Thu06202019

Last updateTue, 18 Jun 2019 8am

Local News

සයිටම් ආයතනයට සිසුන් බදවා ගැනිම හා උපාධි පිරිනැමිම නතර කිරිමට උපදෙස්

සයිටම් ආයතනය සම්බන්ධයෙන් රජය පනවා ඇති කොන්දේසි විශේෂ ගැසට් නිවේදනයක් මගින් ප්‍රකාශයට පත් කරන බව ජනාධිපති ලේකම් කාර්යාලය පවසයි. රජයේ ගැසට් නිවේදනයේ ඇති කොන්දේසි සම්පුර්ණ කරන තුරු එම පෞද්ගලික වෛද්‍ය විද්‍යාලයට සිසුන් බඳවා ගැනීම හා උපාධි පිරිනැමිම නතර කිරිමට උපදෙස් ලබා දි ඇතැයි ජනාධිපති ලේකම් පි බි අබේකෝන් මහතා නිකුත් කල නිවේදනයෙහි දැක්වෙයි.

 ශ්‍රී ලංකා වෛද්‍ය සභාවට කිසිදු පුද්ගලයෙකුගෙන් හෝ ආයතනයකින් බලපෑම් සිදු නොවිය යුතුයි.  සයිටම් හි දැනට ඉගෙනුම ලබන සිසුන්ගේ පාඨමාලා ශ්‍රී ලංකා වෛද්‍ය සභාවට පිළිගත හැකි පරිදි සකස් කිරීම මෙන්ම එම සිසුන් නිසිපරිදි ලියාපදිංචි කිරීමේ ක්‍රමවේදයක් සකස් කෙරෙන බවද එම නිවේදනයෙහි දැක්වෙයි. මිට අමතරව සයිටම් ආයතනයේ පරිපාලන ව්‍යුහය වෙනස් කොට රජයේ හා පෞද්ගලික අංශයේ ඒකාබද්ධ ව්‍යාපෘතියක් ලෙස පවත්වා ගෙන යාමට විධිවිධාන සැලසෙයි.

සයිටම් වෛද්‍ය විද්‍යාලයට අවශ්‍ය අරමුදල් ලබාගැනිම සදහා එය කොටස් වෙළෙදපලට ඇතුලත් කිරිම හෝ වෙනත් අරමුදලක් පිහිටුවිම සම්බන්ධයෙන් සාකච්ඡා කෙරේ. මෙම කරුණු වලට අමතරව තවත් ගැටලු වේ නම් ඒවා විසදිම සදහා අදාල සියලුම පාර්ශ්ව සමග සාකච්ඡා කිරිමට රජය අපේක්ෂා කරයි. ජනාධිපති මෛත්‍රිපාල සිරිසේන මැතිතුමාගේ උපදෙස් මත ජනාධිපති ලේකම් කාර්යාලය මෙම කරුණු නිවේදනය කර තිබේ.

සයිටම් ගැටඵව සම්බන්ධයෙන් රජයේ විසදුම් මාලාව ප්‍රකාශයට පත් කෙරේ.

 

සයිටම් ආයතනයේ වෛද්‍ය පීඨය සම්බන්ධයෙන් උද්ගතව ඇති ගැටඵව නිරාකරණය කරගැනීම සදහා ජනාධිපති මෛත්‍රිපාල සිරිසේන මැතිතුමා විසින් පත්කළ කමිටුව මගින් රජයේ විශ්වවිද්‍යාලවල වෛද්‍ය පීඨ. පීඨාධිපතිවරුන් ඇතුඵව විවිධ පාර්ශව සිදුකළ නිර්දේශ සැලකිල්ලට ගෙන සියඵ පාර්ශවකරුවන්ට සාධාරණ වන සහ රජයේ ප්‍රතිපත්තියට අනුකුලවන ස්ථීර විසදුමක් ලබාදීම සදහා යෝජනා කිහිපයක් ඉදිරිපත් කරයි.

Read more...

සයිටම් ගැටඵවට සියලු දෙනාට පිළිගත හැකි සාධාරණ විසදුමක් ලබාදෙන බව උසස් අධ්‍යාපන රාජ්‍ය ඇමති කියයි

සයිටම් ගැටඵව සියලු දෙනාට පිළිගත හැකි සාධාරණ ආකාරයට විසදීමට රජය ක්‍රියාකරන බව උසස් අධ්‍යාපන හා සංස්කෘතික රාජ්‍ය ඇමති මොහාන් ලාල් ග්‍රේරු මහතා පවසයි.  විකල්ප ක්‍රියාමාර්ග සදහා දැනටමත් අවශ්‍ය පියවර ගෙන ඇත.  ඊට සියලු පාර්ශ්වයන්හි සහාය අවශ්‍ය වෙයි.  නව අමාත්‍ය ධුරයේ නිල රාජකාරි ආරම්භ කරමින් ඔහු මේ බව කීවේය. 

