Fri09202019

Last updateTue, 18 Jun 2019 8am

නවතම පුවත්

ඉන්දියාවෙන් ඇණවුම් කර ඇති දුම්රිය කට්ටල් හයෙන් පළමු දුම්රිය කොළඹ සිට යාපනය දක්වා නිරීක්‍ෂණ චාරිකාවක.

මගීන්ගේ පහසුව සදහා උසස් ප්‍රමිතියෙන් යුත් දුම්රිය ඉදිරියේදී දුම්රිය සේවයට එක්කිරීම රජයේ අපේක්ෂාව බව ප්‍රවාහන අමාත්‍යංශයේ ලේකම් එල්. පී. ජයම්පති මහතා  පවසයි.  ඉන්දියාවෙන් ඇණවුම් කර ඇති දුම්රිය කට්ටල් හයෙන් පළමු දුම්රිය වන එස් 13 ලෙස නම් කර ඇති දුම්රිය අද පෙරවරුවේ කොළඹ සිට යාපනය දක්වා නිරීක්‍ෂණ චාරිකාවක යෙදුනි. එම අවස්ථාවට එක්වෙමින් ඔහු සදහන් කළේ  දුම්රිය කට්ටල 5 ක් සහ මැදිරි 160 ක් ඉදිරියේදී ආනයනය කරන බවයි.  මෙම අවස්ථාවට එක්වු ඉන්දීය සමාගමේ ඉංජිනේරුවරුන් සදහන් කලේ ශ්‍රී ලංකාවේ දුම්රිය මාර්ගවල ධාවනය කිරීමට සුදුසු ආකාරයට මෙම දුම්රිය නිෂ්පදනය කර ඇති බවයි. විශේෂයෙන්ම දුම්රිය මාර්ගයේ සිදුවන අලි අනතුරු හැකිතාක් අවම කරගැනීමට මෙම දුම්රියට විශේෂ හැකියාවක් ඇත. ඉදිරියේදී කොළඹ සිට යාපනය දක්වා මගී ධාවනයට මෙම දුම්රිය එක්කිරීමට නියමිතයි

කුඩා බවුසර් යොදා කොළඹ දිස්ත්‍රික්කයේ නාගරික ප්‍රදේශවල දියරකිරි බෙදාහැරීමේ වැඩපිළිවෙලක්

කුඩාබවුසර් මගින් කොළඹ දිස්ත්‍රික්කයේ නාගරික ප්‍රදේශවල ජනතාව වෙත දියරකිරි බෙදාහැරීමේ වැඩපිළිවෙලක් ආරම්භ කරන බව ඇමති පී හැරිසන් මහතා පවසයි.  ජාතික පශු සම්පත් මණ්ඩලයේ නියමු ව්‍යාපෘතියක් ලෙස මෙය ක්‍රියාවට නැංවෙයි.  පිටිකිරි භාවිතය අඩුකරමින් දේශීය කිරි ගොවියා නගා සිටුවීම තම අපේක්ෂාව බව ඇමතිවරයා කියයි.  ජාතික පශු සම්පත් මණ්ඩලයේ අද පැවැති මාණ්ඩලික නිලධාරීන්ගේ සාකච්ඡාවකට එක්වෙමින් ඔහු මෙම අදහස් පල කළේය.  ජාතික පශු සම්පත් මණ්ඩලයේ පාඩු ලබන සත්ව ගොවිපොල ලාභ ලැබෙන ආකාරයෙන් වැඩිදියුණු කිරීමටද පියවර ගැනේ.  අනුරාධපුර සහ මොණරාගල සත්ව ආහාර නිෂ්පාදන මධ්‍යස්ථාන ඇතිකෙරේ. කිරි ආශ්‍රීත නිෂ්පාදන ජනතාව වෙත හදුන්වාදීමටත් වටු බිත්තර සහ බැටඵ මස් ඇතුඵ ප්‍රෝටින් අවශ්‍යතාව සපුරන නිෂ්පාදන ප්‍රචලිත කිරීමටත් ක්‍රියාකෙරේ.

ඉරානයේ භාණ්ඩ ප්‍රවාහන ගුවන් යානයක් අනතුරට ලක්වීමෙන් 15 දෙනෙකු ජිවිතක්‍ෂයට

භාණ්ඩ ප්‍රවාහන ගුවන් යානයක් ඉරානයේ ටෙහෙරාන් නගරයට ආසන්නයේ අනතුරට ලක්වීමෙන්  එහි සිටි 15 දෙනෙකු ජිවිතක්‍ෂයට පත්ව ඇතැයි විදෙස් මාධ්‍ය වාර්තා කරයි.  බෝයිං 707 වර්ගයේ ගුවන් යානය ගොඩබැස්සමේදී  ගුවන් පථයෙන් ඉවතට පැන අසල තාප්පයක ගැටී මෙම අනතුර සිදුවී ඇත.  අයහපත් කාලගුණය මීට හේතුවී තිබේ.  ගුවන්යානයේ ඉංජිනේරුවරයෙකු සිද්ධියෙන් දිවි ගලවා ගෙන තිබේ.

