Mon04062020

Last updateSat, 22 Feb 2020 6pm

නවතම පුවත්

කටහඬට අරුතක් - 2020


"කටහඬට අරුතක් - 2020" ජාතික වැඩසටහන

හැඳින්වීම

ශී‍්‍ර ලංකාව පුරා දසත විසිරී පැතිරී සිටින නිවේදක කුසලතාවය සහජයෙන් උරුමව ඉපිද නිසි මාර්ගෝපදේශකත්වයක් නොමැතිව මුළු ගැන්වී සිටින සුවහසක් අපේ තරුණ තරුණියන්ගේ හඬ පෞරුෂය හඳුනාගෙන නිවරැුදි ක‍්‍රමවේදය තුළින් ජාතික තලයට දැනුමෙන්, කුසලතාවයෙන්, පිරි නිවේදක නිවේදිකාවන් පිරිසක් එළිදක්වන මහා ජාතික මෙහෙවර කටහඬට අරුතක්.

කවුරුන් සඳහාද

වයස අවුරුදු 18-30 ත් අතර අධ්‍යාපන සුදුසුකම් සපුරා ඇති පරිපූර්ණ නිවේදක නිවේදිකාවන් වී ජීවිතය ජයගන්නට වෙර දරන අප මාතෘ භුමියේ සුවහසක් තරුණ තරුණියන් වෙනුවෙන් සියලූ භාෂා කතාකරන, සියලූ ජාතීන් නියෝජනය සහිිතව එළිදකින පරිපූර්ණ නිවේදකයින් ගුවන් විදුලියේම සම්පතක් නොවනු ඇත. රටේම අවශ්‍යතා සඳහා සහසම්බන්ධවන ප‍්‍රවීණයන් පිරිසක් වනු ඇත.

මෙහි වැදගත්කමක් තිබේද

රටට විවිධ රූපවාහිනි නාලිකාවලින් ගුවන් විදුලි නාලිකාවලින් හතු පිපෙන්නාක් සේ ජාතියට නිවේදක නිවේදිකාවන් දායාද කරනු ඇත. එය පැසසිය යුත්තකි. එහෙත් මෑත කාලයේ මෙලෙස ජාතියට දායාද කළ නිවේදක නිවේදිකාවන් තම වෘත්තියට අදාළව නිසි නිපුණතාවයක් නොමැතිවීම මේ හැම ජනතා හදවත් තුළ රැුදෙන්නට අපහසු වී ඇත. නිවේදකයෙකු හෝ නිවේදිකාවක ලෙස සියලූ ගුණාංගයන්ගෙන් සපිරි ඒ මහා පෞරුෂය රට නිවැරදි දිශාවට යොමු කරදීමේ අවශ්‍යතාවය අද රටට අවබෝධ වී ඇත. ඒ මහා ජාතික අවශ්‍යතාවයට ජාතික ගුවන් විදුලිය ලෙස අපි දෙවුර මත තබන්නට අදිටන් කර ඇත්තෙමු. එය කටහඬට අරුතක් 2020 වැඩසටහනයි.

මේ සඳහා ජාතික ගුවන් විදුලිය උර දුන්නේ ඇයි

ලෝකයේ දෙවන ගුවන්විදුලි ආයතනය ලෙසත් ආසියාවේ ප‍්‍රථම ගුවන්විදුලි ආයතනය ලෙසත්  1925 දෙසැම්බර් මස 16 දින ආරම්භවී දෙපාර්තමේන්තුවක් වශයෙන් ස්ථාපිතව, 1967 වර්ෂයේ සංස්ථාවක් බවට පත්වී ගෙවීගිය වසර 95 කට අධික කාලයක් ලාංකික ජනතාවගේ දැනුම, රසාස්වාදය, නිපුණතා සහ ආකල්ප වර්ධනය ස`දහා සංස්ථාව දායකවී තිබේ. ජාතික ගුවන්විදුලිය වශයෙන් මහජන ගුවන්විදුලියක කාර්යභාරය ඉටුකිරීම ශ‍්‍රී ලංකා ගුවන්විදුලි සංස්ථාව වෙත පැවරුණු ප‍්‍රධාන වගකීම වන්නේය.

ගුවන් විදුලිය මීට දශක ගණනාවකට පෙර සිටම මේ කටයුත්ත යම් දායකත්වයක් සැපයීය. විශේෂයෙන් මීට දශක පහකට පමණ කාලය තුළ ගුවන් විදුලියේ නිවේදක නිවේදිකාවන් මුළු රටම වැළඳගන්නා ලදී. ඔවුන් මුළු රටේම ජනතාවට සමීප වූ අතර, ඔවුන් රටේ මුළු මහත් අසන්නන්ගේම කුලූපඟ මිතුරන් විය. ඔවුන්ගේ දැනුම, චතුරත්වය, ඉදිරිපත්කිරීමේ විලාශය  සහ නිවැරදි බස හැසිරවීම රටක් වැළඳගන්නට හේතු විය. එදා එම ශිල්පීන්ගේ දක්ෂතාවයන්හි විවිධත්වයක් පෙන්නුම් කරන ලදී.

සිරිල් රාජපක්‍ෂ, බර්ටි ගලහිටියාව, අශෝක සිල්වා, තිස්ස ජයවර්ධන, රම්‍යා වනිගසේකර යන සන්නිවේදකයන් ප‍්‍රවෘත්ති ප‍්‍රකාශ ඉදිරිපත් කරන අවස්ථාවන්හිදී ජනතාවට සෙසු දෑ අමතක විය. තවද, එම ප‍්‍රවෘත්තිය ප‍්‍රවෘත්තියක්ම විය. ලලිත් එස්. මෛතී‍්‍රපාල, කරුණාරත්න අබේසේකර, චිත‍්‍රානන්ද අබේසේකර, පේ‍්‍රමකීර්ති ද අල්විස්, ආනන්ද පුංචිහේවා, සීලරත්න සෙනරත් නිවේදකයින් ගුවන්විදුලි වැඩසටහන් ඉදිරිපත් කරන විලාසයට රටම ආදරය කරන ලදී. මේ උදාහරණ කීපයක් පමණි. මේ අයගෙන් බහුතරයක් අපෙන් වියෝ වුවද ඔවුන්ගේ හඬ සහ හෙඬ් රසය කවදාවත් අපෙන් වියෝ වෙන්නේ නෑ. එවැනි ශ්‍රේෂ්ඨ පරපුරක් ජාතියට දායාද කිරීමේ ඉමහත් ගෞරවය ගුවන් විදුලියට නිතැතින්ම හිමිවන්නකි.

රටේ අප‍්‍රසාදයට ලක්වී ඇති නිවේදක කලාව යළි නගා සිටුවීම ස`දහා අලූත් පරපුරක් බිහිකිරීම, ඔවුන් නිවැරදි ඉලක්කය කරා රැුගෙන යාමේ ජාතික මෙහෙවර ඉටුකළ යුත්තේ ගුවන් විදුලි සංස්ථාවම විසිනි.

