Mon09162019

Last updateTue, 18 Jun 2019 8am

World News

රුසියානු සහ ඇමරිකානු රාජ්‍ය නායක හමුවක් මෙම සති අන්තයේදී

ජී 20 රාජ්‍ය නායක හමුව මේ මස 29 වෙනි දින සිට දෙසැම්බර් පළමුවෙනිදා තෙක් ආර්ජන්ටිනාවේ බුවනෝර්ස්අයර්ස් හිදී පැවැත් වේ. එහිදී රුසියානු ජනාධිපති ව්ලදිමීර් පූතින් හමුවීමට ඇමරිකානු ජනාධිපති ඩොනල්ඩ් ට්‍රම්ප් සැරසෙන බව ධවල මන්දිර ප්‍රකාශිකා සාරා සැන්ඩර්ස් පවසයි.

රුසියානු ජනාධිපතිවරයාට අමතරව ආර්ජන්ටිනාව. ජපානය. ජර්මනිය සහ චීනය ආදී රටවල නායකයන් හමුවී සාකච්ඡා කිරීමටද ඇමරිකානු නායකයා අපේක්ෂා කරන බව ඇය සඳහන් කරයි. මෙහිදී දෙරටට අදාල සියලු ගැටඑ කෙරෙහි අවධානය යොමු කෙරෙනු ඇත.

බංග්ලාදේශයේ හිටපු අගමැතිනියට මහා මැතිවරණයට තරග කිරීමේ අවස්ථාව අහිමි වෙයි.

ලබන මස 30 වැනිදා බංග්ලාදේශයේ පැවැත්වෙන මහ මැතිවරණයට තරග කිරීමේ අවස්ථාව හිටපු අගමැතිනි බෙගම් කලිදා ෂියාට අහිමි වෙයි.  එරට ශ්‍රේෂ්ඨාධිකරණය අද තීන්දුවක් දෙමින් පැවසුවේ ඇයට තිබෙන චෝදනා සහ ලබාදී ඇති දඩුවම් හේතුවෙන් මැතිවරණයට තරග කිරීමට සුදුසුකම් නොලබන බවයි

චීනය සහ ජපානය අතර ක්ෂේත්‍ර ගණනාවක් යටතේ ගිවිසුම් රැසකට අත්සන් තැබේ

චීනය සහ ජපානය අතර ක්ෂේත්‍ර ගණනාවක් යටතේ ගිවිසුම් රැසකට අත්සන් තැබේ.  බිජිං හි අද පැවැති උත්සවයකදී එම ගිවිසුම් වලට එළඹ තිබේ.  මේ යටතේ බලශක්ති. උත්පාදනය පරිසර දුෂණය අවම කිරීම ඇතුථ ව්‍යාපෘති 24 ක් සදහා සහයෝගිතා ගිවිසුම් වලට අත්සන් තැබු බව චීන රාජ්‍ය මාධ්‍ය වාර්තා කරයි.   සුහුරු නගර සංවර්ධනය සහ දේශගුණික විපර්යාෂ වැලැක්වීම සදහා ද මෙහිදි ගිවිසුම් වලට එළඹ තිබේ.

කාලගුණ විපර්යාස වාර්තා පිලි නොගන්නා බව ඇමරිකානු ජනාධිපතිවරයා කියයි

ලෝක පාරිසරික විපර්යාස සම්බන්ධයෙන් ඇමරිකානු රජය ඉදිරිපත් කර ඇති නවතම වාර්තාව පිළිගත නොහැකි බව ජනාධිපති ඩොනල්ඩ් ට්‍රම්ප් මහතා කියයි. අනපේක්ෂිත ලෙස ගෝලීය උෂ්ණත්වය ඉහල යාම සම්බන්ධයෙන් පිළිගත නොහැකි දත්ත එම වාර්තාවේ ඇතුලත් කර ඇතැයි ජනාධිපතිවරයා කියයි.

සෞඛ්‍ය සහ කාලගුණ සමතුලිතතාව සදහා ඇමරිකාව වසරකට ඩොලර් බිලියන ගණනක් වැය කරන බවද ඇමරිකානු ජනාධිපතිවරයා කියයි. ඇමරිකාව අනුගමනය කරන්නේ පරිසර හිතකාමී ඉන්ධන වැඩපිළිවෙලකි. මෙවැනි තත්ත්වයක් යටතේ ඉදිරිපත් කර ඇති වාර්තා පිළිගත නොහැකි බව ට්‍රම්ප් මහතා පවසයි.

කැලිෆෝනියා ලැව්ගින්න සම්පුර්නයෙන් පාලනය කෙරේ

ඇමරිකා එක්සත් ජනපදයේ කැලිෆෝනියා ජනපදයෙහි හටගත් විශාල ලැව්ගින්න සම්පර්ණයෙන් නිවා දැමේ. ඒ සම්බන්ධයෙන් කටයුතු කළ එරට එදිසි සේවා නිලධාරීන් විසින් මේ බව රජයට දැනුම් දී තිබේ.

පසුගිය අට වෙනිදා ආරම්භ වූ මෙම ලැව් ගින්නෙන් නිවාස දා හතරදහසක් විනාශයට පත් විය. මරණයට පත් පුද්ගලයන්ගේ සංඛ්‍යාව 85 කි. තවත් පන්දහයකට අධික පිරිසක් අතුරුදන්ව ඇති බව විදෙස් මාධ්‍ය සඳහන් කරයි.

Subcategories