පකිස්තානයට එරෙහිව 3 වැනි ටෙස්ට් ක්‍රිකට් තරගයේදී දකුණු අප්‍රිකාවට ලකුණු 107 ක ජයග්‍රහණයක්

පකිස්තානයට එරෙහිව ජොහැන්නස්බර්ග් හි අද අවසන් වු 3 වැනි ටෙස්ට් ක්‍රිකට් තරගයෙන් දකුණු අප්‍රිකාව ලකුණු 107 ක ජයග්‍රහණයක් වාර්තා කරයි. දකුණු අප්‍රිකානු කණ්ඩායම සිය දෙවන ඉනීම සදහා සියඵ දෙනා දැවී ලකුනු 303 ක් රැස් කළේය. එම කණ්ඩායම පළමු ඉනීම සදහා සියඵ දෙනා දැවී ලකුණු 262 යි. පකිස්තාන කණ්ඩායම පළමු ඉනීම සදහා සියඵ ෙදනා දැවී ලකුණු 185 ක්ද. දෙවන ඉනීම සදහා ලකුණු 273 ක් ද රැස් කළේය.
මේ අතර දකුණු අප්‍රිකාවේ හිටපු ක්‍රිකට් ක්‍රිඩක ඒ බි ඩිවිලියර්ස් මාර්තු 09 වැනිදා සහ 10 වැනිදා පාකිස්තාන සුපර්ලිග් ක්‍රිකට් තරගාවලියේදී තරග දෙකකට සහභගීවිීමට තිරණය කොට ඇත 2009 ත්‍රස්ත ප්‍රහාරයෙන් පසුව පාකිස්තානයේදි ක්‍රිකට් ක්‍රිඩාවට එක්වන ප්‍රවීන ක්‍රිකට් ක්‍රිඩකයන්ගෙන් අයෙකු ලෙස ඔහු හදුන්වනු ලැබීය..

ඉන්දියාව සහ ඔස්ට්‍රේලියාව අතර තුන්වන ටෙස්ට් ක්‍රිකට් තරගය දැන් මෙල්බර්හීදී පැවැත්වේ

ඉන්දියාව සහ ඔස්ට්‍රේලියාව අතර තුන්වන ටෙස්ට් ක්‍රිකට් තරගය දැන් මෙල්බර්හීදී පැවැත්වේ. මුලින් පන්දුවට පහර දෙන ඉන්දිය කණ්ඩායම මිට ස්වල්ප වේලාවකට පෙර කඩලු 2 ක් දැවී ලකුණු 225 ක් රැස්කරගෙන සිටියේය. මායන්ක් අගවල් ලකුණු 76 යි.
මේ අතර හදවත් රෝගි ඔස්ට්‍රේලියානු සත් හැවිරිදි ආකි ස්චිලර්ගේ ක්‍රිකට් සිහිනය අද ඉටුවිය. ඒ අනුව ඉන්දියාවත් සමග මෙල්බර්න්හිදී ආරම්භ වු ටෙස්ට් ක්‍රිකට් තරගයේදි ඔහු ඔස්ට්‍රේලියානු පිලේ සම නායකයා ලෙස කාසියේ වාසිය උරගා බැලිමේ අවස්ථාවට එක්විය. මෙහිදි කාසියේ වාසිය දිනාගත්තේ ඉන්දියාවේ විරාත් කෝලිය. ඉන් අනතුරුව මාධ්‍ය ඇමතූ සත් හැවිරිදි ආකි තම කණ්ඩායමේ ක්‍රිඩකයන්ට උපදෙස් දෙමින් පැවසුවේ පිතිකරුවන් හයේ පහරට පොළඹවා කඩුලු ගන්නා ලෙයසි මෙම තරගයේදී ඔහු වෙනුවෙන් ඔස්ට්‍රේලියාව විශේෂිත ටෙස්ට් හිස් වැසුමක් ද ලබාදුන්නේය.

===

ශ්‍රි ලංකාව සහ නවසීලන්තය අතර ක්‍රයිස්චර්ච්හී ආරම්භ වු දෙවැනි ටෙස්ට් ක්‍රිකට් තරගයේ දිනය නිමා වන විට ප්‍රථම ඉනිම ක්‍රිඩා කරන ශ්‍රි ලංකාව කඩුලු 4 ක් දැවි ලකුණු 88 ක් රැස්කරගෙන සිටියේය. මෙවරද ශ්‍රි ලංකාවට තර්ජනයක් වු ටිම් සවුති ලකුණු 29 කට කඩුලු 3 ක් බිඳහෙළීය. නවසීලන්ත පිල ප්‍රථම ඉනිම සඳහා ලකුණු 178 ක් රැස්කලේය. එහිදී සුරංග ලක්මාල් කඩුලු 5 ක් ද ලහිරු කුමාර කඩුලු 3 ක් ද බිඳ හෙලුහ.