ඒ සඳහා අපට ඇති ශක්තිය

රටේ  ඕනෑම රූපවාහිනි ආයතනයක හෝ ගුවන් විදුලි ආයතනයක නිවේදකයෙක් නිවේදිකාවක් ලෙසින් නමක් දිනා ගත්තෙක් වී ද ඔහු හෝ ඇය නිවේදක කලාව පිළිබඳව අත්පොත් තබා ඇත්තේ බොහෝවිට ගුවන්විදුලිය තුළිනි.

එයට හේතුවු කරුණු කීපයකි. නිවේදක පාඨමාලාවක් හදාරා ඒ පිළිබඳව පූර්ව දැනුමක් ලබාගැනීමට ඇති අවකාශය, සහන නිවේදකයකු ලෙස සංස්ථාවට එකතුවී ඔවුන්ට සිය කුසලතාවය ප‍්‍රගුණ කරන්නට ඇති අවකාශය ගුවන්විදුලි සංස්ථව අවකාශ සලසා දී තිබීමයි.

මේ කටයුත්ත ඉටු කිරිම සඳහා අපට ඇති ශක්තිය සුවිශාලයි.

1    මුළු රටම ආවරණය වන ජාතික නාලිකා පද්ධතිය
2    රට පුරා විසිර පවතින ප‍්‍රාදේශීය සේවා පද්ධතිය
3    පරිණත කුසලතා පිරි කාර්ය මණ්ඩලය
4    පුහුණු අභ්‍යාස ආයතන උපකරණ පහසුකම්
5    ගුවන් විදුලි නාලිකා රැුසකින් සමන්විත වීම

මේ මහා ජාතික මෙහෙවර ඉටුකරන්නේ

ශී‍්‍ර ලංකාවේ  ඕනෑම පළාතක සුදුසුකම් සපුරන  ඕනෑම අයෙකුට මේ සඳහා අයදුම් කළ හැක.
1    වයස අවුරුදු 18-30 ත් අතර අයෙකු වීම
2    අ.පො.ස. (සා.පෙළ* , අ.පො.ස. (උ.පෙළ* සමත් වීම
3    කුසලතාවය (මුලික සුදුසුකම්*

අයදුම්පත් ලබාගැනීම

x    සංස්ථාවේ නිල වෙබ් අඩවියෙන් බාගත කරගත හැක. අඅඅගිකඉජගකන
x    ප‍්‍රධාන කාර්යාලය රජරට, කඳුරට, රුහුණු, වයඹ, දඹාන, පිරෙයි එෆ්.එම් සහ යාපනය ආදී ප‍්‍රාදේශීය සේවාවන් වෙතින් ලබාගත හැක.
 
අයදුම්පත් යොමුකිරීම

x    නිවැරදිව සම්පූර්ණ කළ අයදුම්පත් අධ්‍යක්‍ෂ ජනරාල්, ශී‍්‍ර ලංකා ගුවන් විදුලි සංස්ථාව, කොළඹ - 07 ලිපිනයට ලියා පදිංචි තැපැලෙන් යොමුකිරීම. (ලිපි කවරයේ ඉහළ වම්පස කෙළවර  ර්‍ණකටහ`ඩට අරුතක් 2020” වශයෙන් ස`දහන් කළ යුතුය*
x    සම්පූර්ණ කළ අයදුම් පත‍්‍රය ප‍්‍රධාන කාර්යාලය රජරට, කඳුරට, රුහුණු, වයඹ, දඹාන, පිරෙයි එෆ්.එම් සහ යාපනය ආදී ප‍්‍රාදේශීය සේවාවන්ට භාර දීම.
x    ඊමේල් ම`ගින් යොමු කිරීම -  න්ඒය්බා්ඒ්රමඑය්න2020?ටප්සකගජදප  

අයදුම්පත් බාරගන්නා අවසාන දිනය

x    2020 මාර්තු මස 14 වන දින
අයදුම්පත් භාරගැනීම අවසන් වීමෙන් අනතුරුව හ`ඩ පරීක්‍ෂණ සහ සම්මුඛ පරීක්‍ෂණ ස`දහා සංස්ථාව විසින් දැනුම්දීම් කරනු ඇත.

 අයදුම් පත‍්‍රය
www.slbc.lk/NM/SLBC-Katahandata-Aruthak-2020-Application-Form-Sinhala.pdf

තමන් හෝ රජය කිසිඳු ලෙසකින් මාධ්‍ය නිදහසට බලපෑම් නොකරන බව ජනාධිපතිතුමා පවසයි

තමන් හෝ රජය කිසිඳු ලෙසකින් මාධ්‍ය නිදහසට බලපෑම් නොකරන බව ජනාධිපති ගෝඨාභය රාජපක්ෂ මහතා පවසයි මාධ්‍ය ආයතන ප්‍රධානීන් සමග අද පෙරවරුවේ පැවති සාකච්ඡාවකදී ජනාධිපතිතුමා පැවසුවේ රටේ ජනමතය නිවැරදි ලෙස අවබෝධ කරගනිමින් රජයේ වැරදි හා අඩුපාඩු පෙන්වා දිමේ අවස්ථාව මධ්‍ය ආයතන පවතින බවයි රාජ්‍ය මාධ්‍ය ආයතන ස්වාධීනව කටයුතු කිරීමේ අවශ්‍යතාව ජනාධිපතිතුමා පෙන්වා දුන්නේය රාජ්‍ය මාධ්‍ය ජනතාවට අතරට වැඩි වශයෙන් ප්‍රවේශ වීමට එම තත්ත්වය ඉවහල් වන බව එතුමා පැවසීය

කලාව හා සංස්කෘතිය පෝෂණය රැකගැනීමට නිරතුරු ක්‍රියාකරන බව අගමැතිවරයා කියයි

රටේ ජීවනාලිය බදු කලාව හා සංස්කෘතිය රැකගැනීමට නිරතුරු ක්‍රියාකරන බව අගමැති මහින්ද රාජපක්ෂ මහතා කියයි. කොළඹ නෙථම් පොකුණ රගහලේදි අද පස්වරුවේ පැවැති 35 වන කලාභුෂණ රාජ්‍ය සම්මාන උළෙලට පණිවිඩයක් නිකුත් කරමින් ඔහු ඒ බව සදහන් කර තිබිණි. ඇමති ඩලස් අලහප්පෙරුම මහතා ප්‍රධාන ආරාධිතයා ලෙස සම්මාන උළෙලට එක්විය. බුද්ධ ශාසන .සංස්කෘතික හා ආගමික කටයුතු අමාත්‍යංශය මුස්ලිම් ආගමික හා සංස්කෘතික හින්දු ආගමික හා සංස්කෘතික අමාත්‍යංශය සහ සංස්කෘතික කටයුතු දෙපාර්තමේන්තුව හා එක්ව එය සංවිධානය කර තිබිණි. කලාකරුවෝ 200 කට අධික පිරිසක් එහිදි කලාභූෂණ සම්මානයෙන් පිදුම් ලැබුහ. ප්‍රවිීන ගුවන් විදුලි නිවේදක සෝමසිරි චන්ද්‍රසේන මහතා ද ඒ අතරවිය.