Read more...

සයිටම් ගැටළුව විසඳීමට ප්‍රතිපත්තිමය තින්දු රැසක් ගෙන ඇති මොහොතක දේශපාලන අවශ්‍යතා අනුව වැඩවර්ජනවල නිරතවීම පිළිබඳව ජනාධිපතිතුමා කනගාටුවට පලකරයි.

සයිටම් පෞද්ගලික වෛද්‍ය විද්‍යාලය පදනම් කරගනිමින් නිර්මානය වු ගැටළු නිරාකරණයට වගකිව යුතු රජයක් ලෙස ප්‍රතිපත්තිමය තීන්දු තිරණ රැසක් ගෙන ඇති අවස්ථාවක දේශපාලන න්‍යාය පත්‍ර අනුව කටයුතු කරමින් ඇතැම් පිරිස් වැඩවර්ජනවල නිරතවීම පිළිබඳව තමා සැබවින්ම කනගාටු වන බව ජනාධිපති මෛත්‍රිපාල සිරිසේන මැතිතුමා පවසයි. අනුරාධපුරයේ ඊයේ (05) පැවති උත්සවයකට එක්වෙමින් එතුමා ඒ බව සඳහන් කලේය. 

දේශපාලන අතකොලු බවට පත්නොවී තමන්ගේත් රටේත් අනාගතය වෙනුවෙන් තම අධ්‍යාපන කටයුතු සාර්ථක කරගන්නැයි ජනාධිපතිතුමා සියලු වෛද්‍ය පීඨ සිසුන්ගෙන් ඉල්ලා සිටියේය.  රටේ අධ්‍යාපනයේදි කිසිඳු දරුවෙකුට අසාධාරණයක් සිදුවීමට තමා ඉඩ නොදෙන බවට එතුමා සහතික විය.  සයිටම් පෞද්ගලික වෛද්‍ය විද්‍යාලය පිළිබඳ ගැටඑ රැසකට රජය මේ වන විට විසූඳුම් ලබාදි අවසන්ය.  එහි සිසුන් සඳහා සායනික පුහුණුව අනිවාර්යය කිරීම. ශ්‍රි ලංකා වෛද්‍ය සභාව සහ විශ්ව විද්‍යාල ප්‍රතිපාදන කොමිසම අනුමත කරන පරීක්ෂණයකට පෙනී සිටිම අනිවාර්යය කිරීම. වෛද්‍ය උපාධියට අවම සුදුසුකම් නිවේදනය කිරිම. අදාල පෞද්ගලික රෝහල් රජයට පවරා ගැනිම.

තනි පුද්ගලයෙකු සතුව තිබූ ආයතනය සමුහීක ව්‍යාපාරික ආයතනයක් බවට පත්කිරිම. ආයතනයේ පරිපාලනය රජය නිර්දේශ කරන පාලක මණ්ඩලයක් යටතට පත්කිරිම ඇතුඑ පියවර රැසක් ඒ යටතේ ගෙන තිබේ.  දේශපාලන අවශ්‍යතා අනුව සිදුකෙරෙන වැඩවර්ජන වලින් පිඩාවට පත්වන්නේ වරප්‍රසාද ලක් පංතිය නොව රටේ අහිංසක පොදු මහජනතාව බව පෙන්වා දුන් ජනාධිපතිතුමා ගැටඑවක් ඇත්නම් රජය සමග සාකච්ඡා කිරීමේ අවස්ථාව ඕනෑම වෘත්තීය සමිතියකට ඇති බව සඳහන් කලේය  සමස්ථ ලෝකවාසී බෞද්ධ ජනතාවටම බෞද්ධ දර්ශනය පිළිබඳ උතුම් පණිවුඩයක් ලබාදෙමින් එක්සත් ජාතීන්ගේ වෙසක් දින සමරු උළෙල අති උත්කර්ශවත් අන්දමින් මෙවර ශ්‍රි ලංකාවේදි පැවැත්විමට සියලු කටයුතු සුදානම් කර තිබේ  එවන් අවස්ථාවක පොදු ජනතාවගේ ජන ජීවිතය අඩාල කරමින් හා රට නොසන්සුන් කරමින් වෛද්‍යවරුන්ගෙන් කොටසක් සහ වෘත්තීයස මිති කිහිපයක් වැඩවර්ජනවල නිරතවීම ඉතාමත් කනගාටුදායක බව ජනාධිපතිතුමා පැවසීය