පීඩාවට පත් උතුරේ ජනතාවට මුළික පහසුකම් ලබාදීමට රජය උපරිම ලෙස කටයුතු කර ඇතැයි ඇමති රංජිත් මද්දුම බන්ඩාර මහතා කියයි

රජය ආරක්ෂක අංශ සහ රාජ්‍ය නිලධාරින් වහාම ක්‍රියාත්මක විම හේතුවෙන් උතුරේ ඇතිවු අයහපත් කාලගුන තත්ත්වයෙන් හානි සිදුවු අයට කඩිනමින් සහන ලබාදිමටත් හානි අවම කරගැනිමට හැකිවු බවත් ඇමති රංජිත් මද්දුම බණ්ඩාර මහතා පවසයි අද පෙරවරුවේ අගමැති කාර්යාලයේ පැවති මාධ්‍ය හමුවකදී ඔහු මේ බව කීවේය. අගමැතිවරයාගේ උපදෙස් පරිදි රජය සුබසාධන මධ්‍යස්ථානවල සිටින ජනතාවට පිසු ආහාර මෙන්ම අනිකුත් මූළික පහසුකම් සැපයු බව ඔහු කියා සිටියේය.

මෙහිදි අදහස් දැක්වු අමාත්‍ය වජිර අබේවර්ධන මහතා පැවසුවේ දැනට ලැබී ඇති තොරතුරු අනුව සම්පුර්න ලෙස හානි වු නිවාස සංඛ්‍යාව 100 ක් පමණ වන බවයි. 1200 කට අර්ධ හානි සිදුවී තිබේ. සහන සේවා කටයුතුවලදි ආරක්ෂක අංශ ස්වේච්ඡා සංවිධාන. ප්‍රදේශයේ ආගමික නායකයින්. මහජන නියෝජිතයින් එක්ව සිටි බව ඔහු සඳහන් කලේය. ඉදිරි මාස කිහිපයේදි අදාල දිස්ත්‍රික්ක යථා තත්ත්වයට පත්කිරිමට හැකියාව ඇතැයිද ඔහු පැවසීය

යාල වනෝද්‍යානයට වාර්තාගත ආදායමක්

යාල ජාතික වනෝද්‍යානය මේ වසරේ ජනවාරි මාසයේ සිට අගෝස්තු මාසය දක්වා කාලය තුලදී රුපියල් මිලියන 621 ක වාර්තාගත ආදායමක් උපයා ඇතැයි එහි භාරකරු ඩී. පී. ශ්‍රියාසිංහ මහතා පවසයි.

එම කාලය තුලදි දේශිය සංචාරකයන් එක්ලක්ෂ හැත්තැහය දහසකට අධික සංඛ්‍යාවක් සහ විදේශිය සංචාරකයන් දෙලක්ෂයකට අධික සංඛ්‍යාවක් වනෝද්‍යානය නැරඹිමට පැමිණ තිබේ.

තරග තහනමකට ලක්වි සිටින ඕස්ට්‍රේලියානු ක්‍රිකට් නායකයා සහ උපනායකයා මාර්තු අග සිට යලි තරග අතරට

මේ වනවිට වසරක තරග තහනමකට ලක්වි සිටින ඕස්ට්‍රේලියානු ක්‍රිකට් නායක ස්ටිවු ස්මිත් සහ උපනායක ඩේවිඩ් වෝනර් ලබන මාර්තු 31 වැනිදා සිට ඇරඹෙන පකිස්ථානයත් සමග එක්දින තරගාවලියේ සිට යලි තරග අතරට පැමිණෙණු ඇතැයි ඕස්ට්‍රේලියානු පුහුණුකරු ජස්ටින් ලැන්ගර් පවසයි. ඔවුන් දෙදෙනාගේ තහනම මාර්තු 29 වැනිදා අවසන්වෙයි. ඉන් අනතුරුව මාර්තු 31 සිට අප්‍රේල් 13 වැනිදා දක්වා පකිස්ථානයත් සමග එක්දින තරගාවලියක් පැවැත්වෙයි. මිලග ලෝක කුසලානයට පෙර එම කණ්ඩායම් මුහුණ දෙන එකම තරගාවලිය වන්නේ ද එයයි.