රටපුරා පවතින තරුණ උද්දිපනය සංවර්ධන ක්‍රියාවලියට එක් කර ගැනිම වැදගත් බව ඌව වෙල්ලස්ස විශ්ව විද්‍යාලයේ හිටපු උප කුලපති චන්ද්‍රා ඇඹුල්දෙනිය මහතා කියයි

වරාය නගර සැලැස්ම සමස්ත ලෝකයටම විවෘත කළ යුතු යැයි ඌව වෙල්ලස්ස විශ්ව විද්‍යාලයේ හිටපු උප කුලපති ජාතික වාණිජ මණ්ඩලයේ හිටපු සභාපති චන්ද්‍රා ඇඹුල්දෙණිය මහතා පවසයි. වරාය නගරය පිළිබඳව ආයෝජකයින් කැදවා දැනුවත් කිරිම සිදුකළ යුතුය. මෙතෙක් වරාය පරිශ්‍රයට තිබුණේ වර්ග මිටර් ලක්ෂ 04 ක ප්‍රමාණයකි.නව වරාය නගරය අවසන් විමෙන් පසු වර්ග මීටර් දහතුන් ලක්ෂයක් රටට ලැබේ.ජාතික ගුවන්විදුලියේ සුභාරතී සංවාද මණ්ඩපයට එක්වෙමින් ඇඹුල්දෙණිය මහතා මේ බව පැවසිය. වරාය නගරය සැලසුම් කර ඇති ආකාරය අනුව එය ආයෝජන කේන්ද්‍රිය ආකර්ෂණිය ස්ථානයක් බවට පත්වනු ඇත. බහුනිපුනතා සහිත පුද්ගලයින් රටට අවශ්‍ය වී තිබේ. වර්තමානයේ බහුලව සිටින්නේ එක් විෂය ක්ෂේත්‍රයකට පමණක් දක්ෂතා දක්වන අය පමණි.විදේශ ශිෂ්‍යත්ව වලට ගොස් පැමිණෙන නිලධාරින් එම ලබාගත් දැනුම රට වෙනුවෙන් නිසියාකාරව යොදවන්නේ නැතිබ වද ඔහු පෙන්වා දෙයි. ඩිජිටල්කරණය සමග වෙනස් විය යුතු අංශ රැසකි.ආර්ථිකය නගා සිටුවිමට නම් නිෂ්පාදනය වැඩි කළ යුතුය.රටපුරා සිටින තරුණ පරපුර දැන් විශාල උද්දීපනයකින් ක්‍රියා කරයි. එය සතුටුදායක තත්ත්වයකි.තාප්පවල චිත්‍ර ඇදිම . වටිනා ක්‍රියාවක ආරම්භය බව ඔහු පෙන්වා දෙයි. රට වෙනස් විය යුතු බව තරුණ පරපුරද අවබෝධ කරගෙන සිටිම මෙයින් පැහැදිලිවන බව ඔහු කියා සිටි

නව අමාත්‍යවරුන්ගේ විෂය සහ ආයතන ගැසට් කෙරේ

නව රජයේ අමාත්‍යවරුන්ට අයත් විෂයන් කාර්යයන් දෙපාර්තමේන්තු සංස්ථා සහ ව්‍යවස්ථාපිත ආයතන ඇතුලත් ගැසට් නිවේදනය පසුගියදා නිකුත් කෙරිණ.ආණ්ඩුක්‍රම ව්‍යස්ථාවට අනුකූලව ජනාධිපතිතුමා අදාල ගැසට් නිවේදනය නිකුත් කර ඇත.ඇමතිවරුන් සහ අමාත්‍යාංශ සංඛ්‍යාවද ගැසට් කර තිබේ.

ඒ අනුව ජනාධිපතිතුමා යටතේ පැවති රජයේ මුද්‍රණ දෙපාර්තමේන්තුව. තොරතුරු සන්නිවේදන තාක්ෂණ අමාත්‍යාංශ විෂය පථයට ඇතුලත් කර ඇත. 1990 සුවසැරි පදනම අදාල ගැසට් නිවේදනයෙන් සෞඛ්‍ය අමාත්‍යාංශයේ විෂය පථයට ඇතුලත් කර තිබේ.

මුදල් ආර්ථික සහ ප්‍රතිපත්ති සංවර්ධන අමාත්‍යාංශය යටතේ මහා භාණ්ඩාගාරය ඩ්€ු මහ බැංකුව සුරැකුම්පත් හා විනිමය කොමිසම මෙන්ම සියඵම රාජ්‍ය බැංකු හා ඒවායේ පාලිත සමාගම් ඇතුඵ ආයතන 48 ක් ඇතුලත් කර ඇත..

සංවර්ධන ලොතරැයි මණ්ඩලය සහ ජාතික ලොතරැයි මණ්ඩලය මුදල් ආර්ථික සහ ප්‍රතිපත්ති සංවර්ධන අමාත්‍යාංශයේ විෂය පථයට ඇතුලත් කර තිබේ. සේවක අර්ථසාධක අරමුදල නිපුනතා සංවර්ධන රැකියා සහ කම්කරු සබදතා අමාත්‍යාංශය යටතට පත්කර ඇත. ත්‍රිවිධ හමුදාව ශ්‍රී ලංකා පොලිසිය . රාජ්‍ය රහස් තොරතුරු සේවය ආරක්ෂක අමාත්‍යාංශය යටතට ගැසට් කර තිබේ.ආගමන විගමන දෙපාර්තමේන්තුව  පුද්ගලයින් ලියාපදිංචි කිරීමේ දෙපාර්තමේන්තුව . ශ්‍රී ලංකා විදුලි සංදේශ නියාමන කොමිෂන් සභාව ආපදා කලමණාකරන මධ්‍යස්ථානය කාලගුණ විද්‍යා දෙපාර්තමේන්තුව මෙන්ම ජාතික ගොඩනැගිලි පර්යේෂණ සංවිධානය ඇතුඵ ආයතන 31 ක් ආරක්ෂක අමාත්‍යාංශය යටතට පැවරේ.

සියඵ ආගමික කටයුතු දෙපාර්තමේන්තු පුරාවිද්‍යා සහ සංස්කෘතික කටයුතු දෙපාර්තමේන්තුව ගැසට් කර ඇත්තේ බුද්ධ ශාසන සංස්කෘතික සහ ආගමික කටයුතු අමාත්‍යාංශය යටතටයි

විදේශ සේවා නියුක්ති කාර්යාංශය  සේවක අර්ථසාධක අරමුදල ඩ්€ු නිපුනතා සංවර්ධන ආයතන රැකී රක්ෂා සහ කම්කරු සබදතා අමාත්‍යාංශ යටතට පවරා තිබේ. රජයේ ප්‍රවෘත්ති දෙපාර්තමේන්තුව සහ රාජ්‍ය මාධ්‍ය ආයතන ගැසට් කර ඇත්තේ තොරතුරු සන්නිවේදන තාක්ෂණ අමාත්‍යාංශය යටතටයි

