්‍රිතව

මෙරට විශාලතම දියර ගෑස් පර්යන්තය හම්බන්තොට වරාය ආශ්‍රිතව ඉදිකෙරේ.  ලාෆ් සමාගම වෙනුවෙන් චීන සමාගමක් එහි ඉදිකිරීම් සිදුකරයි.  මෙය ශ්‍රි ලංකා ආර්ථිකයට දැවැන්ත ආයෝජනයක් බව ලාෆ් ආයතනයේ සභාපති ආචාර්ය ඩබ්ලිව් කේ එච් වෑගපිටිය මහතා පවසයි.  ඉන්දිය සාගර කලාපයේ විශාලතම ගෑස් පර්යන්තය ද මෙය වනු ඇත.  එහි ගෑස් ඝන මිටර් හැටදහසක් ගබඩා කළ හැකිය.