විදේශිකයන් සදහා ජපානයෛ් වැඩි රැකියා අවස්ථා

රැිකියා සදහා තම රටට පැමිණෙන හා තම රටේ ජිවත්විමට පැමිණෙන විදේශිකයන් සදහා නිතිතිරි ලිහිල් ිකිරිමට ජපානය තිරණය කරයි. ඒ සදහා සංක්‍රමිණික නිති වෙනස් කර ඇත. නව නිති ක්‍රියාත්මක වන්නේ ලබන අප්‍රේල් මාසයේ සිටයි. ග්‍රාමිය ප්‍රදේශවල පවතින කම්කරු රැකියා ඌනතාව හේතුවෙන් මෙසේ විදේශිකයන් ගෙන්වා ගැනේ. මේ යටතේ අංශ 14 ක රැකියා අවස්ථා සදහා පස්වසරක කාලපරිච්ජේදයක් යටතේ විදේශිකයන් තුන්ලක්ෂ හතලිස් පන්දහසකට රැකියා ලබාදිමට ජපානය බලාපොරොත්තුවෙයි. මේ සදහා ජපන් භාෂාව පිලිබද විධිමත් දැනිමක් අවශ්‍යවේ . ප්‍රධාන ලෙසම වියට්නාමය. පිලිපිනය . කාම්බෝජය. ඉන්දුනිසියාව. චිනය. තායිලන්තය මියන්මාරය. මොංගෝලියාව සහ නේපාලය යන රටවලට ප්‍රමුඛතාවය ලැබේ.

උතුරේ විපතට පත් ජනතාවට සහන සැලසිම සදහා උතුරු පලාත් ආණ්ඩුකාර කාර්යාලයෙන්ද විශේෂ වැඩසටහන්

උතුරු පලාතේ ගංවතුර හේතුවෙන් විපතට පත් ජනතාවට සහන සැලසිම සදහා උතුරට හා දකුණට විශේෂ ඇමතුම් අංක දෙකක් හදුන්වා දි ඇතැයි උතුරු පලාත් ආණ්ඩුකාර රෙජිනෝල්ඩ් කුරේ මහතා පවසයි. ඔවුන්ට ආධාර ලබාදිමට කැමති දකුණේ පරිත්‍යාගශිලින්ට කොළඹ බත්තරමුල්ල ජයන්තිපුර පිහිටි උතුරු ආණ්ඩුකාර කාර්යාලයට පැමිණ භාරදිම හෝ 0112 88 33 71 යන අංකයෙන් විමසිය හැක. එමෙන්ම උතුරු පලාත් ආණ්ඩුකාර කාර්යාලයේ ඇති 0211 21 93 76 අංකයට අමතා ඕනෑම අයෙකුට ආධාර සැපයිය හැක. දැනට ගංවතුර තත්ත්වය පහව ගියත් උතුරේ ජනතාවට බරපතල තත්ත්වයන්ට මුහුණ දිමට සිදුවන බව කුරේ මහතා කියයි. විශේෂයෙන් සනිපාරක්ෂක ගැටලු ඊට බලපානු ඇත. පානීය ලිං පිරිසිදු කිරිම. හානි වු නිවාස පිලිසකර කිරිම මෙහිදි ප්‍රධානවේ. ඒ සදහා යුදහමුදාවේ අඛණ්ඩ සේවය තවදුරටත් ලැබෙනු ඇතැයි උතුරු ආණ්ඩුකාරවරයා විශ්වාසය පලකරයි.
මේ අතර උතුරු පලාතේ කැඩි ගිය ලොකු කුඩා වැව් ප්‍රතිසංස්කරණය කිරිම යදුහමුදාව දැනටමත් ආරම්භ කර ඇත. විශේෂයෙන් කිලිනොච්චි හා මුලතිව් දිස්ත්‍රික්කවල වැව් රැසක් කැඩිගොස් ඇත. කැඩියාමට අවදානමක් මතු වි ඇති වැව් සදහා වැලිකොට්ට යොදාගනිමින් ආරක්ෂක බැමි සකස් කරමින් පවති.
කිලිනොච්චියේ අක්කරායන් මාර්ගයේ වෙල්අත්තාල් පාලම ජල පහරකට හසුව බිදගොස් තිබේ. එම මාර්ගයේ ගමනාගමනය ද ඇණහිට ඇත. මේ නිසා ඊට ඉහල ජනතාව දැඩි දුෂ්කරතාවකට පත්ව සිටිති.
උතුරු පළාතට බලපා ඇති අයහපත් කාලගුන තත්ත්වය හේතුවෙන් පවුල් විසිදෙදහස් අටසිය විසිතුනක ( 22823) පුද්ගලයින් හැත්තැහතර දහසක් ( 74000 ) පීඩාවට පත්ව සිටින බව ආපදා කළමනාකරණ මධ්‍යස්ථානය සඳහන් කරයි