පෞද්ගලික බස් රථ සදහා ප්‍රවේශපත්‍ර වෙනුවට කාඩ් ක්‍රමයක්

පෞද්ගලික බස් රථ සදහා ප්‍රවේශපත්‍ර වෙනුවට කාඩ් ක්‍රමයක් හදුන්වා දෙන බව ඇමති මහින්ද අමරවීර මහතා කියයි. සිදුවන අක්‍රමිකතා වලක්වාලීම එහි අරමුණයි. අර්ධ සුඛෝපභෝගී බස් රථ සේවාවෙන් මගී ජනතාවට නිසි සේවාවක් ඉටු නොවන හෙයින් එය අහෝසි කිරීමට තීරණය කළ බව ඇමතිවරයා පැවසුවේ ජාතික ගුවන් විදුලියේ සුභාරතිී වැඩසටහනට අද පෙරවරුවේ එක් වෙමිනි. එම බස් සේවාව සම්බන්ධයෙන් තමන්ට විවිධ පාර්ශ්වවලින් පැමිණිලි ලැබී ඇතැයි ඇමතිවරයා සදහන් කළේය.මින් ඉදිරියට මගී ජනතාවට වැඩි පහසුකම් සැලසෙන බස් රථ ධාවනයට එක් කෙරේ. දුර ගමන් සේවා බස් රථ මගීන්ට ආහාර ගැනීම සදහා නවත්වන ආපන ශාලාවල තත්ත්වය පිළිබදව ද සොයා බැලේ. ඇතැම් ආපන ශාලා ඉතාමත් අපිරිසිදු තත්ත්වයේ පවතින බවට පැමිණිලි ලැබී ඇතැයි ඇමතිවරයා පැවසීය. දුරගමන් බස් සේවා භාවිත කරන මගිීන්ට ආහාර පාන ලබා ගැනීම සදහා රජය මගින්ම දිවයින පුරා ආපන ශාලා හදුන්වා දීම කෙරෙහි ද අවධානය යොමුවී තිබේ.බස් මංතීරු හදුන්වාදීම ඉදිරියේ දී සිදු කෙරේ. එමගින් බස් රථවල ගමන් ගන්නා ජනතාවට ප්‍රමාදයකින් තොරව තම ගමනාන්තය වෙත ළගාවීමේ හැකියාව උදා වෙයි.ඉදිරියේ දී උසස් ප්‍රමිතියෙන් යුත් දුම්රිය සේවාවක් හදුන්වා දෙන බවද මහින්ද අමරවීර ඇමතිවරයා පැවසීය.
විදුලිබල ක්‍ෂේත්‍රය සම්බන්ධයෙන් අදහස් දැක්වු ඇමතිවරයා ගෙවී ගිය වසර පහ තුල විදුලිබල ක්‍ෂේත්‍රයේ ප්‍රගතිය අරමුණු කර කිසිදු ක්‍රියාමාර්ගයක් ගෙන නැතැයි සදහන් කළේය. ඉදිරියේ දී සුර්යබලශක්තිය සුළං වැනි විකල්ප බලශක්ති ප්‍රභව කෙරෙහි වැඩි අවධානයක් යොමු කරන බවද ඔහු සදහන් කළේය.

ජනාධිපතිවරයාගේ ප්‍රතිපත්ති ප්‍රකාශනය අනුව දැනුම මුලික කරගත් සමාජයක් කරා රට ගෙනයන බව අමාත්‍ය බන්දුල ගුණවර්ධන මහතා පවසයි

 

ජනාධිපතිවරයාගේ ප්‍රතිපත්ති ප්‍රකාශනය අනුව දැනුම මුලික කරගත් සමාජයක් කරා රට ගෙනයන බව අමාත්‍ය බන්දුල ගුණවර්ධන මහතා පවසය අධ්‍යාපනයේ ප්‍රතිඵල රටටම ලැබෙන බැවින් ඊට කරන ආයෝජනය ජාතික ආයෝජනයක් බව අමාත්‍යවරයා පෙන්වා දෙයි අග්නිදිග ආසියානු උසස් ඉගෙනුම් ආයතන සංසදයේ ජාත්‍යන්තර සමුඵවට අද එක්වෙමින් අමාත්‍යවරයා මේ බව පැවසීය වර්තමාන ආර්ථික රටාව තුළ දැණුම සහ තාක්‍ෂණය රටකට ප්‍රාග්ධන සම්පතක් බව අමාත්‍යවරයා සදහන් කළේය මෙම සමුඵවට රටවල් රැසක නියෝජිතයෝ සහභාගී වී සිටිති

ස්විට්සර්ලන්ත තානාපති කාර්යාල නිලධාරිණිය අපරාධ පරීක්ෂණ දෙපාර්තතෙම්න්තුවට

පැහැර ගැනීමට ලක්වු බව කියන ස්විට්සර්ලන්ත තානාපති කාර්යාලයේ නිලධාරිනිය අපරාධ පරික්ෂණ දෙපාර්තමේන්තුවට පැමිණ ප්‍රකාශයක් ලබාදෙයි ඇය ප්‍රකාශයක් ලබාදෙන තුරු දෙසැම්බර් මස 9 වැනිදා දක්වා රටින් පිටවීම තහනම් කරමින් කොළඹ ප්‍රධාන මහේස්තා්‍රත් ලංකා ජයරත්න මෙනවිය නියෝගයක් නිකුත් කර තිබිණි. ස්විස් තානාපති කාර්යාල නිලධාරිනිය රැගත් බවට සැලකෙන ෘඡඛ ලෙස සදහන් රථ කිහිපයක් අද පස්වරු 5 ට පමණ අපරාධ පරික්ෂණ දෙපාර්තමේන්තුවට පැමිණ ඇත. එම රථ වලින් පැමිණි මුහුණ ආවරණය කරගත් මෙම කාන්තාව දෙපාර්තමේන්තු පරිශ්‍රයට ගොස් අදාල ප්‍රකාශය ලබාදි තිබේ මෙම කාන්තාව කොළඹ ප්‍රධාන අධිකරණ වෛද්‍ය නිලධාරියා වෙත යොමුකර ඇති බව ද අපරාධ පරික්ෂණ දෙපාර්තමේන්තු ආරංචි මාර්ග සදහන් කරයි. අදාල කාන්තාව කිසියම් පිරිසක් විසින් පැහැර ගෙන ගොස් ප්‍රශ්ණ කර මුදාහැර ඇති බවට එල්ල වු චෝදනාව සම්බන්ධයෙන් නිවේදනයක් නිකුත් කල ශ්‍රි ලංකා විදේශ කටයුතු අමාත්‍යංශය සදහන් කලේඩ්€ තානාපති කාර්යාලයෙන් ලද තොරතුරු හා විමර්ශන වලින් අනාවරණ වු තොරතුරු අතර පරස්පරතාවක් පවතින බවයි.

