Wed11212018

Last updateTue, 20 Nov 2018 3pm

Business News

ශ්‍රී ලංකා දැව කර්මාන්තයට ඉහල වටිනාකමක්

ශ්‍රී ලංකා දැව කර්මාන්ත වටිනාකම ඉහල නැංවීම කෙරෙහි රජයේ අවධානය යොමු වෙයි.  ශ්‍රී ලංකාවේ ක්‍රියාත්මක විවිධ කර්මාන්ත හා සැසදීමේ දී දැව හා දැව ආශ්‍රිත කර්මාන්ත ක්‍ෂේත්‍රයේ පෙන්වන ප්‍රගතිය මන්දගාමි බව වාර්තා තහවුරු කරයි.  වනාන්තරවල ආරක්ෂාව සහ ධාරිතාව අතර සමබරතාවක් පවත්වා ගනිමින් දැව නිෂ්පාදන සංවර්ධනය කළ යුතු බව රජය අවබෝධ කර ගෙන තිබේ.  මේ සදහා නවෝත්පාදන මධ්‍යස්ථාන ඉදිකිරීමට මුදල් වෙන් කර ඇත.

මේ වසරේ මුල් මාස 4 තුල විදේශීය සංචාරකයන් අටලක්ෂ අසූඅටදහස් තුන්සියපනස් නව දෙනෙකු දිවයිනට

මේ වසරේ මුල් මාස 4 තුල විදේශීය සංචාරකයන් අටලක්ෂ අසූඅටදහස් තුන්සියපනස් නව දෙනෙකු දිවයිනට පැමිණ ඇතැයි ශ්‍රි ලංකා සංචාරක සංවර්ධන අධිකාරිය පවසයි.  එය පසුගිය වසරේ අදාල කාලය හා සැසදීමේදී සියයට 16 ක වර්ධනයකි.  වැඩිම සංචාරකයන් පිරිසක් පැමිණ ඇත්තේ ඉන්දියාවෙනි.  බ්‍රිතාන්‍ය. චීනය. ඔස්ට්‍රේලියාව. ජර්මනිය. හා අමෙරිකාව වැඩි සංචාරකයන් පිරිසක් පැමිණි සෙසු රටවල් වෙයි.

ශ්‍රි ලංකා තොරතුරු තාක්ෂණ තත්ත්ව මට්ටම සිංගප්පුරුවේ සහ ඩුබායි හි උසස් තාක්ෂණයට සමාන බව මයික්‍රොසොෆ්ට් ආයතනය කියයි

 

 

ශ්‍රි ලංකා තොරතුරු තාක්ෂණ තත්ත්ව මට්ටම සිංගප්පුරුවේ සහ ඩුබායි හි  උසස් තාක්ෂණයට සමාන බව මයික්‍රොසොෆ්ට් ආයතනය සදහන්  කරයි. එම ආයතනය සහ  ශ්‍රි ලංකාවේ තොරතුරු තාක්ෂණ මධ්‍යස්ථානය ඊයේ නව ගිවිසුමකට අත්සන් තැබිය .  මෙරට කර්මාන්ත  සේවා . රාජ්‍ය අංශ ඩිජිටල්කරණය කිරිම සදහා ආධාර  කිරිමට මයික්‍රොසොෆ්ට් ආයතනය සූදානම්ව සිටි.   මේ වනවිට ලක්ෂ 60 ක් පමණ  මෙරට අන්තර්ජාලය භාවිත කරන අතර   ඉන් ලක්ෂ 50 ක් ෆේස්බුක් භාවිතා කරති

ගොවීන් අතර මෙන්ම කෘෂිකර්ම ක්ෂේත්‍ර නිලධාරීන් අතරද තරගයක්

ගොවීන් අතර මෙන්ම කෘෂිකර්ම ක්ෂේත්‍ර නිලධාරීන් අතරද තරගයක් පවත්වා හොදම වගාකරුවන්ට ත්‍යාග සහ සහතික පත්‍ර ප්‍රදානය කරන බව මහින්ද අමරවීර අමාත්‍යවරයා පවසයි. ගෙවතු වගා තරගය දිවයින පුරාම පැවැත්වේ. එහිදී රසායනික පොහොර කෘමිනාෂක භාවිතයෙන් තොරව කරන වගාවන්ට විශේෂ ස්ථානයක් ලබා දෙන බව අමාත්‍යවරයා පවසයි. පලමු ආදර්ශය තම ගෙවත්තෙන් ලබා දෙන බවද ඇමතිවරයා ප්‍රකාශ කරයි.

රාමසාන් උත්සව සමයේ අවශ්‍ය තරම් රටඉදි තොග සැපයීමට පියවර

රාමසාන් උත්සව සමයේ ඉස්ලාම් බැතිමතුන්ගේ පරිභෝජනය සදහා අවශ්‍යතරම් රටඉදි තොග බෙදාහැරීමට කටයුතු කරන ලෙස අග්‍රාමාත්‍ය රනිල් වික්‍රමසිංහ මහතා අදාල බලධාරීන්ට උපදෙස් දෙයි.  මුස්ලිම් ආගමික කටයුතු ඇමති එම්. එච්. ඒ. හලීම් සහ ජාතික සමගිය හා සංහිදියාව පිළිබඳ රාජ්‍ය අමාත්‍ය ඒ. එච්. එම්. පවුසි යන මහත්වරුන්ගේ ඉල්ලීමකට අනුව අගමැතිවරයා මෙම උපදෙස්දී තිබේ.  රාමසාන් සමයේ ඉස්ලාම් බැතිමතුන්ගේ පරිභෝජනය සදහා මුස්ලිම් සිද්ධස්ථාන මගින් රටඉදි බෙදාහරි.  ඉකුත් වසරේ සෞදි අරාබිය නොමිලේ ලබාදුන් රටඉදි ටොන් 150 ක් ද. සතොස මගින් තවත් රටඉදි ටොන් 150 ක්ද බෙදාහැරීමට කටයුතු කෙරින.  මෙවර මැදපෙරදිග අස්වැන්න අඩුවීම නිසා නොමිලේ ලැබෙන රටඉදි  තොග අඩුවීමක් සිදුවී ඇත.  මේ හේතුවෙන් සතොස මගින් ප්‍රමාණවත් පරිදි රටඉදි තොග මැදිපෙරදිගින් ගෙන්වන ලෙස සතොස සභාපතිවරයාට හා මුදල් අමාත්‍යංශයේ නිලධාරින්ට උපදෙස්දී ඇත.  රටඉදි බෙදාහැරීමට මැතිහත්වන ලෙස කාගීල්ස් ආයතනය ඇතුඵ පෞද්ගලික අංශයට ද අගමැතිවරයා උපදෙස්දී තිබේ.