පාසල් නිලඇදුම වවුචර්පත් ලබන මස 02 වැනිදා සිට සිසුන්ට ලබාදීමට සැලසුම්

පාසල් නිලඇදුම් වවුචර්පත් ලබන මස 02 වැනිදා සිට සිසුන්ට ලබාදෙන බව අධ්‍යාපන අමාත්‍යංශය කියයි. එම වවුචර්පත්වල වලංගු කාලය ලබන 31 වැනිදායින් අවසන්වීමට නියමිතව තිබුණද එම කාලසීමාව ලබන පෙබරවාරී 28 වැනිදා දක්වා දිර්ග කර තිබේ.
නව පාසල් වාරය අවසන්වීමෙන් පසුව එම වවුචර්පත් කඩිනමින් දරුවන්ට ලබාදීම අරමුණයි.

අසිරිමත් නත්තල අද මධ්‍යම රාත්‍රියෙන් උදාවෙයි

තවත් අසිරිමත් නත්තලක් අද මධ්‍යම රාත්‍රියෙන් උදාවෙයි. උදාවන නත්තල සැමරීමට ලෝකවාසි කිතුණු බැතිමත්හු සුදානමින් සිටිති. ප්‍රධාන දේව මෙහෙය අගරදගුරු අති උතුම් මැල්කම් කාදිනල් රංජිත් හිමිපානන්ගේ ප්‍රධානත්වයෙන් පයාගල ශාන්ත ජෝශප් දෙව්මැදුරේදී අද රාත්‍රි 11.45 ට පැවැත්වේ. ශ්‍රි ලංකා ගුවන් විදුලි සංස්ථාව ද මෙවරත් රට වටා නත්තල් වැඩසටහනක් සංවිධාන කර ඇත.

නව කැබිනට් මණ්ඩලය දිවුරුම් දෙයි

නව අමාත්‍ය මණ්ඩලය දිවුරුම් දීම අද (20) උදෑසන ජනාධිපති ලේකම් කාර්යාලයේ දී සිදු වුණා.

ජාතික ප්‍රතිපත්ති , ආර්ථික කටයුතු , නැවත පදිංචි කිරීම් හා පුනරුත්තාපන උතුරු පළාත් සංවර්ධන වෘත්තීය පුහුණු , නිපුණතා  සංවර්ධන සහ යෞවන කටයුතු අමාත්‍ය අග්‍රාමාත්‍ය රනිල් වික්‍රමසිංහ මහතා

මුදල් හා ජන මාධ්‍ය අමාත්‍ය - මංගල සමරවීර මහතා

විදේශ කටයුතු අමාත්‍ය - තිලක් මාරපන මහතා

සෞඛ්‍ය පෝෂණ දේශීය වෛද්‍ය අමාත්‍ය - රාජිත සේනාරත්න මහතා

අභ්‍යන්තර හා ස්වදේශ  කටයුතු සහ පළාත් සභා හා පළත් පාලන අමාත්‍ය - වජිර අබේවර්ධන මහතා

මහා නගර හා බස්නාහිර සංවර්ධන අමාත්‍ය - පාඨලී චම්පික රණවක මහතා

වැවිලි කර්මාන්ත අමාත්‍ය - නවීන් දිසානායක මහතා

විදුලි බල, බල ශක්ති හා ව්‍යාපාර සංවර්ධන අමාත්‍ය -  රවී කරුණායක මහතා

මහා මාර්ග හා මාර්ග සංවර්ධන  ඛනිජ තෙල් සම්පත් සංවර්ධන අමාත්‍ය  - කබීර් හෂීම් මහතා

බුද්ධ ශාසන හා වයඹ සංවර්ධන අමාත්‍ය - ගාමිණි ජයවික්‍රම පෙරේරා මහතා

නගර සැලසුම් හා ජල සම්පාදන සහ උසස් අධ්‍යාපන අමාත්‍ය - රවුෆ් හකීම් මහතා

නිවාස ඉදි කිරීම හා සංස්කෘතික කටයුතු අමාත්‍ය -   සජිත් ප්‍රේමදාස මහතා

කඳුරට නව ගම්මාන, යටිතල පහසුකම් හා ප්‍රජා සංවර්ධන අමාත්‍ය - පලනි දිගම්බරම් මහතා

අධිකරණ හා බන්ධනාගාර ප්‍රතිසංස්කරණ අමාත්‍ය - තලතා අතුකෝරළ මහත්මිය

ජාතික ඒකාබද්ධතා රාජ්‍ය භාෂා සමාජ ප්‍රගති හින්දු ආගමික අමාත්‍ය - මනෝගනේෂන් මහතා

සංචාරක සංවර්ධන  , වන ජීවී හා ක්‍රිස්තියානි ආගමික කටයුතු  අමාත්‍ය - ජෝන් අමරතුංග මහතා