එක්සත් ජාතික පක්ෂය නිවැරදි තීන්දු නොගතහොත් අර්බුද ඇතිවනු ඇතැයි පාර්ලිමේන්තු මන්ත්‍රි බන්දුලාල් බණ්ඩාරිගොඩ මහතා අනතුරු අගවයි

පක්ෂ නායකයා තෝරා ගැනිම සම්බන්ධයෙන් තවදුරටත් කල් මරන්නේ නම් එය එක්සත් ජාතික පාක්ෂිකයන්ට සිදුකරන අසාධාරණයක් බව පාර්ලිමේන්තු මන්ත්‍රි බන්දුලාල් බණ්ඩාරිගොඩ මහතා පවසයි. අද පැවැත්වෙන පක්ෂයේ කණ්ඩායම් රැස්විමේදි මේ පිළිබඳව නිවැරදි තීන්දුවක් නොගතහොත් පක්ෂය තුළ බරපතල අර්බුදයක් ඇතිවිය හැකි බව ඔහු ගාල්ලේ පැවති මාධ්‍ය හමුවකදී කිවේය. පක්ෂයේ ඇතැම් නායකයින් දිගින් දිගටම තීරණාත්මක අවස්ථාවන්හිදි කල් මැරීම හේතුවෙන් පක්ෂයට බරපතල හානි සිදු වූ බව ද ඔහු පෙන්වා දෙයි. මේ අතර එක්සත් ජාතික පක්ෂයේ පාර්ලිමේන්තු මන්ත්‍රි කණ්ඩායමේ රැස්විමක් අද පස්වරු 3.00 ට පැවැත්වේ

පාස්කු ඉරිදා ප්‍රහාරය පිළිබඳ පරික්ෂණ කොමිෂන් වාර්තාව අනුව වැරදිකරුවන්ට එරෙහිව නෛතික ක්‍රියාමාර්ග ගන්නා බව ඇමති විමල් වීරවංශ මහතා කියයි.

පාස්කු ඉරිදා ප්‍රහාරය පිළිබදව සොයා බලන කොමිෂන් සභාවේ වාර්තාව අනුව වරදකරුවන් වන පුද්ගලයන්ට එරෙහිව නීතිය ක්‍රියාත්මක කිරිමට රජය කිසිසේත පසුබට නොවන බව ඇමති විමල් වීරවංශ මහතා කියයි. කිසියම් දේශපාලනඥයෙකු ඊට සම්බන්ධ නම් ඔහුට හෝ ඇයට එරෙහිවද නිති මගින් ක්‍රියා කෙරේ. අගරදගුරු අතිඋතුම් මැල්කම් කාදිනල් හිමිපාණන් අද පෙරවරුවේ බැහැ දුටු ඇමතිවරයා ඉන් අනතුරුව මාධ්‍යයට අදහස් දක්වමින් ඒ බව සදහන් කළේය. අගරදගුරු නිල නිවසේදී එම හමුව සිදුවිය.

මහජන ගැටඵ විසඳීිමට අගමැති සම්බන්ධතා ඒකකයක්

අග්‍රාමාත්‍ය මහජන සම්බන්ධතා ඒකකය අගමැති මහින්ද රාජපක්ෂ මහතාගේ සහභාගිත්වයෙන් ඊයේ විවෘත කෙරිණි. කොළඹ කොල්ලුපිටිය ආර්. ඒ. ද මෙල් මාවතේ අංක 101 දරණ ස්ථානයේ අරලියගහ මන්දිරය අසල මෙය පිහිටුවා ඇත. ඕනෑම අයෙකුට තමන්ගේ ගැටඵ පිළිබඳව එම ස්ථානයට පැමිණිලි ඉදිරිපත් කළ හැකිය. ලැබෙන පැමිණිලි සියල්ලම අදාල අමාත්‍යංශවලට හා ආයතනවලට යොමු කෙරේ. එමෙන්ම ගැටඵවලට විසදුම් ලැබෙනවාද යන්න වෙනමම සොයා බලන බව අග්‍රාමාත්‍ය මහින්ද රාජපක්ෂ එහිදී සඳහන් කළේය. සතියේ දින පහක් මෙම ඒකකය විවෘතව තැබේ.

දෙමල ජනතාවගේ සැබෑ ප්‍රශ්නවලට විසදුම් ලබා දීමට සූදානම් බව ජනාධිපතිතුමා හින්දුස්ථාන් ටයිම්ස් පුවත්පතට කියයි

දෙමල ජනතාවගේ සැබෑ ගැටඵවලට විසදුම් ලබාදීමට උපරිමයෙන් කැපවන බව ජනාධිපති ගෝඨාභය රාජපක්ෂ මැතිතුමා පවසයි. හින්දුස්ථාන් ටයිම්ස් පුවත්පතට අදහස් දක්වමින් ජනාධිපතිතුමා පැවසුවේ 13 වන සංශෝධනයට අනුව ක්‍රියාත්මක කල නොහැකි අංග කිහිපයක් පවතින බවයි. එහි වෙනසක් අපේක්ෂා කරන බවද ජනාධිපතිතුමා කියයි. දෙමල ජනතාවගේ එක් ගැටඵවක් පිලිබද පමණක් අවධානය යොමු නොකිරීමට රජය අපේක්ෂා නොකරයි. ධිවර. රැකියා. කෘෂිකර්මාන්ත ඇතුඵ අංශ කිහිපයකම සංවර්ධනය පිලිබද රජය සුවිශේෂී අවධානයක් යොමු කරයි. එම ගැටඵවලට විසදුම් ලබාදීමෙන් පසු දෙමල ජනතාවගේ ආර්ථිකය සමෘද්ධිමත් වන බවද ජනාධිපතිතුමා අවධාරණය කරයි

රාජ්‍ය සේවයේ ගැටඵ විසදීමට හා වැටුප් විෂමතා ඉවත් කිරීමට කොමිසමක්

රාජ්‍ය සේවයේ ගැටඵ විසදීමට සහ වැටුප් හා ශ්‍රේ්ණි විෂමතා ඉවත් කිරීමට කොමිසමක් පත්කරන බව රාජ්‍ය පරිපාලන සහ ස්වදේශ කටයුතු රාජ්‍ය ඇමති මහින්ද සමරසිංහ මහතා කියයි. එය ජනාධිපති ගෝඨාභය රාජපක්‍ෂ මැතිතුමා තම ප්‍රතිපත්ති ප්‍රකාශනයෙන් ලබාදුන් ප්‍රතිඡඥාවක් ඉටුකිරීමකි. රාජ්‍ය සේවයේ ගැටඵ හා වැටුප් විෂමතා සම්බන්ධයෙන් පසුගිය කාලයේ විවිධ මට්ටමින් විරෝධතා පැවතිනි. රාජ්‍ය සේවය දුෂණයෙන් හා වංචාවෙන් තොර කාර්යක්‍ෂ්ම ඵලදායි සේවාවක් බවට පත්කිරීමට ජනාධිපතිතුමාගේ අපේක්ෂාව බව මහින්ද සමරසිංහ රාජ්‍ය ඇමතිවරයා පවසයි.. ඒ සදහා ගන්නා ක්‍රියාමාර්ග එතුමා සිය ප්‍රතිපත්ති ප්‍රකාශනයේ පැහැදිලිව සදහන් කර තිබේ. සෑම සේවාවක් සදහාම සේවා ව්‍යවස්ථාවක් හදුන්වා දෙන බවද රාජ්‍ය ඇමතිවරයා පැවසීය. විශ්‍රාම වැටුප් ක්‍රමය වෙනුවට දායක විශ්‍රාම වැටුප් ක්‍රමයක් හදුන්වාදීමට පසුගිය රජය උත්සාහ දැරුවද වෘත්තීය සමිතිවලින් ඒ සදහා එකගත්වයක් පල නොවීය. එමනිසා පවතින විශ්‍රාම වැටුප් ක්‍රමය එළෙසම පවත්වාගෙන යාමට අපේක්ෂා කෙරේ. රාජ්‍ය සේවකයන්ට ජාත්‍යන්තර පුහුණුව හා දැණුම ලබාදෙන බවද මහින්ද සමරසිංහ රාජ්‍ය ඇමතිවරයා පැවසීය.

