Tue11202018

Last updateTue, 20 Nov 2018 3pm

නවතම පුවත්

කුරුදු වගාව ප්‍රවර්ධනයට පියවර

ගාල්ල දිස්ත්‍රික්කයේ කුරුදු වගාව ප්‍රවර්ධනයට පියවර ගැනේ. ප්‍රාථමික කර්මාන්ත අමාත්‍යංශය ප්‍රතිපාදන සපයයි. අක්කර 1200 ක අලුතින් වගාව සිදු කර ඇත. ගුණාත්මක කුරුදු වගාව ප්‍රවර්ධනය අපේක්ෂාවයි. වගාව නඩත්තුවට මුලික ප්‍රාග්ධනය රජය සපයයි

ජපානයේ සියදිවි නසා ගැනීමේ අනුපාතය ඉහලට

ජපානයේ සියදිවි නසාගැනිමේ අනුපාතය තිස් වසරකට පසු ඉහළම අගය වාර්තා කරයි. ඒ අතරින් ජපානයේ තරුණ තරුණියන් සියදිවි නසා ගැනිමට යොමුවන අනුපාතය ඉතාම ඉහළ අගයක පවති.

ජපාන අධ්‍යාපන අමාත්‍යංශය නිකුත් කළ සමීක්ෂණ වාර්තාවක මේ පිළිබඳව කරුණු ඇතුළත් වෙ. 2016 වසරේදී සියදිවි නසාගෙන ඇති පාසල් සිසුන් සංඛ්‍යාව 250කි. අධ්‍යාපනයේදි මුහුණ දිමට සිදුවන ආතතිය මීට ප්‍රධාන හේතුවක් බව දත්ත වාර්තා සනාථ කරයි. 2017 වසරේ ජපානයේ වාර්තාවන සමස්ත සියදිවි නසාගැනිමේ වාර්තාව විසිඑක්දහසකි

දීපාවලී දිනයේදී සියඵ දෙනා එක්විය යුතුයි - ජනාධිපති හා අගමැති

අධ්‍යාත්මික ශික්ෂණය . ප්‍රඥාව වැනි ගුණාංග මිනිස් සිත් තුළ ඇතිවිමට අවිද්‍යාවේ අන්ධකාරය තුරන් විය යුතු බව ජනාධිපති මෛත්‍රිපාල සිරිසේන මැතිතුමා දීපාවලි උළෙල වෙනුවෙන් සුබපැතුම් එක්කරමින් පවසයි. එම අරමුණ වෙනුවෙන් ලෝකවාසි හින්දු බැතිමත්හු පහන් දල්වති. ජනවර්ග අතර පවතින විරසකය දුරලා සහජීවනය ඇති කිරිමට දීපාවලි උත්සවය මනා පිටුවහලක් වනු ඇතැයි ද ජනාධිපතිතුමා අවධාරණය කරයි.

අදුර පරාජය කරමින් නොදැනුවත්කම සහ අසත්‍ය පරාජය කිරිමට දීපාවලි සැමරුම් දිනයේදි හැකි වේවායි යැයි අගමැති මහින්ද රාජපක්ෂ මහතා පවසයි. දීපවාලි උත්සවයෙන් හින්දු භක්තිකයන්ගේ අධ්‍යාත්මක ගුණවගාව පෙන්නුම් කරයි. සියලු හින්දු භක්තිකයන්ට අගමැතිතුමා සිය සුභාශිංසන ද එක්කරයි.

ජනාධිපතිතුමා කල විධානය ඇතුලත් අතිවිශේෂ ගැසට් පත්‍රය අධිකරණය හමුවේ අභියෝගයට ලක්කල නොහැකි බව නීතිපතිවරයා දැනුම් දෙයි

පාර්ලිමේන්තු සැසිවාරය කල්තබමින් ජනාධිපති මෛත්‍රිපාල සිරිසේන මැතිතුමා කල විධානය ඇතුලත් අති විශේෂ ගැසට් පත්‍රය අධිකරණය හමුවේ අභියෝගයට ලක්කල නොහැකි බව නීතිපතිවරයා ශ්‍රේෂ්ඨාධිකරණයට දැනුම් දුන්නේය.

