Sat04202019

Last updateFri, 05 Apr 2019 7pm

නවතම පුවත්

දකුණට ඉන්ෆ්ලූවෙන්සා?

දකුණු පළාතේ උණ රෝගීන් වාර්තා වීමේ වර්ධනයක් පෙන්නුම් කරන බව දකුණු පළාත් සෞඛ්‍ය සේවා අධ්‍යක්ෂ වෛද්‍ය ජී. විජේසුන්දර මහතා පැවසීය. මෙම උණ රෝගය ඉන්ෆ්ලූවෙන්සා ද යන්න තවමත් නිශ්චිතව හදුනාගෙන නොමැති බව සඳහන් කළ ඒ මහතා මෙම තත්ත්වය වර්ධනය වීම වළක්වා ගැනීමට අවශ්‍ය ආරක්ෂිත පියවර මේ වන විටත් ක‍්‍රියාත්මක කර ඇති බව ද පැවසීය.

දකුණු පළාත් මායිම් ප‍්‍රාදේශ වන ඇඹිලිපිටිය ආදී ප‍්‍රදේශ වල ද උණ රෝගීන් වාර්තා වන අතර කරාපිටිය ශික්ෂණ රෝහලේ දරුවන් පස් දෙනෙක් මිය යෑම ඉන්ෆ්ලූවෙන්සා රෝගී තත්ත්වයෙන් සිදුවුවක් ද යන්න තවමත් තහවුරු වී නොමැත.

නිතර කිවිසුම් යෑම, උගුරේ දැඩි වේදනාව, සෙම්ප‍්‍රතික්ෂාව යන රෝග ලක්ෂණ සමඟ උණ රෝගය පවතින්නේ නම් වහාම වෛද්‍ය ප‍්‍රතිකාර සඳහා යොමු වන ලෙස ද අනවශ්‍ය ලෙස සෙනඟ ගැවසෙන ස්ථානවලින් ඈත්ව සිටීම, කිවිසුම් යෑමේ දී මුඛය ආවරණය කර ගැනීම, දෑත් සබන් යොදා සෝදා ගැනීම යන ආරක්ෂිත පියවර අනුගමනය කරන ලෙස ද මහජනතාවගෙන් ඉල්ලා සිටියි.