රාජ්‍ය ආයතන 844 ක පසුගිය වසරේ මුල්‍ය හා කාර්යසාධනය පිළීබඳ රජයේ ගිණුම් කාරක සභා වාර්තා පාර්ලිමේන්තුවට.

රාජ්‍ය ආයතන 844 ක පසුගිය වසරේ මුල්‍ය හා කාර්යය සාධනය පිළිබඳ රජයේ ගිණුම් කාරක සභා වාර්තා මීළග පාර්ලිමේන්තු රැස්වීමට ඉදිරිපත්කරන බව එම කාරක සභාවේ සභාපති ඇමති ලසන්ත අලගියවන්න මහතා කියයි. එම වාර්තාව සදහා පසුගිය රජයේ ගිණුම් පිළිබඳ කාරක සභාවේ අනුමැතිය හිමිවිය. රාජ්‍ය ආයතන සියල්ලේම මුල්‍ය හා කාර්යසාධනය පිළිබඳ වාර්තාවක් පාර්ලිමේන්තුවට ඉදිරිපත් කරන පළමු අවස්ථාව මෙය බව සභාපතිවරයා කියයි. විගණකාධිපති වාර්තා පදනම් කරගෙන පැවැත්වු විමර්ශන 26 ක වාර්තාද ඉදිරි සභා වාරයේදී පාර්ලිමේන්තුවට ඉදිරිපත් කරන බව ඔහු සදහන් කරයි.

ජනාධිපතිතුමා අද ඉන්දිය අගමැතිවරයා හමුවෙයි

ඉන්දියාවේ දෙදින නිල සංචාරයක නිරත ජනාධිපති ගෝඨාභය රාජපක්ෂ මැතිතුමා අද ඉන්දිය අගමැති නරේන්ද්‍ර මෝදි මහතා හමුවෙයි. දෙරට අතර ද්විපාර්ශ්වික සබදතා තවදුරටත් ශක්තිමත් කර ගැනීමේ අරමුණින් නායක අතර සාකච්ඡා පැවැත්වේ. ජනාධිපතිතුමා ඉන්දීය ජනාධිපති රාම්නාත් කෝවින්ද් මැතිතුමා හමුවී සාකච්ඡා කිරීමට ද නියමිතයි. එමෙන්ම ජනාධිපතිතුමා සෙසු ඉන්දිය ප්‍රභූවරුන්ද මුණගැසෙනු ඇත.
ඊයේ පස්වරුවේ නවදිල්ලි නුවරට ළගා වූ ශ්‍රි ලංකා ජනාධිපතිවරයාට උණුසුම් පිළිගැනිමක් ලැබිණි. ඉන්දිරා ගාන්ධි ජාත්‍යන්තර ගුවන් තොටුපලේදි ඉන්දිය රාජ්‍ය ප්‍රවාහන සහ මහාමාර්ග ඇමති ආචාර් වී කේ සිං මහතා එතුමා ප්‍රමුඛ දූත පිරිස පිලිගත්තේය. . ඉන්දියාවේ ශ්‍රි ලංකා මහ කොමසාරිස් ඔස්ටින් ප්‍රනාන්දු. ශ්‍රි ලංකාවේ ඉන්දීය මහ කොමසාරිස් තරංජිත් සිං සන්දු යන මහත්වරු ඇතුඑ පිරිසක් එම අවස්ථාවට එක්ව සිටියහ. ජනාධිපතිධුරයට පත්වීමෙන් පසු ගෝඨාභය රාජපක්ෂ මැතිතුමා සිදුකරන පළමු විදෙස් නිල සංචාරය මෙයයි

ජනාධිපතිතුමාගේ ඉන්දීය සංචාරය අද ඇරඹේ

ජනාධිපති ගෝඨාභය රාජපක්ෂ මහතා සිය ඉන්දීය රාජ්‍ය චාරිකාව අද ආරම්භ කරයි. ජනාධිපතිතුමා දෙදින චාරිකාව සදහා ඉන්දියාව බලා අද පස්වරුවේ පිටත් වෙයි.

මෙම චාරිකාවේදී ඉන්දීය ජනාධිපති රාම් නාත් කෝවින්ද් මහතා සහ ජනාධිපතිතුමා අතර හමුවක් සිදුවේ. අගමැති නරේන්ද්‍ර මෝදි මහතා සමගද ද්වීපාර්ශවීය සාකච්ඡා පැවැත්වේ.

සෙසු ඉන්දීය ප්‍රභූවරුන් සමගද ජනාධිපතිතුමා සාකච්ඡා පවත්වයි. ගෝඨාභය රාජපක්ෂ මැතිතුමා ජනාධිපතිධූරයට පත්වීමෙන් පසු නිරතවන පලමු විදේශ සංචාරය මෙයයි.

ජනාධිපති ලේකම් ආචාර්යය පී බී ජයසුන්දර . විදේශ අමාත්‍යාංශයේ ලේකම් රවිනාත් ආරියසිංහ. භාණ්ඩාගාර ලේකම් සජිත් ආටිගල . ජනාධිපති උපදේශක ලලිත් විරතුංග සහ ජනාධිපති පෞද්ගලික ලේකම් සුගීෂ්වර බණ්ඉාර යන මහත්වරු මෙම සංචාරයට එක්වෙති.