එම ගැසට් පත්‍රය අහෝසි කිරිමට නියෝගයක් නිකුත් කරන්නැයි ඉල්ලා නීතීඥ නාගානන්ද කොඩිතුවක්කු මහතා ශ්‍රේෂ්ඨාධිකරණය හමුවේ ගොනුකර තිබූ මුළික අයිතිවාසිකම් පෙත්සම සලකා බැලූ අවස්ථාවේදී එම දැනුම්දීම සිදුකෙරුණි.

පෙත්සම විභාගයට නොගෙනම ඉවත දමන්නැයි නීතිපතිවරයා වෙනුවෙන් අධිකරණය හමුවේ පෙනි සිටි අතිරේක සොලිසිටර් ජනරාල් ඉන්දිකා දේවමුණි ද සිල්වා මහත්මිය අධිකරණයෙන් ඉල්ලා සිටියාය.

මේ අතර පාර්ලිමේන්තුව වාර අවසාන කර ඇති විට නැවත පාර්ලිමේන්තුව කැඳවිය හැකි එකම පුද්ගලයා ජනාධිපතිවරයා බව ආචාර්ය ජයතිස්ස ද කොස්තා මහතා පවසයි.

මහින්ද රාජපක්ෂ මහතා අගමැති ධුරයට

මහින්ද රාජපක්ෂ මහතා අගමැති ධුරයට පත් කිරිමේ අති විශේෂ ගැසට් නිවේදනය නිකුත් කෙරේ . රනිල් වික්‍රමසිංහ මහතා අගමැති ධුරයෙන් ඉවත් කිරිමට ජනාධිපති මෛත්‍රිපාල සිරිසේන මැතිතුමා ක්‍රියා කළ බවට දන්වමින් ජනාධිපති ලේකම්වරයා මෙම ගැසට් නිවේදන නිකුත් කර තිබෙ.

Read more...

ගාසා තීරයට යලිත් ඊශ්‍රායල් ප්‍රහාර

ගාසා තීරයට එල්ල කළ ඊශ්‍රායල් ප්‍රහාර තුනකින් පලස්තීන වැසියෝ දහස් ගණනක් තුවාල ලබති.  සංඛ්‍යා ලේඛනවලට අනුව 16 දහසකට අධික පිරිසක් ගාසා තීරයේ රැදි සිට තිබේ.  මියගිය 04 දෙනෙකුගේ සිරුරු හමුවී ඇතැයි පලස්තීනය කියයි.  බෝම්බ සහ රොකට් ප්‍රහාර රැසක් ඊශ්‍රායල හමුදාවෙන් එල්ලවී ඇත.

ශ්‍රී ලංකා-එංගලන්ත විස්සයි විස්සේ ක්‍රිකට් තරගය අද

ශ්‍රි ලංකාවත් එංගලන්තයත් අතර එකම ඔව්ර් විස්සයි විස්සේ  ක්‍රිකට් තරගය ආර්. ප්‍රේමදාස  ක්‍රිඩාංගනයේදි  අද පැවැත්වේ.  එය දිවා රාත්‍රි තරගයකි. රාත්‍රි  7.00 ට එය ඇරඹේ.   ශ්‍රි ලංකා පිලේ  නායකයා ලෙස තිසර පෙරේරා කටයුතු කරයි. මෙම තරගයෙන් පසු  දෙරට අතර  ටෙස්ට් තරගාවලිය ආරම්භ විමට නියමිතයි.

දේශපාලන පක්ෂ රැසක සහාය නව රජයට

Read more...

විශේෂ ත්‍රිපුද්ගල මහාධිකරණයේ නඩු විභාග කඩිනමින් ආරම්භ කිරිමට සුදානම්

විශේෂ ත්‍රිපුද්ගල මහාධිකරණයේ නඩු විභාග කිරිමේ කටයුතු ලබන මස මුල් සතියේ සිදුකිරිමට සියලු කටයුතු සුදානම් කර ඇති බව අධිකරණ අමාත්‍යංශ ආරංචි මාර්ග කියයි. විශේෂ අධිකරණය පමා වන බව ප්‍රකාශ කලත් මේ වන විටත් නව මහාධිකරණයේ අංක 1 අධිකරණය පිහිටුවා අවසන්ව ඇතැයි වාර්තාවේ. ඒ සදහා විනිසුරුවරුන්ද නම් කර ඇත. අල්ලස් . සාපරාධි අයුරින් විශ්වාසය කඩකිරිම්. මුල්‍ය අපහරණය. මුල්‍ය විශුද්ධිකරණය. ත්‍රස්තවාදි කටයුතු සදහා මුදල් යෙදිවිම. සංවිධාත්මක අපරාධ හා මහජන දේපල අවභාවිතයට අදාල පැමිණිලි මේ හරහා විභාග කෙරේ.