කෘෂිකර්ම , ග්‍රාමීය ආර්ථික කටයුතු, පශු සම්පත් සංවර්ධන, වාරි මාර්ග , ධීවර හා ජලජ සම්පත් සංවර්ධන අමාත්‍ය - පී. හැරිසන් මහතා

කාන්තා හා ළමා කටයුතු , වියළි කළාප සංවර්ධන අමාත්‍ය - චන්ද්‍රාණි බණ්ඩාර මහත්මිය

වරාය හා නාවික කටයුතු සහ දක්ෂිණ සංවර්ධන අමාත්‍ය -  සාගල රත්නායක මහතා

විදුලි සංදේශ , ඩිජිටල් යටිතල පහසුකම් විදේශ රැකියා හා ක්‍රීඩා අමාත්‍ය - හරීන් ප්‍රනාන්දු මහතා

කර්මාන්ත හා වාණිජ කටයුතු , දිගු කාලීනව අවතැන් වූ පුද්ගලයන් නැවත පදිංචි කිරීම සහ සමූපකාර සංවර්ධන අමාත්‍ය - රිෂාඩ් බදියුදීන් මහතා

ප්‍රවාහන හා සිවිල් ගුවන් සේවා අමාත්‍ය - අර්ජුන රණතුංග මහතා

අධ්‍යාපන අමාත්‍ය -  අකිල විරාජ් කාරියවසම් මහතා

රාජ්‍ය පරිපාලන හා ආපදා කළමණාකරණ අමාත්‍ය - රංජිත් මද්දුම බණ්ඩාර මහතා

ඉඩම් හා පාර්ලිමේන්තු ප්‍රතිසංස්කරණ අමාත්‍ය - ගයන්ත කරුණාතිලක මහතා

කම්කරු, වෘත්තීය සමිති සබඳතා  සමාජ සවිබල ගැන්වීමේ අමාත්‍ය - දයා ගමගේ මහතා

සංවර්ධන උපාය මාර්ග ජාත්‍යනතර වෙළඳ සහ විද්‍යා තාක්ෂණ හා පර්යේෂණ අමාත්‍ය - මලික් සමරවික්‍රම මහතා

රාජ්‍ය ව්‍යාපාර, කන්ද උඩරට උරුමය සහ මහනුවර සංවර්ධන අමාත්‍ය - ලක්ෂ්මන් කිරි ඇල්ල මහතා

තැපැල් සේවා හා මුස්ලිම් ආගමික කටයුතු අමාත්‍ය - එම්.එච්.ඒ.හලීම් මහතා

මහින්ද රාජපක්ෂ මහතා අගමැති ධුරයෙන් ඉල්ලා අස්වෙයි.

මහින්ද රාජපක්ස මහතා අද පෙරවරුවේ අග්‍රාමාත්‍ය ධුරයෙන් ඉල්ලා අස්වෙයි. කොළඹ 07 විජේරාම මාවතේ පිහිටි සිය නිල නිවසේ පැවති සර්ව ආගමික වතාවත්වලින් පසු රාජපක්ෂ මහතා සිය ඉල්ලා අස්වීමේ ලිපියට අත්සන් තැබීය. එහිදී මාධ්‍ය වෙත අදහස් දැක්වු පාර්ලිමේන්තු මන්ත්‍රි මහින්දානන්ද අලුත්ගමගේ මහතා පැවසුවේ පසුගිය සමයේ බෙදුම්වාදය ප්‍රජාතන්ත්‍රවාදය වෙනුවෙන් පෙනි සිටි අය ඉදිරියේදී කුමක් කරන්නේද යන්න පිළිබඳව විමසිල්ලෙන් සිටින බවයි.

පාර්ලිමේන්තු මන්ත්‍රි ෂෙහාන් සේමසිංහ මහතා එහිදී පැවසුවේ නව බදු පනවා ජනතාව පිඩාවට පත්වනවිට ප්‍රජාතන්ත්‍රවාදයට මුවාවී ඡන්දය අයිතිය අහෝසි කළ අය කටයුතු කරන ආකාරය ජනතාව බලාගත යුතු බවයි.

පාර්ලිමේන්තු මන්ත්‍රි ලක්ෂ්මන් යාපා අබේවර්ධන මහතා ප්‍රකාශ කලේ රටේ පාලනය අස්ථාවරවී ජනතාව පිඩාවට පත්වීමට ඉඩ තිබු නිසා මහින්ද රාජපක්ෂ මහතා මෙම තීරණයට එලඹි බවයි.