අමාත්‍ය ධුර සකස් කරනු ලැබුවේ ජනතා අපේක්ෂා ඉටු කෙරෙන ආකාරයෙන් – ජනපති

රාජ්‍ය හා නියෝජ්‍ය අමාත්‍ය ධුර විෂයන් සකස් කරනු ලැබුවේ ජනතා අපේක්ෂා ඉටුකිරීමට හැකි වන අන්දමින් බව ජනාධිපති ගෝඨාභය රාජපක්ෂ මැතිතුමා පවසයි. තම ප්‍රතිපත්ති ප්‍රකාශයට අනුකුලව එම කටයුතු සිදුකර ඇත. තනතුරු වරප්‍රසාදයක් කර නොගෙන වගකීමෙන් සිය කාර්යභාරය ඉටුකිරීම වැදගත් වෙයි. අද පෙරවරුවේ රාජ්‍ය සහ නියෝජ්‍ය අමාත්‍යවරුන්ට පත්වීම් ප්‍රදානය කිරීමෙන් පසු ජනාධිපතිතුමා මෙම අදහස් පළ කළේය. මැතිවරණ ප්‍රචාරණයේදි සහ වසර ගණනාවක් කළ අධ්‍යයනයකදී ජනතා අපේක්ෂා හදුනාගනු ලැබුනි. මෙම රාජ්‍ය අමාත්‍ය ධුර සංඛ්‍යාව අඩු කිරීමද තම අපේක්ෂාව වුවත් ප්‍රතිපත්ති ප්‍රකාශනයෙන් ඉදිරිපත් කළ යෝජනා ක්‍රියාත්මක කිරීමට එවැනි අමාත්‍ය ධුර සංඛ්‍යාවක් අවශ්‍ය බව පෙනි ගිය බව එතුමා සදහන් කළේය. දුම්රිය සේවාව සංවර්ධනය කිරීම හා කාර්යක්ෂ්ම කිරීම මගී ජනතාවගේ ප්‍රධාන අවශ්‍යතාවක් ලෙස හදුනාගෙන තිබේ. එමෙන්ම රටේ දිළිඳුකම තුරන් කිරීමට වැඩි අවධානයක් යොමු කිරීම අපේක්ෂාවයි. තවදුරටත් අදහස් දැක්වු ජනාධිපති ගෝඨාභය රාජපක්ෂ මැතිතුමා.

මැතිවරණ සමයේ ක්‍රියාත්මක විය යුතු මාධ්‍ය උපමාන පාර්ලිමේන්තුවේදී සම්මත කර ගැනිීම කෙරෙහි අවධානය

මැතිවරණ සමයේ ක්‍රියාත්මක විය යුතු මාධ්‍ය උපමාන පාර්ලිමේන්තුවේදී සම්මත කර ගැනිීම කෙරෙහි අවධානය යොමු වෙයි. ඉදිරි මැතිවරණ වඩාත් ස්වාධිනව හා සාමකාමි ලෙස පැවැත්වීම වෙනුවෙන් මාධ්‍ය උපමාන නීතියක් සම්මත කර ගැනීමට සහාය ලබාදෙන්නැයි මැතිවරණ කොමිසමේ සභාපති මහින්ද දේශප්‍රිය මහතා කථානායකවරයාගෙන් ඉල්ලා තිබේ. මේ සදහා වන යෝජනා ඉදිරියේදී පාර්ලිමේන්තුවට ඉදිරිපත් කිරීමට ඔහු බලාපොරොත්තු වෙයි. පළාත් පාලන මැතිවරණයේදී හදුනාගත් අඩුපාඩු නිවැරදි කර ගැනීමට නව සංශෝධන පළාත් පාලන මැතිවරණ පනතට ඉදිරිපත් කළ යුතුය. පසුගිය ජනාධිපතිවරණය පැවැත්වුනු ආකාරය පිළිබඳව කථානායකවරයා දැනුවත් කිරීමට මැතිවරණ කොමිසමේ සාමාජිකයෝ පසුගියදා පාර්ලිමේන්තුවේදී කථානායක කරු ජයසුරිය මහතා මුණගැසුනහ. මාධ්‍ය උපමාන නීතියක් බවට පත්කිරීමට අවශ්‍ය සහයෝගය ලබාදීමට කථානායකවරයා එහිදී එකග විය. මෙහිදී තවදුරටත් අදහස් දැක්වු මහින්ද දේශප්‍රිය මහතා සදහන් කළේ වත්මන් ජනාධිපතිවරයා මාර්තු පලමුවැනිදායින් පසු පාර්ලිමේන්තුව විසුරුවා හැරියහොත් ලබන වසරේ අප්‍රේල් මස අගදී හෝ මැයි මස මුල් සතියේදී පාර්ලිමේන්තු මැතිවරණය පැවැත්විය හැකි බවයි.

හම්බන්තොට වරාය බදු පදනම මත චීනයට ලබාදීම පසුගිය රජය මගින් සිදුවූ වරදක්

හම්බන්තොට වරාය චීනයට බදු පදනම මත ලබාදීම පසුගිය රජයෙන් සිදුවූ වරදක් බව ජනාධිපති ගෝඨාභය රාජපක්ෂ මැතිතුමා පවසයි. එම බදු ගිවිසුම යලි සලකා බැලීමට තමා සූදානම් බවද ජනාධිපතිතුමා පවසයි. එම වරද රටේ ජනතාව කිසිසේත් අනුමත නොකරයි. හම්බන්තොට වරායේ පාලනය කිසිවිටෙක චීනයට ලබා දීමට පසුගිය මහින්ද රාජපක්ෂ රජය අපේක්ෂා නොකලේය. නමුත් පසුගිය රජය එය වසර 99 කට චීනයට බදු දුන්නේය. ඉන්දීය මාධ්‍යවේදී නිතින් ඒ ගෝක්ලී සමග පැවති සම්මුඛ සාකච්ඡාවකදී ජනාධිපතිතුමා මෙම අදහස් පල කළේය. චීනය . සහ ඉන්දියාව සම්බන්ධයෙන් පවත්වන ද්වීපාර්ශවික සම්බන්ධතා පිලිබද අදහස් දක්වමින් ජනාධිපතිතුමා පැවසුවේ ශ්‍රී ලංකාවට අවශ්‍ය වන්නේ මධ්‍යස්ථ රටක් ලෙස කටයුතු කිරීමට බවයි. ගෝලීය දේශපාලන ව්‍යුහය තුළ ඉන්දියන් සාගර කලාපීය රටවලට සුවිශේෂි ස්ථානයක් හිමිවේ. එහි කේන්ද්‍රස්ථානයක් වන ශ්‍රී ලංකාවට අවශ්‍ය වන්නේ සියඵ විදේශීය රටවල් සමග සුහදතාවය වර්ධනය කර ගනිමින් ඉදිරියට යෑමටයි. බලගතු රාජ්‍යයන්ගේ බල අරගලයන්ට මැදිහත්වීමේ අවශ්‍යතාවයක් ශ්‍රී ලංකාවට නොමැත. වෙනත් කිසිදු රාජ්‍යයකට හෝ එම රාජ්‍යක ප්‍රතිරූපයට හානි සිදු කිරීමේ අවශ්‍යතාවක් ශ්‍රී ලංකාවට නොමැත. ඉන්දියාවේ ආරක්ෂාවට තර්ජනයක් වන කිසිදු ක්‍රියාමාර්ගයක් ශ්‍රී ලංකාව අනුමත නොකරයි. චීනය සමග වානිජමය වශයෙන් මිත්‍රශීලි ප්‍රතිපත්තියක පිහිටා ශ්‍රී ලංකාව කටයුතු කරයි. ඉන්දියාව. සිංගප්පුරුව. ජපානය. ඔස්ට්‍රේලියාව වැනි රටවල් ශ්‍රී ලංකාව සම්බන්ධයෙන් වන චීන මැදිහත්වීම පිලිබද සැකයක් ඇතිකරගත යුතු නැත. එම රාජ්‍යයන්ටද ශ්‍රී ලංකාවේ ආයෝජනයට පුඵල් අවස්ථා පවතින බව ජනාධිපතිතුමා කියා සිටියේය 