ශ්‍රිී ලංකාවත් සමග ප්‍රථම එක්දින ක්‍රිකට් තරගයෙන් දකුණු අප්‍රිකාවට කඩුලු 5 ක ජයක්

ශ්‍රිී ලංකාවත් දකුණු අප්‍රිකාවත් අතර පැවති ප්‍රථම එක්දින ක්‍රිකට් තරගයෙන් දකුණු අප්‍රිකාවට කඩුලු 5 ක ජයක් හිමි විය. තරගයේ ජයග්‍රහණය සදහා දකුණු අප්‍රිකානු පිලට ලකුණු 194 ක ඉලක්කයක් එල්ල විය. එම පිල ඕවර් 31 කදී කඩුලු 5 කට ලකුනු 196 ක් රැස් කරමින් තරගය ජය ගත්තේය. ජේ පී ඩුමිනි නොදැවී ලකුණු 53 ක් රැස් කළේය. අකිල ධනංජය කඩුලු 3 ක් බිඳ හෙලීය. ශ්‍රීී ලංකාව ඕවර් 34 යි පන්දු 3 කදි සියලු දෙනා දැවී රැස් කලේ ලකුණු 193 ක් පමණි. කුසල් ජනිත් පෙරේරා ලකුණු 81 ක් රැස් කළේය. මෙම තරගයේදී ශ්‍රී ලංකා පිලේ නායකයා වුයේ ඇන්ජෙලෝ මැතිව්ස්ය. මැතිව්ස් නායකත්වය ලබා දුන් සියවැනි එක්දින තරගය මෙය විය. මීට වසර 14 කට පෙර දකුණු අප්‍රිකානු පිල දඹුල්ලේ දී පළමු එක්දින තරගයට ක්‍රීඩා කළ අතර එම තරගයේදී එක්දින වරම් හිමි කර ගත් ජේ පී ඩුමිනි අද තරගය ජයග්‍රහණය කිරිමට ඔවුනට දායකත්වය ලබා දුන්නේය

අනූ හය වන ජාතික මලල ක්‍රීඩා ශූරතාවලිය ලබන මස 3 වන දා ඇරඹේ

96 වන ජාතික මලල ක්‍රිඩා ශූරතාවලිය ලබන මස 3. 4. සහ 5 දිනවලදී කොළඹ සුගතදාස ක්‍රිඩාංගනයේදී පැවැත්වේ. මෙවර ක්‍රිඩක ක්‍රිඩිකාවෝ 750 දෙනෙක් ඊට සහභාගී වෙති. ඉදිරියේදී පැවැත්වෙන ආසියානු ක්‍රිඩා උළෙලට ක්‍රිඩක ක්‍රිඩිකාවන් තෝරාගැනීමද මෙහිදී සිදු කෙරෙන බව ශ්‍රී ලංකා මලල ක්‍රිඩා සංගමයේ සභාපති මේජර් ජනරාල් පාලිත ප්‍රනාන්දු මහතා කොළඹ පැවැති ප්‍රවෘත්ති සාකච්ඡාවකදී ඊයේ සදහන් කළේය. මෙම ශූරතාවලියට ටෙලිකොම් ආයතනය අනුග්‍රහය දක්වයි. අදාළ චෙක්පත් භාරදීමද ඊයේ සිදුකෙරිණ

කාර්මික ලෝහවල මිල ගණන් සැලකිය යුතු පමණින් පහතට

චීන භාණ්ඩ සඳහා ඇමරිකා එක්සත් ජනපදය බදු පැනවීමෙන් පසු ප්‍රධාන කාර්මික ලෝහවල මිල ගණන් සැලකිය යුතු පමණින් පහත වැටී ඇතැයි ආර්ථික විශ්ලේෂකයෝ පවසති. ලොව තඹ ඉල්ලුමෙන් සියයට 40 ක දායකත්වයක් සපයන්නේ චීනයයි. එබැවින් තඹ මිල සඳහා එම සාධකය අයහපත් ලෙස බලපාන බව ඔවුහු පෙන්වා දෙති. නිව්යෝර්ක් වෙළඳපලෙහි තඹ මිල පසුගිය දිනවලදී සියයට 15 කින් අඩු වී තිබිණි. මේ අතර අප්‍රේල් මාසයේදී වේගයෙන් ඉහළ ගිය ඇලුමිනියම් මිලද මේ වන විට සියයට 11 කින් අඩු වී තිබේ.