එස්. බී. දිසානායක. රෝහිත අබේගුණවර්ධන යන පාර්ලිමේන්තුවරු ද මෙහිදී අදහස් දැක්වුහ. අග්‍රාමාත්‍යවරයා ලෙස තමන්ට ලැබුනු රථවාහන සහ සියලු උපකරණ නැවත භාරදීමට ද මහින්ද රාජපක්ෂ මහතා මේ වනවිට කටයුතු කර තිබේ.

රනිල් වික්‍රමසිංහ මහතාගේ නායකත්වයෙන් යුතු රජයක් යටතේ ඉදිරි දින කිහිපය තුළ රට යලි ස්ථාවර කරන බව වජිර අබේවර්ධන මන්ත්‍රිවරයා පවසයි

දේශපාලන අර්බුදය නිසා අස්ථාවර වු රට රනිල් වික්‍රමසිංහ මහතාගේ නායකත්වයෙන් යුතු රජයක් යටතේ ඉදිරි දින කිහිපය  තුළ යථා තත්වයට පත්කරන බව එක්සත් ජාතික පක්ෂ පාර්ලිමේන්තු මන්ත්‍රී වජිර අබේවර්ධන මහතා පවසයි.  ගාල්ලේ ඊයේ පස්වරුවේ පැවති මාධ්‍ය හමුවකදී ඔහු මේ බව සදහන් කළේය.  මෙරට අධිකරණ ක්ෂේත්‍රයේ ස්වාධීනත්වය තහවුරු වීම ජාත්‍යන්තර වශයෙන් වාසිදායක තත්වයක් රටට නිර්මාණය කරනු ඇති බවද හෙතෙම කීය.

මහ මැතිවරණය සදහා ඉදිරිපත්ව සිටින අපරාධවලට සම්බන්ධ පුද්ගලයන්ට ඡන්දය නොදෙන ලෙස බංග්ලාදේශයේ අගමැතිනිය එරට ජනතාවගෙන් ඉල්ලීමක් කරයි.

මහ මැතිවරණය සදහා අපේ්ක්ෂකයන් ලෙස ඉදිරිපත්ව සිටින අපරාධවලට සම්බන්ධ පුද්ගලයන්ට ඡන්දය නොදෙන ලෙස බංග්ලාදේශයේ අගමැතිනි ෂික් හෂීනා මහත්මිය ජනතාවගෙන් ඉල්ලීමක් කරයි.   බී එන් පී පක්ෂයෙන් එවැනි අපේ්ක්ෂකයන් ඡන්දය සදහා ඉදිරිපත්ව සිටින බවට ඇය චෝදනා කරයි.  ඉකුත් අගෝස්තු මාසයේ සිදු වු බෝම්බ ප්‍රහාරයට සහ දුෂණ චෝදනාවලට සම්බන්ධ පුද්ගලයන්ට ඡන්ද අපේක්ෂකත්වය ලබා දී ඇතැයි ද අගමැතිවරිය ප්‍රකාශ කරයි.

නවසීලන්තය සමග පැවැත්වෙන ප්‍රථම ටෙස්ට් ක්‍රිකට් තරගයේ පලමු දිනය නිමා වනවිට ශ්‍රීි ලංකා කණ්ඩායම කඩුලු 09 ක් දැවී ලකුණු 275 ක් රැස් කරයි.

ශ්‍රිි ලංකාව සහ නවසීලන්තය අතර ප්‍රථම ටෙස්ට් ක්‍රිකට් තරගය අද පෙරවරුවේ නවසීලන්තයේ වෙලින්ටන් හිදිී ආරම්භ විය. කාසියේ වාසිය දිනු නවසීලන්ත පිළේ ඇරයුමෙන් මුලින් පන්දුවට පහරදුන් ශ්‍රීි ලංකා පිල දිනය නිමා වනවිට කඩුලු 09 ක් දැවී ලකුණු 275 ක් ලබා සිටියේය. ඇන්ජලෝ මැතිව්ස් ලකුණු 83 ක්ද. දිමුත් කරුණාරත්න ලකුණු 79 ක්ද රැස් කළහ. නිරෝෂන් දික්වැල්ල නොදැවී ලකුණු 73 යි. ටිම් සවුති කඩුඵ 05 ක් බිඳ හෙලීමට සමත් විය.
මේ අතර. නැගි එන කණ්ඩායම් අතර ආසියානු කුසලාන ක්‍රිකට් තරගාවලියේ අවසාන මහා තරගය ශ්‍රි ලංකාව සහ ඉන්දිය කණ්ඩායම අතර කොළඹ ආර් ප්‍රේමදාස ක්‍රිඩාංගනයේදි දැන් පැවැත්වෙයි. කාසියේ වාසිය දිනා මුලින් පන්දුවට පහරදෙන ශ්‍රී ලංකා කණ්ඩායම ඕවර 39 ක් අවසානයේ කඩුඵ 04 ක් දැවී ලකුණු 188 ක් ලබා සිටියේය.