එංගලන්ත නවසිලන්ත පලමු ටෙස්ට් ක්‍රිකට් තරගයේ අවසන් දිනය අදයි

සංචාරක එංගලන්ත ක්‍රිකට් කණ්ඩායම සහ නවසීලන්ත කණ්ඩායම අතර පැවැත්වෙන පලමු ටෙස්ට් තරගයේ අවසන් දිනය අදයි. දිවා ආහාරය සදහා අද .තරගය නතර කරන අවස්ථාව වනවිට සිය දෙවන ඉනිම ක්‍රිඩා ක රන එංගලන්තය කඩුලු 04 ක් දැවි ලකුනු 98 ක් ලබා සිටියේය. ඒ අනුව එංගලන්තය නවසීලන්තයට වඩා තවත් ලකුණු 164 ක් පිටුපසින් සිටි. එංගලන්තය පලමු ඉනිම සදහා රැස් කළ ලකුණු සංඛ්‍යාව 353 කි. ඊට පිළිතුරු වශයෙන් නවසිලන්තය සිය පලමු ඉනිම සදහා ලකුණු 615 ක් රැස් කළේය .

ඩේවිස් කුසලාන ටෙනිස් ශූරතාව ස්පාඤ්ඤය හිමිකර ගනී. අනු ශූරතාව කැනඩාවට හිමි විය. ස්පාඤ්ඤය ඩේවිස් කුසලානය මෙවර හිමි කර ගත්තේ හයවෙනි වරටයි

අගමැති අද මුදල් අමාත්‍ය ධූරයේ වැඩ අරඹයි

අග්‍රාමාත්‍ය මහින්ද රාජපක්ෂ මහතා මුදල් අමාත්‍යවරයා වශයෙන් අද සිය ධුරයේ වැඩ අරඹයි. කොළඹ මුදල් අමාත්‍යංශයේ පැවැත්වෙන මෙම අවස්ථාවට අමාත්‍යවරුන්. අමාත්‍යාංශ ලේකම්වරුන් ඇතුඑ විශාල පිරිසක් සහභාගිවීමට නියමිතයි.
අමාත්‍ය පවිත්‍රා වන්නිආරච්චි මහත්මිය ද අද පස්වරු 1.00 ට කාන්තා හා ළමා කටයුතු සමාජ ආරක්ෂණ අමාත්‍යංශයේ වැඩ ආරම්භ කිරිමට නියමිතයි.
මේ අතර බස්නාහිර පළාත් ආණ්ඩුකාර විශේෂඥ වෛද්‍ය සීතා අරඹෙපොළ මහත්මිය ද අද පෙරවරු 9.30 ට බත්තරමුල්ල පිහිටි පළාත් ආණ්ඩුකාර කාර්යාලයේ සිය ධුරයේ වැඩ භාර ගැනිමට නියමිතයි.

බහුතර ජනතාව තමා කෙරෙහි තැබූ විශ්වාසය කඩ නොකරන බව ජනපති කියයි

ජනාධිපති ගෝඨාභය රාජපක්ෂ මැතිතුමා මහා සංඝරත්නය බැහැදැක ආශිර්වාද ලබා ගනි. ඒ අනුව ඊයේ පස්වරුවේ කොට්ටාව රුක්මලේ ධර්ම විජයාලෝක මහා විහාරස්ථානයට ගිය ජනාධිපතිතුමා කෝට්ටේ කල්‍යාණි සාමග්‍රි ධර්ම මහා සංඝ සභාවේ මහානායක අතිපුජ්‍ය ආචාර්ය ඉත්තෑපානේ ධම්මාලංකාර මහා නායක ස්වාමින් වහන්සේ බැහදැක ආශිර්වාද ලබාගත්තේය. ගෝඨාභය රාජපක්ෂ මැතිතුමා ධාර්මිකව හා නිතිගරුකව රට පාලනය කරමින් සමෘද්ධිමත් හා විනයගරුක රටක් ගොඩනගනු ඇතැයි රටේ සමස්ත ජනතාව අපේක්ෂාවෙන් පසුවන බව ධම්මාලංකාර ස්වාමින් වහන්සේ එහිදි සදහන් කළහ. කෝට්ටේ කල්‍යාණි සාමග්‍රි ධර්ම මහා සංඝ සභාවේ මහා සංඝරත්නය එම අවස්ථාවට වැඩම කර සිටි අතර උන් වහන්සේගේ ආශිර්වාදය ජනාධිපතිතුමාට පිරිනැමිණි.
ජනාධිපතිතුමා ඊයේ බෙල්ලන්විල රජමහා විහාරස්ථානයට ද ගොස් විහාරාධිපති පුජ්‍ය ආචාර්ය බෙල්ලන්විල ධම්මරතන ස්වාමින් වහන්සේ බැහැදුටුවේය.. රට නිවැරදි මාර්ගයට යොමු කිරිමේ පලමු පියවර ජයගැනිමට ජනතාවට හැකිවී ඇතැයි උන්වහන්සේ එහිදි සදහන් කළහ. අභියෝග වලට බය නැති ජනාධිපතිතුමාට රට හමුවේ ඇති ගැටලු වලට විසදුම් ලබාදිමේ හැකියාව ඇතැයි සදහන් කළ උන්වහන්සේ ඒ සදහා ඉවසීමෙන් යුතුව කාලය හා සහයෝගය එතුමාට ලබාදිය යුතු බව අවධාරණය කළහ.. මෙහිදි අදහස් දැක් වු ජනාධිපතිතුමා සදහන් කළේ ජනතාව භාරදුන් වගකිම් ඉටු කිරිමට තමන් කිසිසේත් පැකිලෙන්නේ නැතිබවයි. තමාට ජනවරක් ලබාදි ඇත්තේ පැවති තත්ත්වය වෙනස් කිරිමට බව පෙන්වා දුන් ජනාධිපතිතුමා රටේ බහුතර ජනතාව තමා කෙරෙහි තැබූ විශ්වාසය කඩ නොකරන බව ද කියා සිටියේ. .නාරාහේන්පිට අභයාරාමාධිපති පුජ්‍ය මුරුත්තේට්ටුවේ ආනන්ද නායක ස්වාමින් වහන්සේ ඇතුලු මහා සංඝරත්නය එම අවස්ථාවට වැඩම කර සිටියහ.
ජනාධිපතිතුමා ඊයේ පස්වරුවේ පැපිලියාන සුනේත්‍රාදේවි පිරිවෙන් විහාරස්ථානයට ද ගොස් එහි විහාරාධිපති පුජ්‍ය මහාචාර්ය මැදගොඩ අභයතිස්ස නායක ස්වාමින් වහන්සේ බැහැදුටුවේය. විශේෂ අනුශාසනාවක් කරමින් උන් වහන්සේ පැවසුවේ රටේ වෙනසක් සිදුකිරිමට ජනාධිපතිතුමා තැබු පියවර ශක්තිමත් කිරිමට මහා සංඝරත්නයේ පුර්ණ සහයෝගය හා ආශිර්වාදය එතුමාට ලැබෙන බවයි