Sri Lanka Brodcasting Corporation

Tue07252017

Last updateMon, 24 Jul 2017 6pm

සිරස්තල

 

නවතම පුවත්

.සීනී කන්ටේනරයක තිබී කොකේන් තොගයක් සොයාගැනීමේ් සිද්ධියට ලංකා සතොස හෝ එහි සේවකයන්ගේ කිසිදු සම්බන්ධයක් නැතැයි විෂයභාර ඇමතිවරයා කියයි.

සීනී කන්ටේනරයක තිබී කොකේන් තොගයක් සොයාගැනීමේ් සිද්ධියට ලංකා සතොස හෝ එහි සේවකයන්ගේ කිසිදු සම්බන්ධයක් නැතැයි වාණිජ හා වෙළෙඳ ඇමති රිෂාඩ් බදියුදීන් මහතා පවසයි.  ලංකා සතොස ආයතනයට හා තමා අපකිර්තියට පත් කිරීමේ අරමුණින් ඇතැම් කණ්ඩායම් මේ පිළිබඳව අසත්‍ය ප්‍රචාර ගෙනයන බව ඇමතිවරයා කියයි.

Read more...

දේශපාලනඥයන්ට අවශ්‍ය ලෙස ජාතිවාදය හා ආගම්වාදය සිසු දරුවන්ගේ මනසට කාවැද්දීම නිසා රටේ ඉදිරි ගමන අඩාල වු බව ඇමති මනෝ ගනේෂන් මහතා කියයි.

දේශපාලනඥයන්ට අවශ්‍ය ලෙස ජාතිවාදය හා ආගම්වාදය සිසු දරුවන්ගේ මනසට කාවැද්දීම හේතුවෙන් රටේ ඉදිරි ගමන අඩාල වු බව ඇමති මනෝ ගනේෂන් මහතා පවසයි.  යුද්ධයට කැරළිවලට මුහුණදුන් අප තවමත් පාඩම් ඉගෙන ගෙන නැතැයි ඇමතිවරයා පැවසුවේ සිය අමාත්‍යශයේ අද පැවැති උත්සවයකට එක්වෙමිනි.  පාසල් දරුවන්ගේ කියවීමේ හැකියාව වර්ධනය කිරීමේ අරමුණින් පාසල් 36 ක පුස්තකාලවලට පොත් පිරිනැමීම වෙනුවෙන් එය සංවිධාන කර තිබුණි.  රට ඉදිරියට ගෙනයාමේ කාලය එළඹ තිබේ.  ඒ සදහා සියඵ දෙනා එක්ව කටයුතු කළයුතු බව ඇමතිවරයා එහිදී පැවසීය.

උතුරු පළාත් ප්‍රධාන ඇමතිවරයා නල්ලුර් හි වෙඩි තැබීමේ සිද්ධිය තරයේ හෙලා දකී.

උතුරු පළාත් ප්‍රධාන ඇමති සී. වී. විග්නේෂ්වරන් මහතා නල්ලුර් හි වෙඩි තැබීමේ සිද්ධිය තරයේ හෙලා දකී.  එහිදී මියගිය පොලිස් සැරයන් සරත් හේමචන්ද්‍ර මහතාගේ පවුලේ ඥාතීන් වෙත ප්‍රධාන ඇමතිවරයා සිය බලවත් කණස්සල්ල ප්‍රකාශ කරයි. මෙම අපරාධය සිදුකළ පුද්ගලයන් නීතිය හමුවට පමුණුවන ලෙස  ප්‍රධාන ඇමතිවරයා යාපනය නියෝජ්‍ය පොලිස්පතිවරයාගෙන් ඉල්ලීමක් කරයි.

Read more...

ඵෙතිහාසික පාහියංගල ලෙන් සම්බන්ධයෙන් ජාතික ගොඩනැගිලි පර්යේෂණ සංවිධානයේ වාර්තාව පුරාවිද්‍යා දෙපාර්තමේන්තුවට

ඵෙතිහාසික පාහියංගල ලෙන් සම්බන්ධයෙන් ජාතික ගොඩනැගිලි පර්යේෂණ සංවිධානය සිදුකල පර්යේෂණයේ වාර්තාව පුරාවිද්‍යා දෙපාර්තමේන්තුවට යොමුකර ඇතැයි පුරාවිද්‍යා කොමසාරිස් ජනරාල් මහාචාර්ය පී. බී. මණ්ඩාවල මහතා පවසයි. ගංවතුර සහ ජලගැලීම් නිසා පාහියංගල ලෙන්වලට  හානි  සිදුවෙමින් පවතින බවට ලැබුණු වාර්තා පදනම් කරගෙන මෙම පර්යේෂණ සිදුකෙරිණ..

