Fri11162018

Last updateWed, 14 Nov 2018 6pm

World News

රුසියා ඇමරිකා දෙරට අතර ජාත්‍යන්තර අර්බුද. නිරවිකරණය පිළිබඳව සාකච්ඡා

ජාතික ආරක්ෂාව පිළිබඳ ඇමරිකා එක්සත් ජනපද ජනාධිපතිවරයාගේ සහකාර ජෝන් බෝල්ටන් රුසියාවේ මොස්කව් නුවරට පැමිණෙයි. අද ඔහු එහිදී ඔහු ජාත්‍යන්තර අර්බුද. නිරවිකරණය සහ දෙරට අතර සබඳතා පිළිබඳව සාකච්ඡා පැවැත්වීමට නියමිතයි. මේ අතර රුසියාව සහ ඇමරිකාව අතර රාජ්‍ය මට්ටමේ නායක හමුවක්ද නුදුරු දිනකදී පැවැත්වීමේ හැකියාවක් පිළිබඳව විදෙස් මාධ්‍ය ඉගි පළ කරයි. ඇතැම් විදෙස් මාධ්‍ය ඊයේ පළ කර තිබුනේ දෙරටේ රාජ්‍ය නායක දෙපලගේ හමුව හෙල්සින්කි නුවරදී පැවැත්වීමේ වැඩි හැකියාවක් පවතින බවයි.

කාන්තාවන්ට ජීවත්විමට භයානකම රට ඉන්දියාව බව හෙළිවෙයි

ලෝකයේ කාන්තාවන්ට ජීවත්විමට භයානකම රට බවට ඉන්දියාව පත්ව ඇතැයි තොම්සන් රොයිටර් පදනම ලොවපුරා කළ සමික්ෂණයකදී හෙළි වෙයි.  ලිංගික හිංසනය. ස්ත්‍රී දූෂණ. පැහැරගෙන යාම්. වහලුන් ලෙස කාන්තාවන් සේවයේ යෙදවීම ඉන්දියාව තුල බහුලව දක්නට ලැබෙන බව එමගින් අවධාරණය කෙරේ.  මේ ශ්‍රේණිගත කිරීම්වල දෙවැනි ස්ථානයට ඇෆ්ගනිස්ථානය පත්ව ඇති අතර තුන්වන ස්ථානය සිරියාවට හිමිවී ඇත.  මෙහි මුල් දස දෙනා අතරට එක්ව සිටින එකම බටහිර රට වන්නේ අමෙරිකාවයි.  ඉන්දීය දත්ත අනුව 2007 වසරේ සිට 2016 දක්වා කාන්තාවන්ට එරෙහි අපරාධ ප්‍රමානය සියයට 83 කින් ඉහළ ගොස් තිබේ.

තුර්කි ජනාධිපතිවරණයේදී වත්මන් ජනපතිට පහසු ජයක්

තුර්කි ජනාධිපතිවරණයෙන් තමා ජයගත් බව වත්මන් ජනාධිපති රෙජෙප් ටයිප් එර්දගොන් නිවේදනය කරයි. ඡන්ද සංඛ්‍යාවෙන් සියයට 98 ක් මේ වන විට ගනන් කර අවසන් වී තිබේ. ඒ අනුව රෙජෙප් ටයිප් එර්දගොන් ලබා ඇති ඡන්ද සංඛ්‍යාව සියයට 52 යි දශම 5 කි. ප්‍රධාන ප්‍රතිවාදී අපේක්ෂක  මුහරීම් ඉන්ජේට ලැබී ඇත්තේ ඡන්ද සියයට 30 යි දශම 8 ක් පමණි.

තායිලන්තයේදී අතුරුදන්වු තරුණ පාපන්දු කණ්ඩායම සොයා පුඵල් මෙහෙයුමක්

 

තායිලන්තයේ උතුරුදිග ප්‍රදේශයේ ගුහාවකට ඇතුඵවීමෙන් පසුව අතුරුදන්වී ඇති තරුණ පාපන්දු කණ්ඩායමේ සාමාජිකයන් සෙවීම සදහා දැන් පුඵල් මෙහෙයුමක් ආරම්භ කර තිබේ.  කණ්ඩායමේ සාමාජිකයන් සහ ඔවුන්ගේ පුහුණුකරු ගුහාවට ඇතුඵවී ඇත්තේ පසුගිය සෙනසුරාදාය.  ඔවුන් ඊට ඇතුල්වීමෙන් පසුව හටගත් ධාරාණිපාත වර්ෂාවෙන් ගුහාවට පිවිසෙන දොරටුව ජලයෙන් යටවිය.  කිලෝමිටර් ගණනාවක් පොළව තුළට විහිදුනු එම ගුහාව සංචාරක ආකර්ශනීය ස්ථානයකි.

තුර්කි පාර්ලිමේන්තු මැතිවරණය හා ජනාධිපතිවරණය අදයි

තුර්කි පාර්ලිමේන්තු මැතිවරණය හා ජනාධිපතිවරණය අද පැවැත්වේ.  ඡ්න්දය ප්‍රකාශ කිරීම මේ වන විට සිදු වේ.  ජනාධිපති රිසෙප් ටායිප් එර්ඩොගාන් මහතා ඉදිරි පස් වසර සදහා යලිත් පත් කර ගන්නේ ද නැද්ද යන්න ඡන්දදායකයෝ අද තීරණය කරති.   එර්ඩොගාන් මහතා ජයග්‍රහණය කළොත් ප්‍රජාතන්ත්‍රවාදි පාලනය දුර්වල කෙරෙන නව තීති ඔහු විසින් සම්මත කර ගනු ඇතැයි විශ්වාස කෙරේ.  කෙසේවෙතත් ජනාධිපතිවරයාට මධ්‍යම වාමාංෂික අපේක්ෂකයෙකු වන එරට රිපබ්ලිකන් ජනතා පක්ෂයේ මුහර්රෙම් ඉන්සෙ මහතාගෙන් දැඩි අභියෝගයක් එල්ල වී තිබේ. 2016 වසරේ  තුර්කියේ ඇති වු කුමන්ත්‍රණය අසාර්ථක වීමෙන් පසු රට තුළ තවමත් හදිසි නීතිය ක්‍රියාත්මක වේ

Subcategories