රට යහපත් මගකට ගෙනඒමට ජනාධිපතිතුමා ඉදිරියේදිත් කැපවන බව එක්සත් ජනතා නිදහස් සන්ධානයේ මහලේකම් කියා සිටි.

 

රට යහපත් මගකට යොමු කිරීමට අවශ්‍ය පියවර ජනාධිපතිතුමා ඉදිරියේදී ගනු ඇතැයි එක්සත් ජනතා නිදහස් සන්ධානයේ මහ ලේකම් පාර්ලිමේන්තු මන්ත්‍රි මහින්ද අමරවීර මහතා කියයි.  කෘෂි නවිකරණ ව්‍යාපෘතිය වෙනුවෙන් කොළඹ පැවති උත්සවයේදී ඔහු මේ බව කීවේය.  පාර්ලිමේන්තුව විසුරුවා හැරීමට අදාලව විභාග කෙරුනු පෙත්සම් විභාගයේ තීන්දුව ලැබුනුවිට ඊට අනුකුලව ක්‍රියාකරන බවද ඔහු සදහන් කරයි.  එක්සත් ජාතික පක්ෂය හා දෙමළ ජාතික සන්ධානය අතර යම් ගිවිසුමක් ඇති බව තමාට තොරතුරු ලැබි ඇතැයි ද පැවසු ඒ මහතා ඒ පිළිබඳව තම පාර්ශ්වයන් අවධානයෙන් පසුවන බවද කීවේය.

පාර්ලිමේන්තුව විසුරුවා හැරීමට අදාල පෙත්සම් විභාගයේ ශ්‍රේෂ්ඨාධිකරණ තීන්දුව අද පස්වරුවේ

ජනාධිපතිතුමා පාර්ලිමේන්තුව විසුරුවා හැරීමට ගත් තීරණය නීති විරෝධි යැයි ප්‍රකාශ කරමින් පාර්ශ්ව 13 ක් ඉදිරිපත් කළ පෙත්සම් විභාගයේ තීන්දුව ශ්‍රේෂ්ඨාධිකරණය අද පස්වරු 4.00 ට ලබාදෙන බව වාර්තා වෙයි.  පසුගිය නොවැම්බර් 09 වැනිදා පාර්ලිමේන්තුව විසුරුවා හැරීමට ජනාධිපතිවරයා නිකුත් කළ ගැසට් පත්‍රය අභියෝගයට ලක් කරමින් ගොනුකර ඇති මුලික අයිතිවාසිකම් පෙත්සම් මෙන්ම පක්ෂව ඉදිරිපත්වු පෙත්සම් විනිසුරුවන් 07 දෙනෙකුගෙන් යුත් පුර්ණ විනිසුරු මඩුල්ලක් හමුවේ විභාග කෙරුනි.  අදාල ගැසට් නිවේදනය සම්බන්ධයෙන්  මේ වනවිට අතුරු තහනම් නියෝගයක් බලපැවැත්වේ.

අන්තර් ක්‍රිඩා සමාජ රග්බි තරගාවලියේ අපරාජිත කණ්ඩායම් දෙක අතර තරගය ඉරිදා

අන්තර් ක්‍රිඩා සමාජ රග්බි තරගාවලියේ ලකුණු සටහනේ පෙරමුණ ගැනීමට මහනුවර ක්‍රිඩා සමාජය සමත්ව සිටි.  ඔවුන් මෙන්ම හැව්ලොක් ක්‍රිඩා සමාජය ද මේ දක්වා තරගාවලියේ අපරාජිතව සිටි.  නාවික හමුදා කණ්ඩායම තුන්වැනි ස්ථානයේ පසුවෙයි.  අපරාජිතව සිටින මහනුවර හා හැව්ලොක් අතර තරගය ලබන ඉරිදා කොළඹදී පැවැත්වේ.  එය බොහෝ දෙනාගේ අවධානයට දැනටමත් ලක්වී ඇත.

අමෙරිකානු ඩොලරයේ අගය ඉහළයාමත් සමග ආනයනික වාහන මිල ගණන් ් ඉහළ යා හැකියි


අමෙරිකානු ඩොලරයේ අගය ඉහළයාමත් සමග ආනයනික වාහන මිල ගණන් ් ඉහළ යා හැකි බව ලංකා වාහන ආනයනකරුවන්ගේ සංගමය පවසයි. එහි සභාපති ඉන්දික සම්පත් මෙරින්චිගේ මහතා ප්‍රකාශ කලේ සියයට 15ත් 20 ත් අතර ප්‍රමාණයකින් වාහන මිල ඉහළ යා හැකි බවයි.