Read more...

බ්‍රිතාන්‍යයේ සහ ඇමරිකාවේ ආර්ථික වර්ධන වේගයේ අඩු අගයක්.

බ්‍රිතාන්‍යයේ සහ ඇමරිකාවේ මේ වසරේ ආර්ථික වර්ධන වේගය අපේක්ෂිත ප්‍රමාණයට වඩා අඩු අගයක් ගනු ඇතැයි ජාත්‍යන්තර මුල්‍ය අරමුදල පවසයි.  වසරේ මුල් මාස තුළ තුන බ්‍රිතාන්‍යයේ ආර්ථික වර්ධනය සියයට දෙකක් ලෙස අපේක්ෂා කළත් එය වර්ධනය වී ඇත්තේ සියයට එකයි දශම හතක් ලෙසිනි.  ඇමරිකා එක්සත් ජනපදය සදහා ජාත්‍යන්තර මුල්‍ය අරමුදල අපේක්ෂා කළ සියයට දෙකයි දශම තුනක වර්ධනය ද සියයට දෙකයි දශම එකක් දක්වා පහළ දමා තිබේ.

ආසියානු පිරිමි වොලිබෝල් තරගාවලියට සහභාගී වන ශ්‍රී ලංකා කණ්ඩායම අද ජපානය සමග තරගවදී.

ඉන්දුනිසියාවේ පැවැත්වෙන 2017 ආසියානු පිරිමි වොලිබෝල් තරගාවලියට සහභාගී වන ශ්‍රී ලංකා කණ්ඩායම අද ජපානය සමග තරගවදී.  රටවල් 14 ක් සහභාගී වන මෙම තරගාවලියේ ශ්‍රී ලංකාව සී කොටසින් තරගවදි. ශ්‍රී ලංකාව හෙට කොරියාව සමගද අනිද්දා වියට්නාමය සමගද තරග වැදීමට නියමිතයි.  ශ්‍රී ලංකා වරාය අධිකාරියේ ජනිත් සුරත් ශ්‍රී ලංකා කණ්ඩායමේ නායකයායි.

පලමු ටෙස්ට් තරගය සදහා ශ්‍රි ලංකා සංචිතය නම් කෙරේ.

සංචාරක ඉන්දිය ක්‍රිකට් කණ්ඩායම සහ ශ්‍රි ලංකා කණ්ඩායම අතර පලමු ටෙස්ට් තරගය ලබන 26 වැනිදා ගාල්ල ජාත්‍යන්තර ක්‍රිඩාංගනයේදි පැවැත්වේ. ඒ සදහා ශ්‍රි ලංකා කණ්ඩායම ක්‍රිකට් තේරිම් කමිටුව විසින් නම් කර තිබේ.. අසනිප තත්ත්වයක් හේතුවෙන් දිනේෂ් චන්දිමාල් පලමු තරගයට සහභාගිනොවේ. කණ්ඩායමේ නායකත්වය රංගන හේරත්ට පැවරි ඇත.

උපුල් තරංග. දිමුත් කරුණාරත්න. කුසල් මෙන්ඩිස්. ඇන්ජලෝ මැතිව්ස්. අසේල ගුණරත්න. නිරෝෂන් දික්වැල්ල. ධනංජය ද සිල්වා . දනුෂ්ක ගුණතිලක. දිල්රුවන් පෙරේරා. සුරංග ලක්මාල්. ලහිරු කුමාර. විශ්ව ප්‍රනාන්දු. මලින්ද පුෂ්පකුමාර හා නුවන් ප්‍රදිප් සංචිතයට ඇතුලත්ව සිටිති.

ඇෆ්ගනිස්ථානයේ කාබුල් අගනුවර බෝම්බ පිපිරීමකින් 24 දෙනෙකු මරුට.

ඇෆ්ගනිස්ථානයේ කාබුල් අගනුවර සිදුවු බෝම්බ පිපිරීමකින් 24 දෙනෙක් මරණයට පත්වෙති.  තවත් 42 දෙනෙකු තුවාල ලබා තිබේ.  මෝටර් රථයක බෝම්බව සවිකර තිබිනි.  ප්‍රහාරයේ ඉලක්කය කුමක්ද යන්න තවමත් හෙලිවී නැතත් ඇෆ්ගනිස්ථාන රජයේ නියෝජ්‍ය ප්‍රධාන විධායක නිලධාරියාගේ නිවස අසල බෝම්බ පිපිරීම සිදුවිය. ප්‍රහාරයේ වගකිම මේ දක්වා කිසිදු කැරලි කණ්ඩායමක් භාරගෙන නැත.

දේශීය පුවත්

 

විදෙස් පුවත්