ග්‍රාමශක්ති ජනතා ව්‍යාපාරයේ මධ්‍යම පළාත් මෙහෙයුම් කමිටුව ජනපති ප්‍රධානත්වයෙන් අද මහනුවරදී රැස්වෙයි

ග්‍රාමශක්ති ජනතා ව්‍යාපාරයේ මධ්‍යම පළාත් මෙහෙයුම් කමිටුව අද පස්වරුවේ ජනාධිපති මෛත්‍රිපාල සිරිසේන මැතිතුමාගේ ප්‍රධානත්වයෙන් මහනුවර ජනාධිපති මන්දිරයේදී රැස්වෙයි.  පළාතේ දේශපාලන අධිකාරිය සහ රාජ්‍ය නිලධාරීහු මීට සහභාගී වෙති.  ග්‍රාමශක්ති ජනතා ව්‍යාපාරය පළාත තුල ක්‍රියාත්මක වන ආකාරය. එහි ප්‍රගතිය සහ ඉදිරි සැලසුම් පිළිබඳව මෙහිදී අවධානය යොමුවනු ඇත. පළාතේ දිළිඳු ජනතාව ඉලක්ක කරගනිමින් ඔවුන්ගේ ජීවනෝපායමාර්ග සංවර්ධනය සඳහා ග්‍රාමශක්ති ව්‍යාපාරය හරහා ව්‍යාපෘති රැසක් ක්‍රියාවට නංවා තිබේ. 

Read more...

දකුණු ආසියානු කථානායකවරුන්ගේ සමුඵව අද සහ හෙට කොළඹදී

දකුණු ආසියානු කථානාකවරුන්ගේ සමුඵව අද සහ හෙට කොළඹදී පැවැත්වේ.  තිරසර සංවර්ධනය පිළිබඳ අරමුණු සාක්ෂාත් කර ගැනීම සදහා සංවිධානය කර ඇති මෙම සමුඵවේ සමාරම්භක අවස්ථාව  පාර්ලිමේන්තු පරිශ්‍රයේදී අද පෙරවරු 9.30 ට ආරම්භ වේ.  අග්‍රාමාත්‍ය රනිල් වික්‍රමසිංහ මහතා එහි ප්‍රධාන දේශනය පවත්වයි.  කථානායක කරු ජයසුරිය මහතා  විසින් පිළිගැනීමේ කථාව ඉදිරිපත් කිරීමට නියමිතයි.  සම්මන්ත්‍රණ සැසිය කොළඹ හිල්ටන් හෝටලයේදී පැවැත්වේ.  බංග්ලාදේශයේදී සහ ඉන්දියාවේදිී පැවති පලමු සහ දෙවන සමුඵවලදී පැමිණි නිගමන කෙරෙහි මෙම සමුඵ වාරයේදී අවධානය යොමු කෙරේ.  ඇෆ්ගනිස්ථානය. බංග්ලාදේශය. භුතානය. ඉන්දියාව. මාලදිවයින. මියන්මාරය. නේපාලය. පාකිස්ථානය සහ        ශ්‍රී ලංකාව යන රටවල කථානායකවරු මෙම සමුඵවට සහභාගි වෙති .  අන්තර් පාර්ලිමේන්තු සංගමයේ සහාය ඇතිව ශ්‍රී ලංකා පාර්ලිමේන්තුව සමුඵව සංවිධාන කරයි.

