Sun06162019

Last updateFri, 14 Jun 2019 6pm

Business News

තේ කිලෝවක් රුපියල් 53 කින් පහතට

අපනයන තේ කිලෝවක් සඳහා වන මිල මේ වසරේදී රුපියල් 53 කින් පමණ පහත වැටී ඇති බව තැරැව්කාර සමාගම් පෙන්වා දෙයි. පසුගිය වසරේ දී අපනයන තේ කිලෝවක මිල රුපියල් 597 යි ශත 16 ක් පමණ විය. එහෙත් මේ වසරේදී එය රුපියල් 543 යි ශත 85 ක් පමණ වන බව එම සමාගම් සඳහන් කරයි.

යුරෝ ෆෝ ඉන්ධන බෙදා හැරීම නිල වශයෙන් හෙට සිට

 

ඉහළ ප්‍රමිතියෙන් යුත් යුරෝ ෆෝ ඉන්ධන බෙදා හැරීම නිල වශයෙන් හෙට ආරම්භ කරන බව ලංකා ඛණීජතෙල් සංස්ථාව පවසයි.  එම ඉන්ධන දිවයිනේ සියඵම ඉන්ධනහල්වෙත බෙදාහැරීම මේ වනවිට සිදුවන බව සංස්ථාවේ අධ්‍යක්‍ෂ ජනරාල් ක්‍රිශාන්ත වික්‍රමසිංහ මහතා පවසයි.  සුපර් ඩීසල් සහ ඔක්ටේන් 95 වෙනුවට එම ඉන්ධන වර්ගය  හදුන්වාදී තිබේ

ශ්‍රී ලංකාව සහ තායිලන්තය අතර ගුවන්සේවා ගිවිසුමක්

ශ්‍රී ලංකාව සහ තායිලන්තය අතර ගුවන්සේවා ගිවිසුමකට එළඹෙයි.  දෙරට අතර ගුවන්සේවා සැලසුම් පිළිබඳව දෙරටේ ගගණ නාවික බලධාරීහු ඉකුත් වසරේ දෙසැම්බර් මාසයේදී කොළඹ පැවැති සිවිල් ගුවන්සේවා සමුඵවේදී සාකච්ඡා කළහ.  එහිදී මෙම ගිවිසුම සම්බන්ධයෙන් දෙපාර්ශවය එකගතාවයකට එළඹුනි.

ශ්‍රි ලංකා සිංගප්පුරු වෙළඳ ගිවිසුම පිළිබඳව මහා සංඝරත්නය දැනුවත් කෙරේ

ශ්‍රි ලංකාව සහ සිංගප්පුරු රජය අත්සන් කළ වෙළඳ ගිවිසුම පිලිබඳව අමාත්‍ය මලික් සමරවික්‍රම මහතා එහි ඇතුලත් කරුණු පැහැදිලි කරමින් මහානායක හා අනුනායක ස්වාමින්වහන්සේට ලිපියක් යොමුකර තිබේ.  එමගින් ගිවිසුම පිළිබඳව ඒකාබද්ධ විපක්ෂය ඇතුඑ පිරිසක් ඉදිරිපත් කර ඇති ප්‍රධාන චෝදනා කිහිපයකට ද පිලිතුරු ලබාදි ඇත.  මෙම ගිවිසුමට නීතිපතිවරයාගේ නිරික්ෂණ ලබාගැනීමෙන් පසු එහි අවසන් කෙටුම්පත මේ වසරේ ජනවාරි 16 වැනිදා ඇමති මණ්ඩලය වෙත ඉදිරිපත් කොට අනුමැතිය ලබාගත් බව ද එහි දැක්වේ.  මෙරටට වෙළඳූ ප්‍රතිපත්තියක් නොමැති බවට පැතිරෙන්නේ දුර්මතයකි.  2017 අගෝස්තු 01 වැනිදා කැබිනට් අනුමැතියක් සහිතව නව වෙළඳ ප්‍රතිපත්තියක් සම්මත කර ඇති බව ඇමතිවරයා කියා සිටි.  එම ප්‍රතිපත්තිය සකස්කර ඇත්තේ වසරකට ආසන්න කාලයක් ජාත්‍යන්තර වෙළඳූාමට අදාල සියලු රාජ්‍ය ආයතන. කර්මාන්ත සංගම්. වානිජ මණ්ඩලවල අදහස් ලබා ගනිමිනි.  ජනාධිපති ආර්ථික උපදේශක ආචාර්ය සරත් රාජපතිරාජ මහත්මයාගේ මුළිකත්වයේන යුත් කමිටුවක් සිදුකල කෙටුම්පත් ගනනාවකින් පසු මෙම ගිවිසුම සකස්කර තිබේ.  පුද්ගල සේවා සැපයිමට සිංගප්පුරු මිනිස් බල සමාගම් පිහිටුවන බවත්.   එහිදී විවිධ කම්කරු රැකියා අවස්ථා එම රටවල ජනතාවට උදාවන බවටත් එල්ලවී ඇති චෝදනා ඇමතිවරයා තරයේ ප්‍රතික්ෂේප කරයි.  අවශ්‍ය නම් ගිවිසුම අත්සන් කොට වසරක් තුල දෙපාර්ශවය සාකච්ඡා කර තීන්දු තිරණ ගතහැක.  එසේම දෙපාර්ශවයෙන් ඕනැම පාර්ශවයකට මාස 12 ක දැනුම්දිමෙන් පසුව සම්පුර්ණයෙන් අවලංගු කල හැකිවෙයි.  මේ අතර ගිවිසුම සම්බන්ධයෙන් පාර්ලිමේන්තු විවාදයක් ලබාදෙන්නැයි පාර්ලිමේන්තු මන්ත්‍රි දිනේෂ් ගුනවර්ධන මහතා කථානායක වරයාගෙන් ඉල්ලීමක් කර ඇත.  එම ඉල්ලිම ලිඛිතව කර ඇතැයි ද වාර්තා වෙයි.

පහවසර ශිෂ්‍යත්ව සම්මන්ත්‍රණ මාලාව 18 වැනි වතාවටත්

ජාතික ඉතිරි කිරීමේ බැංකුව හපන් ඉතිරි කිරීමේ ගිණුමේ අනුග්‍රහයෙන් සංවිධාන කෙරෙන පහවසර ශිෂ්‍යත්ව සම්මන්ත්‍රණ මාලාව 18 වැනි වතාවටත් දිපව්‍යාප්ත මට්ටමින් පැවැත්වෙයි.  දිවයිනපුරා ඇති ජාතික ඉතිරි කිරීමේ බැංකු ශාඛා මහ තැපැල් බැංකු ජාලයේ මුලිකත්වයෙන් ප්‍රවීන දේශක මඩුල්ලකගේ සහභාගිත්වයෙන් දරුදැරියන් පහවසර ශිෂ්‍යත්ව විභාගයට වඩාත් සාර්ථකව මුහුණදීමට සුදානම් කිරීම සම්මන්ත්‍රණ මාලාවේ අරමුණයි.  ශ්‍රී ලංකා අන්තරාසර්ගවේදින්ගේ සංගමයේ වෛද්‍යවරුන් එම සම්මන්ත්‍රණවලදී දරුවන් හා දෙමව්පියන් බෝ නොවන රෝග පිළිබඳව දැනුවත් කිරීමට නියමිතයි.