Sun11182018

Last updateSat, 17 Nov 2018 9am

Sport News

ශ්‍රි ලංකා බටහිර ඉන්දිය කොදෙව් 3 වන ටෙස්ට් තරගය අද

ශ්‍රි ලංකාව සහ බටහිර ඉන්දිය කොදෙව් කණ්ඩායම් අතර 3 වන ටෙස්ට් තරගය ශ්‍රි ලංකා වේලාවෙන් අද රාත්‍රි 11 30 ට ආරම්භවෙයි.  එය දිවා රාත්‍රි තරගයකි. ශ්‍රි ලංකා කණ්ඩායම සුරංග ලක්මාල් මෙහෙය වන අතර කොදෙව් පිලේ නායකත්වය දරන්නේ ජේසන් වෝල්ඩය. මෙතෙක් පැවති තරග දෙකෙන් එක් තරගයක් ජයගෙන කොදෙව් පිල මේ වන විට ඉදිරියෙන් සිටි.

ශ්‍රි ලංකා බටහිර ඉන්දිය කොදෙව් දෙවැනි දිවාරාත්‍රි ටෙස්ට් ක්‍රිකට් තරගය ශ්‍රි ලංකා වේලාවෙන් අද රාත්‍රි 11.00 ට

රෝස පැහැති පන්දුව භාවිත කරමින් පැවැත්වෙන 10 වැනි දිවා රාත්‍රි ජාත්‍යන්තර ටෙස්ට් ක්‍රිකට් තරගය ශ්‍රී ලංකා-බටහිර ඉන්දිය කොදෙව් අතර අද ශ්‍රී ලංකා වේලාවෙන් රාත්‍රි 11.30 ට ඇරඹේ.  ශ්‍රී ලංකාව සහභාගී වන දෙවන දිවා රාත්‍රි ටෙස්ට් ක්‍රිකට් තරගය මෙයයි.  බටහිර ඉන්දිය කොදෙව් දුපත් හි පැවැත්වෙන පළමු දිවා රාත්‍රී ටෙස්ට් තරගය ද මෙය වේ.

ක්‍රිඩා ගුරුවරුන් හාරදහසකට ආසන්න පිරිසක් ඉදිරි සති තුනේදී පාසල්වලට

ඉදිරි සති තුනේදී ක්‍රිඩා ගුරුවරුන් 3850 දෙනෙකු බදවා ගන්නා බව ඇමති අකිල විරාජ් කාරියවසම් මහතා පවසයි.  ජාතික හා දිස්ත්‍රික් මට්ටමින් ඔවුන් තෝරා ගැනුණි. ක්‍රිඩාවෙන් දක්‍ෂතා දැක්වු අය මේ සදහා තෝරාගෙන තිබේ.  ඊයේ කොළඹ පැවැති ප්‍රවෘත්ති සාකච්ඡාවකදී ඇමතිවරයා මේ බව කිීවේය.  සමස්ත ලංකා පාසල් සහාය දිවීමේ තරගාවලිය ලබන 24 වැනිදා සිට බදුල්ල වින්සන්ට් ඩයස් ක්‍රිඩාංගනයේදී ඇරඹෙයි.  ඒ පිළිබඳව දැනුවත් කිරීමට මෙම මාධ්‍ය හමුව පැවැත්වුණි. තරගාවලිය සදහා ක්‍රිඩක ක්‍රිඩිකාවෝ අටදහසක් පමණ සහභාගී වෙති කි‍්‍රඩා උලෙල සදහා මයිලෝ අනුග‍්‍රහය දක්වන අකර එම ආයතනයේ උප සභාපති බන්දුල එගොඩගේ අධ්‍යාපන අමාත්‍යංශයේ ක‍්‍රිඩා උපදේශක සුනිල් ජයවීර මහතාද මෙහිදි අදහස් දැක්වීය.

ශ්‍රී ලංකා ක්‍රිකට් නායකයාගේ අභියාචනය ජාත්‍යන්තර ක්‍රිකට් කවුන්සිලය හමුවේ සලකා බැලීම අද


ශ්‍රිී ලංකා ක්‍රිකට් නායක දිනේෂ් චන්දිමාල් ඉදිරිපත් කළ අභියාචනය සලකා බැලීම ජාත්‍යන්තර ක්‍රිකට් කවුන්සිලයේ විනය කමිටු සභාපති මයිකල් බ්ලොෆ් මහතාගේ ප්‍රධානත්වයෙන් අද සිදුවෙයි. තමා වරදකරු කරමින් ලබාදුන් තීන්දුවට එරෙහිව දිනේෂ් චන්දිමාල් ඊයේ ජාත්‍යන්තර ක්‍රිකට් කවුන්සිලයට අභියාචනයක් ඉදිරිපත් කළේය. ශ්‍රී ලංකා-බටහිර ඉන්දිය කොදෙව් දෙවන ටෙස්ට් ක්‍රිකට් තරගය අතරතුර පන්දුවේ ස්වභාවය වෙනස් කිරීම සම්බන්ධයෙන් ශ්‍රී ලංකා නායක දිනේෂ් චන්දිමාල්ට එල්ලවී තිබු චෝදනාවලට ඔහු වරදකරු බව තීරණය කෙරින. ඒ අනුව ජාත්‍යන්තර ක්‍රිකට් කවුන්සිලය නිවේදනය කලේ චන්දිමාල්ට එක් තරගයක තහනමක් පැනවීමට හා දෙවන ටෙස්ට් ක්‍රිකට් තරගයේ තරග මුදල සියයට 100 ක දඩ මුදලක් ලෙස නියම කිරීමට තීරණය කර ඇති බවයි.

ශ්‍රි ලංකා ක්‍රිකට් නායක දිනේෂ් චන්දිමාල්ට තරග තහනමක්

පන්දුව පඑඳු කිරීමේ චෝදනාවට ලක් වූ ශ්‍රී ලංකා ක්‍රිකට් කණ්ඩායමේ නායක දිනේෂ් චන්දිමාල්ට ජාත්‍යන්තර ක්‍රිකට් කවුන්සිලය ටෙස්ට් තරග තහනමක් පනවයි. ඒ අනුව බටහිර ඉන්දීය කොදෙව් කණ්ඩායම සමග පැවැත්වෙන තෙවන තරගය ඔහුට අහිමි වී තිබේ. ඊට අමතරව දෙවන ටෙස්ට් තරගයේදී ඔහුට හිමිවිය යුතු මුදල සම්පූර්ණයෙන් කපා හැරේ. කොදෙව් කණ්ඩායම සමග පැවති දෙවන තරගයේ දෙවන දිනයේදී ශ්‍රී ලංකා ක්‍රීඩකයන් පන්දුවේ හැඩය වෙනස් කළ බවට චෝදනා එල්ල විය. ඒ සම්බන්ධයෙන් කොදෙව් කණ්ඩායමට දඩුවම් ලකුණු 5 ක් එකතු වූ අතර නායක චන්දිමාල්ට එරෙහිව චෝදනා ගොණු කෙරිණි. කණ්ඩායම් දෙක අතර තෙවන ටෙස්ට් තරගය ලබන සෙනසුරාදා ආරම්භ වෙයි.

Subcategories