පෝය දිනවල හා ඉරිදා පෙරවරුවේ උපකාරක පංති පැවැත්විම තහනම් කිරිම කෙරෙහි රජයේ අවධානය

මත්කුඩු හා මත්ද්‍රව්‍ය සම්බන්ධ වැරදිකරුවන් සඳහා මරණීය දණ්ඩනය ලබාදිමට රජය තීරණය කරයි.  ඊයේ පැවති අමාත්‍ය මණ්ඩල රැස්වීමේදි ඒකමතිකව මෙම තීරණයට එළඹි බව අමාත්‍ය ගාමිණි ජයවික්‍රම පෙරේරා මහතා පවසයි.  බුද්ධශාසන අමාත්‍යාංශයේ ඊයේ පැවති ප්‍රවෘත්ති සාකච්ඡාවකදී අමාත්‍යවරයා පෙන්වා දුන්නේ පෝය දිනවල උපකාරක පංති පැවැත්විම හා ඉරිදා දිනවලදී පස්වරු 02.00 දක්වා උපකාරක පංති පැවැත්විම තහනම් කිරිමට ද අවශ්‍ය පියවර ගන්නා බවයි. 

Read more...

නීති විරෝධි සංක්‍රමණිකයන් රැගෙනඑන සංවිධානවලට එරෙහිව දැඩි පියවර ගැනීමට ඇමෙරිකාව සැරසෙයි

මධ්‍යම ඇමෙරිකාවේ සිට නීති විරෝධි සංක්‍රමණිකයන් ඇමෙරිකා එක්සත් ජනපදයට රැගෙනඑන අපරාධකාරි සංවිධානවලට එරෙහිව දැඩි පියවර ගන්නා බව ඇමෙරිකානු අභ්‍යන්තර ආරක්ෂක ලේකම් කර්ස්ටන් නීල්සන් පවසයි.  මෙක්සිකෝව. ගෝතමාලාව. හොන්ඩුරාසය සහ සැල්වදොරය යන මධ්‍යම ඇමෙරිකානු රටවල විදේශ අමාත්‍යවරුන් සමග පැවති සාකච්ඡාවකදී ඔහු මේ බව අවධාරණය කළේය.  ඇමෙරිකාවට පැමිණි නීති විරෝධි සංක්‍රමණික පවුල්වලින් ඈත් කරන ලද  දරුවන් යලි ඔවුන්ට ලබාදිමේ කටයුතු තවදුරටත් ක්‍රියාත්මක කරන බවද හෙතෙම අවධාරණය කළේය.

ප්‍රංශය ලෝක කුසලාන පාපන්දු තරගාවලියේ අවසන් මහා තරගයට

2018 ලෝක කුසලාන පාපන්දු තරගාවලියේ අවසන් පූර්ව වටයේ පළමු තරගෙය්දී බෙල්ජියම පරාජය කරමින් අවසන් මහා තරගයට සුදුසුකම් ලැබීමට ප්‍රංශය සමත් වෙයි. තරගය ඊයේ රාත්‍රියේ රුසියාවේ ශාන්ත පීටර්ස්බර්ග් නගරයේ පැවති මෙම තරගය ගෝල එකට බින්දුවක් වශයෙන් නිමාවට පත් විය. ප්‍රංශ කණ්ඩායමේ සැමුවෙල් උම්ටිටි තරගයේ පණස් එක්වන විනාඩියේදී ගෝලයක් වාර්තා කළේය. මෙම ජයග්‍රහණයත් සමග ප්‍රංශය සිය ලෝක පාපන්දු තරගාවලි ඉතිහාසයේ තෙවන වරටත් අවසන් මහ තරගයකට සුදුසුකම් ලැබුවේය. ඒ අනුව අද පැවැත්වෙන ක්‍රොයේෂියාව සහ එංගලන්තය අතර තරගයෙන් ජයගන්නා කණ්ඩායම සමග ප්‍රංශය අවසන් මහා තරගයේදී සටන්වැදීමට නියමිතයි. අවසන් මහා තරගය ඉරිදා රුසියාවේ මොස්කව් නුවරදී පැවැත් වේ.