ජාත්‍යන්තර වෙසක් දින උළෙලේදි සමාරම්භක උත්සවයට සහභාගී වීම සඳහා ඉන්දිය අගමැති නරේන්ද්‍ර මෝදි මහතා දිවයිනට පැමිණෙන අවස්ථාවේ කලු කොඩි ඔසවන්නැයි ඇතැමුන් කළ ඉල්ලීම සිහිපත් කළ ජනාධිපතිතුමා ශ්‍රි ලංකාවට බුදුදහම රැගෙන ඒමේ සිට පවතින ඉන්දු ශ්‍රි ලංකා සබඳතා ශක්තිමත් ඉදිරියට ගෙනයාම යුන මව්බිම ඉන්දියාවට යටතේ කිරිමක් නොවන බව අවධාරණය කලේය  මව්බිමට අවාසිදායක කිසිඳු ගිවිසුමකට කිසිඳු රටක් සමග අත්සන් නොතබන බවට එතුමා යළි සහතික විය.  තමන් බලයට පත්වුයේ රටෙන් කොටසක් තවත් රටකට ලබාදීමටවත්. විදේශයන් සමග රටට අහිතකර ගිවිසුම්වලට අත්සන් තැබා ජනතාවගේ වරප්‍රසාද සහ අයිතිවාසිකම් අහිමිකිරීමටවත් නොවන බව ජනාධිපතිතුමා අවධාරණය කලේය  අනුරාධපුර උතුරු මැද පළාත්සභා සංකීර්ණ පරිශ්‍රයේ ඉදිකළ අභිනව බුද්ධ ප්‍රතිමා වහන්සේ නිරාවරණය කිරිම නිමිත්තෙන් උත්සවයපැවැත්විණි.  අභිනව බුද්ධ ප්‍රතිමාවහන්සේ සඳහා ප්‍රථම මල් පුජාව සිදුකර ආගමික වතාවත්වල නිරතවු ජනාධිපතිතුමා මහා සංඝරත්නයේ සියක් නමක් උදෙසා පැවති දානමය පිංකමට ද සහභාගි විය.  රුවන්වැලි සෑ විහාරාධිපති පුජ්‍ය පල්ලේගම හේමරතන නායක ස්වාමින්වහන්සේ ප්‍රමුඛ මහා සංඝරත්නය ද මැති ඇමතිවරු රැසක් ද එම අවස්ථාවට එක්ව සිටියහ.

මේ අතර තමන්කඩුව ප්‍රාදේශිය ලේකම් කාර්යාලය සඳහා රුපියල් අට කෝටි හැත්තෑ ලක්ෂයක විදයමින් ඉදිකළ නව පරිපාලන ගොඩනැගිල්ල විවෘත කිරිම ද ජනාධිපතිතුමාගේ ප්‍රධානත්වයෙන් අද පෙරවරුවේ සිදුවිය.

සයිටම් ප්‍රධාන විධායක නිලධාරියාට වෙඩි තැබීමේ සිද්ධිය පිළිබඳව පුඵල් පොලිස් පරීක්‍ෂණ.

මාලෙඹ් සයිටම් පෞද්ගලික වෛද්‍ය විද්‍යාලයේ ප්‍රධාන විධායක නිලධාරී වෛද්‍ය සමීර සේනාරත්න මහතාට වෙඩි තැබීමේ සිද්ධිය පිළිබඳව මුල්ලේරියාව පොලිසිය පරීක්‍ෂණ අරඹයි.  තමාට දුරකථනයෙන් මරණීය තර්ජන එල්ල වන බවට ඒ මහතා මීට පෙර පොලිසියට පැමිණිලි කර තිබු බව පොලිස් මුලස්ථානය කියයි.

Subcategories

  • මේ වසරේදි දිවයින පුරා ආදර්ශ ගම්මාන 600 ක් ඉදිකිරීමට පියවර

    මේ වසර තුළ දිවයින පුරා  ආදර්ශ ගම්මාන  600 ක් ඉදිකරන බව ජාතික නිවාස සංවර්ධන අධිකාරියේ සභාපති ලක්විජය සාගර පලන්සූරිය මහතා කියයි. ඒ සදහා අවශ්‍ය  භූමිය දැනටමත් හදුනාගෙන අවසන්ය. 2020 වනවිට ආදර්ශ  ගම්මාන 2500 ක් ඉදිකිරිම ඉලක්කයවී තිබේ.  සැමට සෙවන ජාතික නිවාස වැඩපිළිවෙලේ  පසුගිය අත්දැකිම් මේ සදහා යොදා ගැනේ.  අමාත්‍ය  සජිත් ප්‍රේමදාස මහතාගේ මෙහෙයවිම යටතේ වැඩපිළිවෙල ක්‍රියාත්මකයි . නිවසක සැබෑ අවශ්‍යතාව පවතින පුද්ගලයන් හදුනාගෙන ඔවුන්ට මෙම නිවාස  ලබාදීමට කටයුතු කෙරේ..  . මෙම වැඩපිළිවෙල  සදහා රජය වෙන් කර ඇති මුදල රුපියල්  මිලියන දසදහසකි.