තායිලන්තයේ ගුහාවෙන් බේරාගත් ළමයින් 08 දෙනා හොඳ මානසික හා ශාරිරික සෞඛ්‍යයෙන්

තායිලන්තයේ ගුහාවක සිරවී සිට බේරාගත් ළමයින් 08 දෙනා සමස්තයක් වශයෙන් හොඳ මානසික ශාරිරික සෞඛ්‍යයෙන් පසුවන බව වෛද්‍යවරු පවසති.  ඔව්හු එක්ස් කිරණ හා රුධිර පරීක්ෂණයකට ලක්කරනු ලැබුහ.  ළමයින් දෙදෙනෙකුගේ පෙනහල්ලේ ආබාධයක් ඇති බවට සැක කෙරෙන අතර ඔවුන් ඉදිරි දින හත තුළ රෝහලේ රඳවා ගෙන පරික්ෂා කිරීමට වෛද්‍යවරු තීරණය කර තිබේ.  තවත් ළමයි සිව්දෙනෙක් හා ඔවුන්ගේ පුහුණුකරු තවමත් ගුහාව තුළ පසුවෙති.  ඔවුන් බේරා ගැනීමේ මෙහෙයුම් අද ආරම්භ වෙයි.  මෙම ළමයින් 12 දෙනා බේරා ගැනීමේ මෙහෙයුම කෙරෙහි පසුගිය දිනවල සමස්ත ලෝකයම අවධානය යොමුවී තිබිනි.  ඔවුන් එම ගුහාව තුළ සිරවුයේ පසුගිය මස 23 වැනිදාය

ලෝක කුසලාන පාපන්දු තරගාවලියේ අවසන් පුර්ව වටයේ තරග අද ඇරඹේ

ලෝක කුසලාන පාපන්දු තරගාවලියේ අවසන් පුර්ව වටයේ තරග අද ඇරඹේ.  බෙල්ජියම සහ ප්‍රංශය අතර තරගය රුසියාවේ ශාන්ත පීටර්ස්බර්ග් හිදි ශ්‍රී ලංකාවේ වේලාවෙන් රාත්‍රි 11.30 ට ආරම්භ වෙයි.  65 දහසකට අධික පිරිසකට තරගය නැරඹිමේ අවස්ථාව සලසා තිබේ.  මේවර ලෝක කුසලාන පාපන්දු තරගාවලියේදී ප්‍රංශය අපරාධිතව තරගබිමට පිවිසෙයි.  තරගාවලියේ අවසන්පුර්ව වටයට ප්‍රංශය පැමිණි 06 වන අවස්ථාව මෙයයි.  මෙවර තරගාවලියේ පෙරලිකාර කණ්ඩායමක් ලෙස බෙල්ජියම අද තරගබිමට පිවිසෙයි.  අද පැවැත්වෙන තරගයෙන් ජයගතහොත් බෙල්ජියම ප්‍රථම වතාවට ලෝක කුසලාන පාපන්දු තරගාවලියක අවසන් වටයට සුදුසුකම් ලබයි.  දැනටමත් තරගාවලියේදී ගෝල 04 ක් ලබා සිටින බෙල්ජියම් කණ්ඩායමේ රොමේලු ලුකාලු කෙරෙහි දැඩි අවධානයක් යොමුවී තිබේ.  ලෝක කුසලාන පාපන්දු  තරගාවලියේ තුන්වන ස්ථානය සදහා වන තරගය ලබන සෙනසුරාදා පැවැත්වේ.  අවසන් මහ තරගය පැවැත්වෙන්නේ ලබන ඉරිදායි.  ලෝක කුසලාන පාපන්දු තරගාවලිය රුසියාවේදී ආරම්භ වුයේ පසුගිය මස 14 වැනිදාය.  වසර හතරකට වරක් පැවැත්වෙන ලෝක කුසලාන පාපන්දු තරගාවලිය ලොව ජනප්‍රියතම ක්‍රිඩා ඉසව්වක් ලෙස සැලකේ.

2050 වනවිට ශ්‍රී ලංකාව පුර්ණ සංවර්ධිත රාජ්‍යයක් බවට පත්කිරීමට අවශ්‍ය පදනම හා සැලැස්ම සකස්කර අවසන් බව අගමැතිවරයා කියයි

2050 වනවිට ශ්‍රී ලංකාව පුර්ණ සංවර්ධිත රාජ්‍යයක් බවට පත්කිරීම සදහා අවශ්‍ය පදනම හා සැලැස්ම සකස්කර අවසන් බව අගමැති රනිල් වික්‍රමසිංහ මහතා කියයි. එය ඉතාමත් අභියෝගාත්මක කාර්යයකි.  විවිධ මතිමතාන්දර දරන පුද්ගල සමුහයක් සමග ඉතාමත් ඉවසිලවන්තව හා විමසිලිවත්ව එම කාර්යය ඉදිරියට ගෙනයා යුතු බව අගමැතිවරයා පවසයි.

Read more...